ಮಂಗಳೂರು: ಸಜ್ಜನ ಪ್ರತಿಷ್ಠಾನ ಬೀಜದಕಟ್ಟೆ ವತಿಯಿಂದ ನೀಡಲ್ಪಡುವ ‘ಸಜ್ಜನ ಸಿರಿ ಪ್ರಶಸ್ತಿ’ ಯನ್ನು
ಸಾಮಾಜಿಕ ಹಾಗೂ ಶೈಕ್ಷಣಿಕ ಕ್ಷೇತ್ರದಲ್ಲಿ ಅಪಾರ ಸೇವೆ ಸಲ್ಲಿಸಿರುವ ಮರ್ಕಝ್ ವಿದ್ಯಾ ಸಮುಚ್ಚಯಗಳ ಶಿಲ್ಪಿ ಹಾಗೂ ಇಂಡಿಯನ್ ಗ್ರ್ಯಾಂಡ್ ಮುಫ್ತಿ ಡಾ. ಕಾಂತಪುರಂ ಎ.ಪಿ. ಅಬೂಬಕ್ಕರ್ ಅಹ್ಮದ್ ಅವರಿಗೆ ನೀಡಿ ಗೌರವಿಸಲಾಯಿತು.
ಕೇರಳದ ಕಲ್ಲಿಕೋಟೆಯ ಕಾರಂದೂರಿನಲ್ಲಿರುವ ಮರ್ಕಝ್ ವಿದ್ಯಾ ಸಂಸ್ಥೆಗಳಿಗೆ ತೆರಳಿ ಸಜ್ಜನ ಪ್ರತಿಷ್ಠಾನದ ಅಧ್ಯಕ್ಷ ಡಾ. ಉಮ್ಮರ್ ಬೀಜದಕಟ್ಟೆ ಡಾ. ಶೇಖ್ ಅಬೂಬಕ್ಕರ್ ಅಹ್ಮದ್ ಅವರಿಗೆ ಪ್ರಶಸ್ತಿ ಪ್ರಧಾನ ಮಾಡಿ ಗೌರವಿಸಿದರು.
ಸಾಮಾಜಿಕ ಸೇವೆ, ಶೈಕ್ಷಣಿಕ ಪ್ರಗತಿ ಹಾಗೂ ಸಮಾಜದ ಸರ್ವತೋಮುಖ ಅಭಿವೃದ್ಧಿಗೆ ಡಾ. ಎ.ಪಿ. ಅಬೂಬಕ್ಕರ್ ಮುಸ್ಲಿಯಾರ್ ಸಲ್ಲಿಸಿರುವ ಕೊಡುಗೆ ಅಪಾರವಾಗಿದೆ ಎಂದು ಡಾ. ಉಮ್ಮರ್ ಬೀಜದಕಟ್ಟೆ ಶ್ಲಾಘಿಸಿದರು.
ಈ ಸಂದರ್ಭ ಸಜ್ಜನ ಪ್ರತಿಷ್ಠಾನದ ನಿರ್ದೇಶಕ ಶರೀಫ್ ಜಟ್ಟಿಪಳ್ಳ, ನಾಲೇಜ್ ಸಿಟಿ ನಿರ್ದೇಶಕ ರವೂಫ್, ಹಿತೈಷಿಗಳಾದ ಹಮೀದ್ ಸುಳ್ಯ, ಸಂಶುದ್ದೀನ್ ಹಾಸನ, ಅಬ್ದುಲ್ಲಾ ಪೆರಂಗೊಡಿ, ಅನ್ಶೀಪ್ ಪೇರಡ್ಕ, ಮರ್ಜೂಕ್ ಕಡೆಪಾಲ ಉಪಸ್ಥಿತರಿದ್ದರು.
