ತಮ್ಮ ಜಮೀನಿಗೆ ಹಸು ನುಗ್ಗಿದ ಕಾರಣಕ್ಕಾಗಿ ಜಮೀನಿನ ಮಾಲೀಕರು ವೃದ್ಧೆಯನ್ನು ಕಂಬಕ್ಕೆ ಕಟ್ಟಿಹಾಕಿ ಅಮಾನವೀಯವಾಗಿ ಹಲ್ಲೆ ನಡೆಸಿರುವ ಘಟನೆ ಚಾಮರಾಜನಗರ ಜಿಲ್ಲೆಯಲ್ಲಿ ನಡೆದಿದೆ.
- Advertisement -
ಜಿಲ್ಲೆಯ ಹನೂರು ತಾಲೂಕಿನ ದೊಮ್ಮನಗದ್ದೆ ಗ್ರಾಮದಲ್ಲಿ ಘಟನೆ ನಡೆದಿದೆ. ಸಂತ್ರಸ್ತೆಯನ್ನು ಕಣ್ಣಮ್ಮ ಎಂದು ಗುರುತಿಸಲಾಗಿದೆ.
ಕಣ್ಣಮ್ಮ ಅವರು ತಮ್ಮ ಹಸುವನ್ನು ಮೇಯಿಸಲು ಜಮೀನಿಗೆ ಕರೆದೊಯ್ದಿದ್ದರು. ಈ‌ವೇಳೆ ಹಸು ಬೇರೆಯವರ ಜಮೀನಿಗೆ ನುಗ್ಗಿ ಬೆಳಡಯನ್ನು ಮೇಯ್ದಿದೆ. ಆ ಕಾರಣಕ್ಕೆ ಕುಪಿತಗೊಂಡ ಜಮೀನು ಮಾಲೀಕರು ವೃದ್ಧೆಯನ್ನು ಕಂಬಕ್ಕೆ ಕಟ್ಟಿ ಸುಮಾರು 2 ಗಂಟೆಗಳ ಕಾಲ ಹಲ್ಲೆ ನಡೆಸಿದ್ದಾರೆ.
ವೃದ್ಧೆ ಮೇಲೆ ಹಲ್ಲೆ ಮಾಡಿದ ಆರೋಪಿ ಅಂಗಮುತ್ತು ಸೇರಿ ಮೂವರನ್ನು ಹನೂರು ಪೊಲೀಸರು ಬಂಧಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
