ಟಿಪ್ಪರ್ ವಾಹನ ಖರೀದಿಗೆ ಶ್ರೀ ರಾಮ ಫೈನಾನ್ಸ್ ಸಾಲ ನೀಡಿದ್ದು ಸಾಲ ಮರುಪಾವತಿ ಮಾಡಲು ಸಿಬ್ಬಂದಿಗಳು ದೈಹಿಕವಾಗಿ ಹಲ್ಲೆ ನಡೆಸಿ ಜಾತಿ ನಿಂದನೆ ಮೂಡಿದ್ದು ಕೂಡಲೇ ಬಂಧಿಸಿ ನ್ಯಾಯ ಒದಗಿಸಬೇಕೆಂದು ಶಕ್ತಿನಗರ ಕೃಷ್ಣ ಲಮಾಣಿ ಮನವಿ ಮಾಡಿದರು.
ಅವರಿಂದು ಮಾಧ್ಯಮಗೋಷ್ಟಿ ಉದ್ದೇಶಿಸಿ ಮಾತನಾಡಿ ರಾಯಚೂರು ಶ್ರೀರಾಮ ಫೈನಾನ್ಸ್ನಿಂದ 2006 ರಲ್ಲಿ ಸಾಲ ಪಡೆದಿದ್ದು 12 ಇಎಂಐ ಭರಿಸುತ್ತಾ ಬಂದಿದ್ದೆ. ಬ್ಯಾಂಕಿನ ಮ್ಯಾನಜೇರ ವರ್ಗಾವಣೆಯಾಗಿರುವದಾಗಿ ಹೇಳಿ ಸಿಬ್ಬಂದಿಗಳು ನ.12 ರಂದು ಬಂದು ತತಕ್ಷಣದಲ್ಲಿ 2 ಲಕ್ಷ ರೂ ಪಾವತಿಸಬೇಕೆಂದರು. ತಕ್ಷಣವೇ ಸಾಲ ಭರಿಸಲು ಸಾಧ್ಯವಿಲ್ಲ. ಸಮಯ ನೀಡಿ ಎಂದು ಹೇಳುತ್ತಿರುವಾಗಲೇ ಗಂಗಾಧರ ಎಂಬುವವರು ರಾಡ್ ನಿಂದ ಹೊಡೆದು ಕೈ ಮೂಳೆ ತಿರುದ್ದು ದೇಹದ ಇತರೆ ಭಾಗದಲ್ಲಿ ಹಲ್ಲೆ ಮಾಡಿದ್ದಾರೆ. ಸಿಬ್ಬಂದಿಗಳಾದ ಮಧುಕಾಂತ, ವಿಜಯ, ಗಂಗಧಾರ, ಬಸವರಾಜ,ಪ್ರದೀಪ್ಸೇರಿ ಹಲ್ಲೆ ಮಾಡಿದ್ದಾರೆ. ಈ ಕುರಿತು ಶಕ್ತಿನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ಆದರೂ ಆರೋಪಿಗಳನ್ನು ಇಲ್ಲಿಯವರೆಗೆ ಬಂಧಿಸಿಲ್ಲ. 28 ಲಕ್ಷ ರೂಗಳಲ್ಲಿ 12 ಲಕ್ಷ ರೂ ಪಾವತಿಸಿದ್ದು ಉಳಿದ ಹಣ ಪಾವತಿಸುವದು ಬಾಕಿಯಿದೆ. ನನಗೆ ಗೊತ್ತಿಲ್ಲದಂತೆ 1 ಲಕ್ಷ 20 ಸಾವಿರ ವಿಮೆ ಮಾಡಿಸಿದ ಹಣವೂ ಸಾಲಕ್ಕೆ ಸೇರಿಸಲಾಗಿದೆ. ಸಾಲ ಮರುಪಾವತಿಸುವದು ನನ್ನ ಜವಬ್ದಾರಿಯಾಗಿದ್ದು ಕಂತುಗಳಲ್ಲಿ ಭರಿಸುವದಾಗಿ ಹೇಳಿದ್ದರೂ ಹಲ್ಲೆ ನಡೆಸಿದ್ದರೆ. ಕೂಡಲೇ ಆರೋಪಿಗಳನ್ನು ಬಂಧಿಸಬೇಕೆಂದರು.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ಪೋತ್ನಾಳ ಗ್ರಂಥಾಲಯಕ್ಕೆ ಮೂಲಸೌಕರ್ಯ ಒದಗಿಸುವಂತೆ ಆಗ್ರಹಿಸಿ ಸ್ಪರ್ಧಾರ್ಥಿಗಳ ಪ್ರತಿಭಟನೆ
ಈ ಸಂದರ್ಬದಲ್ಲಿ ಸಂಗೀತಾ ಇದ್ದರು



