ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿ ಅವರ ಮನೆ ಮೇಲೆ ಇಡಿ ದಾಳಿ ನಡೆಸಿರುವುದನ್ನು ಖಂಡಿಸಿ ಜಿಲ್ಲಾ ವಾಲ್ಮೀಕಿ ನಾಯಕ ಸಮಾಜದ ವತಿಯಿಂದ ನಗರದ ಮಹರ್ಷಿ ವಾಲ್ಮೀಕಿ ಪುತ್ಥಳಿ ಬಳಿ ಪ್ರತಿಭಟನೆ ನಡೆಸಲಾಯಿತು.
ಸಚಿವ ಸತೀಶ್ ಜಾರಕಿಹೊಳಿ ಅವರ ಮನೆ ಮೇಲೆ ರಾಜಕೀಯ ಪ್ರೇರಿತವಾಗಿ ಇಡಿ ದಾಳಿ ನಡೆಸಲಾಗಿದೆ ಎಂದು ಆರೋಪಿಸಿದ ಪ್ರತಿಭಟನಾಕಾರರು, ನಾಯಕ ಸಮುದಾಯದ ನಾಯಕರನ್ನು ರಾಜಕೀಯವಾಗಿ ಮುಗಿಸುವ ಹುನ್ನಾರ ನಡೆಯುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಇಡಿ ದಾಳಿಯ ಹಿಂದೆ ರಾಜಕೀಯ ಪಿತೂರಿ ಇದೆ. ಅಹಿಂದ ನಾಯಕರ ಏಳ್ಗೆಯನ್ನು ಸಹಿಸದೆ ಕೇಂದ್ರ ಸರ್ಕಾರ ತನಿಖಾ ಸಂಸ್ಥೆಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿದೆ. ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರ ಪ್ರಜಾಪ್ರಭುತ್ವವನ್ನು ಕಗ್ಗೊಲೆ ಮಾಡಲು ಮುಂದಾಗಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ಗಣೇಶ ಮೂರ್ತಿಗೆ ವಿದ್ಯುತ್ ತಂತಿ ಸಿಲುಕಿ ಯುವಕ ಸಾವು
ಪ್ರತಿಭಟನೆಯಲ್ಲಿ ವಾಲ್ಮೀಕಿ ನಾಯಕ ಸಮಾಜದ ಮುಖಂಡರಾದ ಎನ್. ರಘುವೀರ ನಾಯಕ, ರಾಜಶೇಖರ ನಾಯಕ, ವಿ.ಎಂ. ಮೇಟಿ, ಪ್ರಭು ಹುಲಿ ನಾಯಕ, ತಿಮ್ಮಪ್ಪ ನಾಯಕ ಅಸ್ಕಿಹಾಳ, ರಾಚಣ್ಣ ನಾಯಕ, ಮಲ್ಲಿಕಾರ್ಜುನ ನಾಯಕ, ಶಂಕರ ನಾಯಕ, ಹನುಮೇಶ ನಾಯಕ ಸಾದಾಪೂರ, ವೀರೂಪಾಕ್ಷ ನಾಯಕ, ರಾಮುಲು ನಾಯಕ, ಶರಣ ಬಸವ ನಾಯಕ ಸಾದಾಪೂರ, ಹನುಮಂತ ನಾಯಕ ಸಾದಾಪೂರ, ಆಂಜಿನೇಯ ನಾಯಕ ಪಂಚಮುಖಿ, ವೀರೇಶ್ ನಾಯಕ, ಮಾನಸಯ್ಯ ನಾಯಕ ದೇವದುರ್ಗ, ಕೃಷ್ಣ ನಾಯಕ ಹೂಗನಹಳ್ಳಿ, ಆದೇಶ ನಾಯಕ, ತಿಮಪ್ಪ ನಾಯಕ ಹಲ್ಕೂರ್, ಲಕ್ಷ್ಮಣ ನಾಯಕ ಮಟಮಾರಿ, ಗೋವಿಂದ ನಾಯಕ ಖಾನಾಪುರ, ರಾಚಯ್ಯ ನಾಯಕ ದೇವದುರ್ಗ, ಭಾರತ್ ನಾಯಕ ಸಿರವಾರ, ಮಸ್ತಾನ ನಾಯಕ ದೇವದುರ್ಗ ಸೇರಿದಂತೆ ನೂರಾರು ಮಂದಿ ಭಾಗವಹಿಸಿದ್ದರು.
