ನಮ್ಮ ಕ್ಷೇತ್ರದ ಶಾಸಕರಿಗೆ ಸಿಗುವ ಸಂಬಳ ಎಷ್ಟು ಗೊತ್ತೇ?

Date:

  • ಜನಸೇವೆಗೆ ಆಯ್ಕೆಯಾಗುವ ಜನಪ್ರತಿನಿಧಿಗಳಿಗೂ ಇದೆ ತಿಂಗಳ ವೇತನ
  • ಶಾಸಕರಾದವರಿಗೆ ಲಭ್ಯವಾಗಲಿದೆ ಹಲವು ಉಚಿತ- ಖಚಿತ ಸರ್ಕಾರಿ ಭತ್ಯೆ

ನೂತನವಾಗಿ ಅಸ್ತಿತ್ವಕ್ಕೆ ಬಂದಿರುವ ಸಿದ್ದರಾಮಯ್ಯ ನೇತೃತ್ವದ ಕಾಂಗ್ರೆಸ್ ಸರ್ಕಾರ ಜನಪರ ಆಡಳಿತ ನೀಡುವ ಭರವಸೆಯೊಂದಿಗೆ ಕಾರ್ಯಾರಂಭ ಮಾಡಿದೆ. ನಮ್ಮೂರಿನ ಜೊತೆಗೆ ನಾವೂ ಸ್ವಲ್ಪ ಅಭಿವೃದ್ದಿಯಾಗೋಣ ಎನ್ನುವ ನಿಟ್ಟಿನಲ್ಲಿ ಬದಲಾವಣೆಗೆ ಕೈ ಜೋಡಿಸಿರುವ ನಾಡಿನ ಜನ ತಮ್ಮ ಶಾಸಕರ ಕೆಲಸ ಕಾರ್ಯಗಳತ್ತ ಗಮನ ಹರಿಸಿದ್ದಾರೆ.

- Advertisement -

ಪ್ರಚಾರದ ವೇಳೆ ಹೇಳಿದ ಕೆಲಸಗಳನ್ನು ಮಾಡಿಕೊಡುತ್ತಾರೋ ಇಲ್ಲವೋ ಎನ್ನುವುದೇ ಅವರ ಮೇಲಿರುವ ಮೊದಲ ನಿರೀಕ್ಷೆ. ಹೀಗೆ ಜನಸಾಮಾನ್ಯರ ನಿರೀಕ್ಷೆ ಹಾಗೂ ಭರವಸೆಗಳನ್ನು ಹೆಗಲ ಮೇಲೆ ಹೊತ್ತು ಶಾಸನಸಭೆಯಲ್ಲಿ ಅವುಗಳ ಅನುಷ್ಠಾನಕ್ಕಾಗಿ ಹೋರಾಡುವವರು ನಮ್ಮೀ ಶಾಸಕರುಗಳು.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಇಂದು ಭಗತ್ ಸಿಂಗ್ ಹೆಸರು ಬಳಸುವ ಆರ್‌ಎಸ್‌ಎಸ್ ನಾಯಕರಿಗೆ...

ಜಾತ್ಯತೀತತೆ ಮತ್ತು ಸಮಾಜವಾದದ ಬಗ್ಗೆ ಗಟ್ಟಿಯಾಗಿ ಮಾತನಾಡುತ್ತಿದ್ದ, ಕೋಮುವಾದಿ ಧೋರಣೆಗಳನ್ನು ಕಟುವಾಗಿ ವಿಮರ್ಶಿಸುತ್ತಿದ್ದ ಭಗತ್ ಸಿಂಗ್ ಅವರನ್ನು ಇಂದು ಅದೇ ಸಿದ್ಧಾಂತಗಳ ವಿರುದ್ಧ ನಿಂತಿರುವ ಬಿಜೆಪಿ, ಆರ್‌ಎಸ್‌ಎಸ್, ಎಬಿವಿಪಿ ನಾಯಕರು ತಮ್ಮ 'ಸ್ವಂತ...

ಬರಗಾಲ | ಕಾಡಿನ ಮೌನದ ಹಿಂದೆ ಅಡಗಿದೆ ಜೀವಸಂಕುಲದ...

ಒಂದು ಆನೆಗೆ ದಿನಕ್ಕೆ ನೂರಾರು ಲೀಟರ್ ನೀರು ಮತ್ತು ನೂರಾರು ಕೆ.ಜಿ. ಆಹಾರ ಬೇಕಾಗುತ್ತದೆ. ಇನ್ನು ಕಾಡಿನಲ್ಲಿರುವ ಸಾವಿರಾರು ಆನೆಗಳು, ಹುಲಿಗಳು, ಚಿರತೆಗಳು, ಜಿಂಕೆಗಳು, ಕಾಡೆಮ್ಮೆಗಳು ಸೇರಿದಂತೆ ವಿವಿಧ ವನ್ಯಜೀವಿಗಳ ಅಗತ್ಯವನ್ನು ಲೆಕ್ಕಹಾಕಿದರೆ...

ಬಾಗಲಕೋಟೆ | ಸರ್ಕಾರಿ ಮೆಡಿಕಲ್ ಕಾಲೇಜಿನಲ್ಲಿ ತರಗತಿ ಆರಂಭ;...

ಬಾಗಲಕೋಟೆ ಜಿಲ್ಲೆಯ ಜನರ ಬಹುದಿನಗಳ ನಿರೀಕ್ಷೆಗೆ ಕೊನೆಗೂ ಕಾಲ ಕೂಡಿಬಂದಿದೆ. ಬಾಗಲಕೋಟೆಯಲ್ಲಿ ಸರ್ಕಾರಿ ವೈದ್ಯಕೀಯ ಕಾಲೇಜು ಸ್ಥಾಪನೆಯಾಗಬೇಕು ಎಂಬ ದಶಕಗಳ ಬೇಡಿಕೆಗೆ ಸಾಕಾರ ರೂಪ ಸಿಕ್ಕಿದ್ದು, ಪ್ರಸಕ್ತ ಶೈಕ್ಷಣಿಕ ವರ್ಷದಿಂದಲೇ ನಗರದ ಬಹುನಿರೀಕ್ಷಿತ...

ಅಂದಹಾಗೆ ಜನಸೇವೆ ಮಾಡುವ ಈ ಶಾಸಕರಿಗೆ ಸರ್ಕಾರ ಈ ಕಾರ್ಯಕ್ಕಾಗಿ ಕೊಡವ ಸಂಬಳ ಎಷ್ಟು ಗೊತ್ತೇ? ಬರೋಬ್ಬರಿ 2 ಲಕ್ಷದ 16 ಸಾವಿರ ರೂಪಾಯಿಗಳು. ಹಾಗೆಯೇ ಇದರ ಜೊತೆಗೆ ವಾರ್ಷಿಕ ಇನ್ನಷ್ಟು ಹೆಚ್ಚುವರಿ ಭತ್ಯೆಗಳು ಅವರಿಗೆ ಲಭ್ಯವಾಗಲಿದೆ.

ಶಾಸಕರ ಸಂಬಳ ಭತ್ಯೆ ವಿವರ ಹೀಗಿದೆ

ಸಂಬಳ- 40,000 ರೂಪಾಯಿಗಳು, ದೂರವಾಣಿ ವೆಚ್ಚ- 20,000 ರೂಪಾಯಿ, ಕ್ಷೇತ್ರ ಭತ್ಯೆ- 60,000 ಸಾವಿರ, ಅಂಚೆ ವೆಚ್ಚ- 5,000 ಸಾವಿರ, ಆಪ್ತ ಸಹಾಯಕ ಹಾಗೂ ರೂಮ್ ಬಾಯ್ ಸಂಬಳಕ್ಕೆ 20,000 ಸಾವಿರ ಹೀಗೆ ತಿಂಗಳಿಗೆ ಒಟ್ಟು 1,45,000 ರೂಪಾಯಿಗಳು ದೊರಕಲಿದೆ. ಇದರೊಂದಿಗೆ ಇನ್ನಿತರ ವೆಚ್ಚಗಳು ಹೆಚ್ಚುವರಿಯಾಗಿ ಸಿಗುತ್ತದೆ.

ವೈದ್ಯಕೀಯ ಚಿಕಿತ್ಸೆ ವೆಚ್ಚ: ಆರೋಗ್ಯ ವಿಚಾರದಲ್ಲಿ ರಾಜ್ಯ ಸರ್ಕಾರದ ನಿರ್ವಹಣೆಯ ಹಾಗೂ ಖಾಸಗಿ ಆಸ್ಪತ್ರೆಗಳಲ್ಲಿ ತಾನು ಪಡೆದ ವೈದ್ಯೋಪಚಾರ ಹಾಗೂ ಚಿಕಿತ್ಸೆಗಾಗಿ ವೈದ್ಯಕೀಯ ವೆಚ್ಚಗಳನ್ನು ಭರಿಸಿದ ಸಂದರ್ಭದಲ್ಲಿ, ಅವರು ಸರ್ಕಾರಿ ಆಸ್ಪತ್ರೆ ಅಥವಾ ಚಿಕಿತ್ಸಾಲಯದಲ್ಲಿ ಪಡೆದ ವೈದ್ಯೋಪಚಾರ ಅಥವಾ ಚಿಕಿತ್ಸೆ ವೆಚ್ಚಗಳ ಸಮನಾದ ವೆಚ್ಚಕ್ಕೆ ಮರುಪಾವತಿ ಪಡೆಯಲು ಅರ್ಹರಿರುತ್ತಾರೆ.

ಯಾರೇ ಸದಸ್ಯರು ತಮ್ಮ ಜೀವಿತಾವಧಿಯಲ್ಲಿ ಒಂದು ಬಾರಿಗೆ ಮಾತ್ರ ಶ್ರವಣ ಸಾಧನಕ್ಕಾಗಿ ಪ್ರತಿ ಕಿವಿಗೆ ರೂ.1,00,000/-ಗಳವರೆಗೆ, ದಂತಪಂಕ್ತಿಗಾಗಿ ರೂ.50,000/-ಗಳವರೆಗೆ ಹಾಗೂ ಕ್ಯಾಪ್‌ನೊಂದಿಗೆ ರೂಟ್ ಕೆನಾಲ್ ಗಾಗಿ ರೂ.10,000/-ಗಳವರೆಗೆ ವೈದ್ಯಕೀಯ ವೆಚ್ಚ ಮರುಪಾವತಿ ಪಡೆಯಬಹುದು. ಹಾಗೆಯೇ ‘ಕುಟುಂಬದ ಸೀಮಿತ ಸದಸ್ಯ’ರಿಗೂ ಇದು ಅನ್ವಯವಾಗುತ್ತದೆ.

ಗಣಕ ಯಂತ್ರ ಅನುದಾನವಾಗಿ ವಾರ್ಷಿಕ 50 ಸಾವಿರ ರೂಪಾಯಿಗಳನ್ನು ಶಾಸಕರು ವಿನಿಯೋಗಿಸಬಹುದು. ಹಾಗೆಯೇ ಮೋಟಾರು ವಾಹನ ಖರೀದಿ ಸಾಲ ಸೌಲಭ್ಯವೂ ಶಾಸಕರಿಗೆ ಲಭ್ಯವಾಗುತ್ತದೆ. ಇದರ ಪ್ರಕಾರ ಶೇ.7%ರ ಸರಳ ಬಡ್ಡಿ ದರದ ಮೇಲೆ ಮೋಟಾರು ಸೈಕಲ್ ಖರೀದಿಗೆ ರೂ.8,000, ವಾಹನಗಳ ಖರೀದಿಗೆ 15 ಲಕ್ಷಗಳ ಮೊಬಲಗನ್ನು ಮುಂಗಡವನ್ನು ಪಡೆದುಕೊಳ್ಳಲು ಅವಕಾಶವಿದೆ.

ಒಂದು ವೇಳೆ ಮುಂಗಡ ಹಣದ ಬಾಕಿಗಳು ವಸೂಲಿಯಾಗುವುದಕ್ಕಿಂತ ಮುಂಚೆ ಸದಸ್ಯನು ಮರಣ ಹೊಂದಿದಲ್ಲಿ (ಅಸಲು ಹಾಗೂ ಅದರ ಮೇಲಿನ ಬಡ್ಡಿ ಎರಡೂ ಸೇರಿದಂತೆ) ಬಾಕಿಯಿರುವ ಸಂಪೂರ್ಣ ಮೊತ್ತವನ್ನು ಮನ್ನಾ ಮಾಡಲಾಗುವುದು.

ಪ್ರಯಾಣ ಭತ್ಯೆ: ರಾಜ್ಯದಲ್ಲಿನ ಪ್ರಯಾಣ ಖರ್ಚಿಗಾಗಿ ಶಾಸಕರಿಗೆ ಪ್ರಯಾಣ ಭತ್ಯೆ ನೀಡಲಾಗುತ್ತದೆ. ಇದು ಅವರು ಹಾಜರಾದ ಸಭೆ ಅಥವಾ ಪ್ರಯಾಣಿಸಿದ ಹಾದಿಯ ವೆಚ್ಚದ ಮೇಲೆ ನಿಗದಿಯಾಗುತ್ತದೆ. ಅಂದರೆ ಪ್ರಯಾಣದ ಬಗೆಯನ್ನು ಗಣನೆಗೆ ತೆಗೆದುಕೊಳ್ಳದೆ ಪ್ರತಿ ಕಿಲೋ ಮೀಟರ್ ಗೆ ರೂ.35/, ಅಥವಾ ರೂ.1,500/-ಗಳನ್ನು ಪ್ರತಿ ಸಭೆಯ ಹಾಜರಾತಿಗೆ ನೀಡಲಾಗುತ್ತದೆ.

ಈ ಸುದ್ದಿ ಓದಿದ್ದೀರಾ? : ಚಂಡೀಗಢಕ್ಕೆ ಟ್ರಕ್‌ನಲ್ಲಿ ರಾಹುಲ್‌ ಗಾಂಧಿ ಪ್ರಯಾಣ | ಚಾಲಕರೊಡನೆ ಮಾತುಕತೆ

ವಿಮಾನ ಮತ್ತು ರೈಲ್ವೆ ಪ್ರಯಾಣ ಭತ್ಯೆ: ಪ್ರತಿ ಆರ್ಥಿಕ ವರ್ಷದಲ್ಲಿ, ಸದಸ್ಯರು ಭಾರತದಲ್ಲಿ ವಿಮಾನದ ಮೂಲಕ ಅಥವಾ ರೈಲ್ವೆ ಮೂಲಕ ಒಂದು ಅಥವಾ ಒಂದಕ್ಕಿಂತ ಹೆಚ್ಚು ಪ್ರಯಾಣಗಳಲ್ಲಿ ಒಬ್ಬರೇ ಅಥವಾ ಸಹಚರರೊಂದಿಗೆ ಪ್ರಯಾಣಿಸುವ ಉದ್ದೇಶಕ್ಕಾಗಿ ಏಪ್ರಿಲ್ ಮತ್ತು ಅಕ್ಟೋಬರ್ ತಿಂಗಳಲ್ಲಿ ರೂ.2,50,000/- (ಎರಡು ಲಕ್ಷದ ಐವತ್ತು ಸಾವಿರ ರೂಪಾಯಿಗಳು ಮಾತ್ರ) ಮೊತ್ತವನ್ನು ಎರಡು ಸಮಾನ ಕಂತುಗಳಲ್ಲಿ ಪಡೆಯ ಬಹುದಾಗಿದೆ.

ಇನ್ನು ಹೊರ ರಾಜ್ಯದಲ್ಲಿನ ಸಭೆ ಸಮಾರಂಭಗಳಿಗೂ ಪ್ರತ್ಯೇಕ ಭತ್ಯೆ ಇದ್ದು ಇವನ್ನೂ ಶಾಸಕರು ಬಿಲ್ ತೋರಿಸಿ ಪಡೆದುಕೊಳ್ಳಬಹುದಾಗಿದೆ. ಶಾಸಕರ ಅಧಿಕಾರಾವಧಿ ಮುಗಿದ ಬಳಿಕ ಇವರಿಗೆ ಪಿಂಚಣಿ ಸೌಲಭ್ಯವೂ ಇದ್ದು, ತಿಂಗಳಿಗೆ 50 ಸಾವಿರ ಫೆನ್ಷನ್‌ ಲಭ್ಯವಾಗುತ್ತದೆ.

eedina
ಈ ದಿನ ಡೆಸ್ಕ್‌
Website | + posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಶೇ. 80ರಷ್ಟು ಸಿದ್ಧವಾದ ಪಂಜಾಬ್ ಕಾಂಗ್ರೆಸ್ ಪ್ರಣಾಳಿಕೆ: ಮಹಿಳಾ ಕಲ್ಯಾಣ ಯೋಜನೆಗಳಿಗೆ ಒತ್ತು

2027ರ ಪಂಜಾಬ್ ವಿಧಾನಸಭಾ ಚುನಾವಣೆಗೆ ಪೂರ್ವಭಾವಿಯಾಗಿ ಕಾಂಗ್ರೆಸ್ ತನ್ನ ಚುನಾವಣಾ ಪ್ರಣಾಳಿಕೆಯನ್ನು...

ನೀಟ್ ಪ್ರಶ್ನೆಪತ್ರಿಕೆ ಸೋರಿಕೆ: ಎಲ್ಲಾ 14 ಆರೋಪಿಗಳ ವಿರುದ್ಧ ದೋಷಾರೋಪ ನಿಗದಿಪಡಿಸಿದ ದೆಹಲಿ ನ್ಯಾಯಾಲಯ

ದೇಶಾದ್ಯಂತ ವೈದ್ಯಕೀಯ ಆಕಾಂಕ್ಷಿಗಳಲ್ಲಿ ಭಾರಿ ಆತಂಕ ಮೂಡಿಸಿದ್ದ 2026ರ ನೀಟ್-ಯುಜಿ ಪ್ರಶ್ನೆಪತ್ರಿಕೆ...

ಭಾಷಣಗಳಲ್ಲಿ ಆಗಾಗ ಎಡವಟ್ಟು, ಸುಳ್ಳು-ಅತಿಶಯೋಕ್ತಿಯೇ ಮೇಲುಗೈ: ನವಭಾರತದ ‘ಪಪ್ಪು’ ಯಾರು?

ಒಂದು ಕಾಲದಲ್ಲಿ ರಾಹುಲ್ ಗಾಂಧಿ ಅವರನ್ನು ಅಪಹಾಸ್ಯ ಮಾಡಲು ಬಳಸುತ್ತಿದ್ದ 'ಪಪ್ಪು'...