ಇತ್ತೀಚಿಗಷ್ಟೆ 2023ನೇ ಸಾಲಿನ ಗುಜರಾತ್‌ನ 10ನೇ ತರಗತಿ ಫಲಿತಾಂಶ ಪ್ರಕಟವಾಗಿದ್ದು, ಒಟ್ಟಾರೆ ಫಲಿತಾಂಶ ಶೇ. 64.62 ರಷ್ಟಿದೆ. ಕುತೂಹಲದ ವಿಷಯವೆಂದರೆ, 272 ಶಾಲೆಗಳು ಶೇ 100 ಫಲಿತಾಂಶ ದಾಖಲಿಸಿದರೆ, 157 ಶಾಲೆಗಳು ಶೂನ್ಯ ಫಲಿತಾಂಶ ಪಡೆದುಕೊಂಡಿವೆ.
157 ಶಾಲೆಗಳಲ್ಲಿ ಒಬ್ಬ ವಿದ್ಯಾರ್ಥಿಯೂ ಉತ್ತೀರ್ಣರಾಗಿಲ್ಲ. 1084 ಶಾಲೆಗಳು ಶೇಕಡಾ 30 ಕ್ಕಿಂತ ಕಡಿಮೆ ಫಲಿತಾಂಶ ದಾಖಲಿಸಿವೆ.
ಮರು ಪರೀಕ್ಷೆಗೆ ಹಾಜರಾದ 165690 ವಿದ್ಯಾರ್ಥಿಗಳ ಪೈಕಿ 27446 ಮಂದಿ ಮಾತ್ರ ಉತ್ತೀರ್ಣರಾಗಿದ್ದಾರೆ. ಶೇ. 76 ರೊಂದಿಗೆ ಸೂರತ್ ಜಿಲ್ಲೆ ಶೇಕಡಾವಾರು ಉತ್ತೀರ್ಣತೆಯಲ್ಲಿ ಅಗ್ರಸ್ಥಾನದಲ್ಲಿದೆ. ದಾಹೋದ್ ಕೇವಲ ಶೇ. 40.75 ಉತ್ತೀರ್ಣತೆ ದಾಖಲಿಸುವುದರೊಂದಿಗೆ ಕೊನೆಯ ಸ್ಥಾನದಲ್ಲಿದೆ.
ಈ ಸುದ್ದಿ ಓದಿದ್ದೀರಾ? ನೀವು ದಲಿತರನ್ನು ಅಪ್ಪಿಕೊಳ್ಳುತ್ತೀರಾ?: ಆರ್‌ಎಸ್‌ಎಸ್‌-ಬಿಜೆಪಿ ಪ್ರಶ್ನಿಸಿದ ರಾಜಸ್ಥಾನ ಸಿಎಂ
6111 ವಿದ್ಯಾರ್ಥಿಗಳು ಎ1 ಶ್ರೇಣಿ, 44480 ವಿದ್ಯಾರ್ಥಿಗಳು ಎ2 ಶ್ರೇಣಿ, 127652 ವಿದ್ಯಾರ್ಥಿಗಳು ಬಿ2 ಶ್ರೇಣಿಯಲ್ಲಿ ತೇರ್ಗಡೆಯಾಗಿದ್ದಾರೆ. 96000 ವಿದ್ಯಾರ್ಥಿಗಳು ಗುಜರಾತಿ ಭಾಷೆಯಲ್ಲಿ ಅನುತ್ತೀರ್ಣರಾಗಿದ್ದರೆ, 1.96 ಲಕ್ಷ ವಿದ್ಯಾರ್ಥಿಗಳು ಮೂಲ ಗಣಿತದಲ್ಲಿ ಅನುತ್ತೀರ್ಣರಾಗಿದ್ದಾರೆ.
ಗುಜರಾತ್ ಫಲಿತಾಂಶದ ಬಗ್ಗೆ ಟ್ವಿಟರ್‌ನಲ್ಲಿ ಭಾರಿ ಟೀಕೆಗಳು ವ್ಯಕ್ತವಾಗುತ್ತಿವೆ. ಮೋದಿಯವರ ಒಂದೇ ಗುರಿ ಎಂದರೆ, ಭಾರತದ ಯುವಕರನ್ನು ವಾಟ್ಸಾಪ್ ಯೂನಿವರ್ಸಿಟಿಯಲ್ಲಿ ಪಿಎಚ್‌ಡಿ ಮಾಡಿಸುವುದು.. ಅದೂ ಎಂಟೈರ್ ಪೊಲಿಟಿಕಲ್ ಸೈನ್ಸ್‌ನಲ್ಲಿ.. ಎಂದು ಹಲವರು ಟ್ವೀಟ್‌ ಮಾಡಿದ್ದಾರೆ. ಸದ್ಯ ಗುಜರಾತ್ ಬೋರ್ಡ್ ಫಲಿತಾಂಶವು ಟ್ವಿಟರ್‌ನಲ್ಲಿ ಟ್ರೆಂಡಿಂಗ್ ಆಗುತ್ತಿದೆ.
