ರಾಜ್ಯದಲ್ಲಿ ಇಂದಿನಿಂದ (ಜೂನ್ 30) SIR ಪ್ರಕ್ರಿಯೆ ಆರಂಭವಾಗಿದೆ. ಈ ಪ್ರಕ್ರಿಯೆಯಲ್ಲಿ ಪ್ರತಿಯೊಬ್ಬರೂ ಎನ್ಯುಮರೇಷನ್ ಫಾರ್ಮ್ ತುಂಬಬೇಕು. ಅದಕ್ಕಾಗಿ 2002ರ ಮತಪಟ್ಟಿ ಪಡೆಯಬೇಕು. ಈ ಎಲ್ಲ ವಿಚಾರಕ್ಕೆ ನಿಮಗೆ ಸಹಾಯ ಬೇಕಾದರೆ, ಗೊಂದಲಗಳಿದ್ದರೆ ಚುನಾವಣಾ ಆಯೋಗವು ಪ್ರತಿ ಬೂತ್ ಮಟ್ಟದಲ್ಲಿ ತೆರೆದಿರುವ ವೋಟರ್ ಫೆಸಿಲಿಟೇಶನ್ ಸೆಂಟರ್‌ನ ಪ್ರಯೋಜನ ಪಡೆಯಬಹುದು. ನಿಮ್ಮ ಹೆಸರು ಸಿಗದಿದ್ದರೆ, ದಾಖಲೆ ಇಲ್ಲದಿದ್ದರೆ ಎಲ್ಲವನ್ನು ಅವರಿಂದ ಕೇಳಿ ತಿಳಿದುಕೊಳ್ಳಬಹುದು.
ನಿಮ್ಮ ಹೆಲ್ಫ್ ಡೆಸ್ಕ್ ಎಲ್ಲಿದೆ?
ನಿಮ್ಮ ಬಿಎಲ್‌ಓ ನಂಬರ್, ತಹಶೀಲ್ದಾರ್ ನಂಬರ್, ಎಸಿ ನಂಬರ್ ಪಡೆಯುವುದು ಈಗ ಸುಲಭ. ಗೂಗಲ್‌ನಲ್ಲಿ ceo karnataka ಎಂದು ಸರ್ಚ್ ಮಾಡಿದರೆ ಸಿಗುವ ಕರ್ನಾಟಕ ಚುನಾವಣಾ ಆಯೋಗದ ವೆಬ್‌ಸೈಟ್‌ನಲ್ಲಿ know your Voter Facilitation Center ಎಂದು ಪಾಪ್ ಅಪ್ ಆಗುತ್ತಿರುವುದರ ಮೇಲೆ ಕ್ಲಿಕ್ ಮಾಡಿ. ನಂತರ, ಜಿಲ್ಲೆ ಆಯ್ಕೆ ಮಾಡಿ, ನಿಮ್ಮ ಪ್ರಸ್ತುತ ವಿಧಾನಸಭಾ ಕ್ಷೇತ್ರ ಆಯ್ಕೆ ಮಾಡಿ ಮತ್ತು ಮೂರನೇ ಕಾಲಂನಲ್ಲಿ ನಿಮ್ಮ ಬೂತ್ ಯಾವುದು ಎಂದು ಸ್ಕ್ರೋಲ್ ಮಾಡುತ್ತ ಆಯ್ಕೆ ಮಾಡಿ.
ಆಗ ಕೆಳಗೆ ತನ್ನಿಂದ ತಾನೇ ನಿಮ್ಮ ಬೂತ್‌ನ ಬಿಎಲ್‌ಎ ಹೆಸರು ಮತ್ತು ಫೋನ್ ನಂಬರ್, Voter Facilitation Center ಯಾವುದು? ಬಿಎಲ್‌ಒ ಸೂಪರ್ ವೈಸರ್ ಹೆಸರು ಮತ್ತು ಫೋನ್ ನಂಬರ್ ಯಾವುದು? ಬಿಎಲ್‌ಒ Facilitation Center ಯಾವುದು? AERO ಅಂದರೆ ತಹಶೀಲ್ದಾರ್ ಹೆಸರು ಮತ್ತು ಫೋನ್ ನಂಬರ್, AERO ಅಂದರೆ ಎಸಿ ಹೆಸರು ಮತ್ತು ಫೋನ್ ನಂಬರ್ ಕಾಣುತ್ತದೆ. ಅದನ್ನು ಬರೆದಿಟ್ಟುಕೊಂಡು ಬಿಎಲ್‌ಒಗೆ ಫೋನ್ ಮಾಡಿ ಏನೇ ಗೊಂದಲ ಇದ್ದರೂ ಬಗೆಹರಿಸಿಕೊಳ್ಳಬಹುದು.
ಈ ರೀತಿ ಮಾಡಿದಾಗ ಕೆಲವು ಬೂತ್‌ಗಳಲ್ಲಿ ತಪ್ಪಾಗಿ ಪಕ್ಕದ ಬೂತ್ ಬಿಎಲ್‌ಒ ನಂಬರ್ ಬಂದುಬಿಟ್ಟಿರುತ್ತದೆ. ಮಂಡ್ಯ ಜಿಲ್ಲೆಯ ಕೆ.ಆರ್ ಪೇಟೆ ತಾಲ್ಲುಕಿನ 50ನೇ ಬೂತ್‌ನಲ್ಲಿ ಈ ತಪ್ಪು ಆಗಿದೆ. ತಿದ್ದಿಕೊಳ್ಳಿ ಎಂದು ಚುನಾವಣಾ ಆಯೋಗದ ಗಮನಕ್ಕೆ ತಂದಿದ್ದೇವೆ. ಯಾವುದಕ್ಕೂ ನೀವು ನಿಮ್ಮ ಬಿಎಲ್‌ಗೆ ಫೋನ್ ಮಾಡಿ ನಿಮ್ಮದೇ ಬೂತ್‌ನ ಜವಾಬ್ದಾರಿ ಅವರಿಗಿದೆ ಅಲ್ಲವೇ ಎಂದು ಕನ್ಫರ್ಮ್ ಮಾಡಿಕೊಳ್ಳಬೇಕು.
ನೀವು ಬಿಎಲ್‌ಒ Facilitation Centerಗೆ ಹೋಗಿ 2002ರ ಮತಪಟ್ಟಿ ಪಡೆಯಬಹುದು. ನಿಮ್ಮದು ಸರಿಯಾಗಿ ಮ್ಯಾಪಿಂಗ್ ಆಗಿದೆಯೇ ಎಂದು ಚೆಕ್ ಮಾಡಬಹುದು. ತಪ್ಪಾಗಿದ್ದರೆ ಅವರಿಗೆ ತಿಳಿ ಹೇಳಿ ಎನ್ಯುಮರೇಷನ್ ಫಾರ್ಮ್ ತುಂಬುವಾಗ ಸರಿಯಾಗಿ ಅಪ್ಲೋಡ್ ಮಾಡಿ ಎಂದು ತಾಕೀತು ಮಾಡಬಹುದು. ಚುನಾವಣಾ ಆಯೋಗವು ಒಬ್ಬ ಅರ್ಹ ವ್ಯಕ್ತಿಯ ಮತ ಬಿಟ್ಟು ಹೋಗದಂತೆ ನೋಡಿಕೊಳ್ಳುತ್ತೇವೆ ಎಂದು ಹೇಳುತ್ತಿದೆ. ಆದರೆ, ಮ್ಯಾಪಿಂಗ್-ಮ್ಯಾಚಿಂಗ್ ಹೆಸರಲ್ಲಿ ನಮಗೆ ಏಕೆ ತೊಂದರೆ ಕೊಡುತ್ತೀರಿ? ದಾಖಲೆಗಾಗಿ ಅಲೆದಾಡಿಸುತ್ತಿರಿ ಎಂದು ಕೇಳಬೇಕು. ಆ ಮೂಲಕ ನಿಮ್ಮ ಬೂತ್‌ನ ಒಬ್ಬ ಅರ್ಹ ವ್ಯಕ್ತಿಯ ಮತ ಸಹ ಪಟ್ಟಿಯಲ್ಲಿ ಬಿಟ್ಟು ಹೋಗದಂತೆ ನೋಡಿಕೊಳ್ಳಬೇಕು.
