ನವದೆಹಲಿಯಲ್ಲಿ ನಡೆಯುತ್ತಿರುವ ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಎರಡನೇ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದಲ್ಲಿ ಭಾರತ ತಂಡ ನಾಯಕ ಶುಭ್ಮನ್ ಗಿಲ್ ಅವರ ಆಕರ್ಷಕ ಶತಕದೊಂದಿಗೆ 500ರ ಗಡಿ ದಾಟಿದೆ. ಭೋಜನ ವಿರಾಮದ ವೇಳೆಗೆ ಟೀಂ ಇಂಡಿಯಾ 134.2 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 517 ರನ್ ಗಳಿಸಿ ಡಿಕ್ಲೇರ್ಡ್ ಮಾಡಿಕೊಂಡಿದೆ.
ದಿನದಾಟದ ಆರಂಭದಲ್ಲಿಯೇ ದ್ವಿಶತಕದ ಭರವಸೆಯಲ್ಲಿದ್ದ ಉದಯೋನ್ಮುಕ ಆಶಟಗಾರ ಯಶಸ್ವಿ ಜೈಸ್ವಾಲ್ 175 ರನ್ ಗಳಿಸಿ ರನ್ ಔಟ್ ಆದರು. ಅವರ 258 ಚೆಂಡುಗಳ ಇನಿಂಗ್ಸ್ನಲ್ಲಿ ಆಕರ್ಷಕ 22 ಬೌಂಡರಿಗಳಿದ್ದವು.
ಜೈಸ್ವಾಲ್ ಔಟಾದ ನಂತರ ನಿತೀಶ್ ಕುಮಾರ್ ರೆಡ್ಡಿ ಅವರೊಂದಿಗೆ 4ನೇ ವಿಕೆಟ್ ಜೊತೆಯಾಟದಲ್ಲಿ 89 ರನ್ಗಳನ್ನು ಕಲೆಯಾಕಿದರು. 43(4 ಬೌಂಡರಿ, 2 ಸಿಕ್ಸರ್) ರನ್ ಗಳಿಸಿದ ನಿತೀಶ್ ಕುಮಾರ್ ಔಟಾದ ನಂತರ ವಿಕೆಟ್ ಕೀಪರ್ ಧ್ರವ್ ಜುರೇಲ್(5 ಬೌಂಡರಿ) ಅವರೊಂದಿಗೆ 102 ರನ್ಗಳ ಜೊತೆಯಾಟವಾಡಿದರು.
ಇದನ್ನು ಓದಿದ್ದೀರಾ? BREAKING NEWS | ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯ ಗೆದ್ದ ಭಾರತ
ಟೆಸ್ಟ್ ಆವೃತ್ತಿಯ 9ನೇ ಶತಕ ದಾಖಲಿಸಿದ ನಾಯಕ ಶುಭ್ಮನ್ ಗಿಲ್ ಅಜೇಯ 129 ರನ್ ಬಾರಿಸಿದರು. ಗಿಲ್ ಅವರ ಸೊಗಸಾದ ಇನಿಂಗ್ಸ್ನಲ್ಲಿ 16 ಬೌಂಡರಿ ಹಾಗೂ 2 ಸಿಕ್ಸ್ರ್ಗಳಿದ್ದವು.
ವೆಸ್ಟ್ ಇಂಡೀಸ್ನ ಬೌಲಿಂಗ್ನಲ್ಲಿ ಜೊಮೆಲ್ ವಾರಿಕನ್ 3 ವಿಕೆಟ್ಗಳನ್ನು ಕಿತ್ತು ಯಶಸ್ವಿ ಬೌಲರ್ ಎನಿಸಿದರೆ, ಇತರ ಬೌಲರ್ಗಳು ಪರಿಣಾಮಕಾರಿ ಬೌಲಿಂಗ್ ಮಾಡುವಲ್ಲಿ ವಿಫಲರಾದರು.
