ಜೈಪುರದ ಸವಾಯ್ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ರಾಜಸ್ಥಾನ್ ರಾಯಲ್ಸ್ ಇಂದು ನಡೆದ ವಿರುದ್ಧ ನಡೆದ ಐಪಿಎಲ್‌ನ ಇಂದಿನ 4ನೇ ಪಂದ್ಯದಲ್ಲಿ ಕೆ ಎಲ್ ರಾಹುಲ್, ಪೂರನ್ ಅರ್ಧಶತಕದ ನಡುವೆಯೂ ಕೂಡ ಹೋರಾಡಿ, ಸೋಲಿಗೆ ಶರಣಾಯಿತು.
ಸಂಜು ಸ್ಯಾಮ್ಸನ್ ಬಾರಿಸಿದ್ದ 82 ರನ್‌ಗಳ ನೆರವಿನಿಂದ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ್ದ ರಾಜಸ್ಥಾನ್ ರಾಯಲ್ಸ್ ತಂಡ, 194 ರನ್‌ಗಳ ಗುರಿ ನೀಡಿತ್ತು.
ಈ ಗುರಿಯನ್ನು ಬೆನ್ನತ್ತಿದ ಕೆ ಎಲ್ ರಾಹುಲ್ ನೇತೃತ್ವದ ಲಕ್ನೋ ಸೂಪರ್ ಜೈಂಟ್ಸ್‌, ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 173 ರನ್ ಗಳಿಸಲಷ್ಟೇ ಶಕ್ತವಾಯಿತು. 20 ರನ್‌ಗಳ ಗೆಲುವಿನೊಂದಿಗೆ ಈ ಬಾರಿಯ ಐಪಿಎಲ್ ಸೀಸನ್‌ನಲ್ಲಿ ರಾಜಸ್ಥಾನ ತಂಡ ಶುಭಾರಂಭಗೈದಿದೆ.
ರಾಹುಲ್ 44 ಎಸೆತಗಳಲ್ಲಿ ನಾಲ್ಕು ಬೌಂಡರಿ ಹಾಗೂ ಎರಡು ಸಿಕ್ಸರ್‌ಗಳ ನೆರವಿನಿಂದ 58 ರನ್ ಗಳಿಸಿ ಔಟಾದರು. ನಿಕೊಲಸ್ ಪೂರನ್ 41 ಎಸೆತಗಳಲ್ಲಿ 4 ಬೌಂಡರಿ ಹಾಗೂ 4 ಸಿಕ್ಸರ್‌ನ ನೆರವಿನಿಂದ 64 ರನ್ ಗಳಿಸಿ ಔಟಾಗದೆ ಉಳಿದರು.
LSG pushed and pushed, but RR were too good in the end 👊https://t.co/9YCeoD587U | #RRvLSG | #IPL2024 pic.twitter.com/QR5dGb4xY6
— ESPNcricinfo (@ESPNcricinfo) March 24, 2024
ರಾಜಸ್ಥಾನ ಪರ ಬೌಲಿಂಗ್‌ನಲ್ಲಿ ಟ್ರೆಂಟ್‌ ಬೌಲ್ಟ್ 2 ವಿಕೆಟ್ ಪಡೆದರೆ, ಸಂದೀಪ್ ಶಮಾ, ಚಾಹಲ್, ಅಶ್ವಿನ್ ಹಾಗೂ ನ್ಯಾಂಡ್ರೆ ಬರ್ಗರ್ ತಲಾ ಒಂದೊಂದು ವಿಕೆಟ್ ಹಂಚಿಕೊಂಡರು.
