ಅಲ್ಟಿಮೇಟ್ ಫೈಟಿಂಗ್ ಚಾಂಪಿಯನ್‍ಶಿಪ್ (UFC)ನಲ್ಲಿ ತಮ್ಮ ಚೊಚ್ಚಲ ಪ್ರಯತ್ನದಲ್ಲೇ ಫೈನಲ್ಸ್ ಗೆಲ್ಲುವ ಮೂಲಕ ಭಾರತದ ಯುವ ಮಹಿಳಾ ಬಾಕ್ಸರ್ ಪೂಜಾ ತೋಮರ್ ಇತಿಹಾಸ ಸೃಷ್ಟಿಸಿದ್ದಾರೆ.
ಅಮೆರಿಕದ ಲೂಯಿಸ್ವಿಲ್ಲೆಯಲ್ಲಿ ನಡೆದ ಯುಎಫ್‌ಸಿ ಫೈನಲ್ ಪಂದ್ಯದಲ್ಲಿ ಬ್ರೆಝಿಲ್ನ ರಾಯನ್ನೆ ಡಾಸ್ ಸ್ಯಾಂಟೋಸ್‍ರ ವಿರುದ್ಧ ಪ್ರಬಲ ಪೈಪೋಟಿ ಎದುರಿಸಿದ ಉತ್ತರಪ್ರದೇಶದ ಮುಝಫ್ಫರ್ ನಗರದ ಪೂಜಾ ತೋಮರ್ ಗೆಲುವು ಸಾಧಿಸಿ ಇಡೀ ದೇಶವೇ ತನ್ನತ್ತ ತಿರುಗುವಂತೆ ಮಾಡಿದ್ದಾರೆ.
ಮೊದಲ ಸುತ್ತಿನಿಂದಲೇ ತಮ್ಮಲ್ಲಿರುವ ತಂತ್ರಗಳನ್ನು ಸಮರ್ಥವಾಗಿ ಬಳಸಿಕೊಂಡ ಪೂಜಾ ತೋಮರ್, ಎದುರಾಳಿ ತಂಡದ ಮಹಿಳಾ ಬಾಕ್ಸರ್‌ಗೆ ಬಲವಾದ ಪೆಟ್ಟು ನೀಡುವ ಮೂಲಕ 30-27 ಅಂಕಗಳ ಅಂತರದಿಂದ ಗೆಲುವಿನ ನಗೆ ಚೆಲ್ಲಿದ್ದಾರೆ.
DEBUT DUBS 🙌
Puja Tomar takes the split decision at #UFCLouisville 🇮🇳 pic.twitter.com/IMYkYlcDKj
— UFC (@ufc) June 8, 2024
ಎರಡನೇ ಸುತ್ತನ್ನು ಗೆಲ್ಲುವ ಮೂಲಕ ಪದಕವನ್ನು ಕೊರಳಿಗೇರಿಸಿಕೊಳ್ಳುವ ಹಂಬಲ ಹೊಂದಿದ್ದ ಪೂಜಾಗೆ ಎರಡನೇ ಸುತ್ತಿನಲ್ಲಿ ರಾಯನ್ನೆ ಡಾಸ್ ಸ್ಯಾಂಟೋಸ್ ತಿರುಗೇಟು ನೀಡಿದರು. ಎರಡನೇ ಸುತ್ತಿನ ಆರಂಭದಲ್ಲಿ ಮೇಲುಗೈ ಸಾಧಿಸಿದ್ದ ಪೂಜಾರ ಹೊಡೆತಗಳನ್ನು ನಂತರ ಸಮರ್ಥವಾಗಿ ಡಿಫೆನ್ಸ್ ಮಾಡಿದ ಬ್ರೆಝಿಲ್ನ ಬಾಕ್ಸರ್ 27-30 ಅಂತರದ ಮುನ್ನೆಡೆ ಸಾಧಿಸಿದರು.
ನಂತರ ಗೆಲುವಿಗಾಗಿ ನಿರ್ಣಾಯಕವಾಗಿದ್ದ ಸುತ್ತು ತೀರಾ ಜಿದ್ದಾಜಿದ್ದಿನಿಂದ ಕೂಡಿತ್ತು. ಆದರೆ ತಮ್ಮಲ್ಲಿರುವ ಕೌಶಲ್ಯತೆಯನ್ನು ಸಮಯಕ್ಕೆ ಸರಿಯಾಗಿ ಬಳಸಿಕೊಂಡ ಪೂಜಾ 29-28 ಅಂಕಗಳ ಕೂದಲೆಳೆಯ ಅಂತರದಿಂದ ಜಯಮಾಲೆಯನ್ನು ತಮ್ಮ ಕೊರಳಿಗೇರಿಸಿಕೊಂಡರು. ಆ ಮೂಲಕ ಯುಎಫ್‌ಸಿ ಗೆದ್ದ ಪ್ರಪ್ರಥಮ ಭಾರತೀಯ ಮಹಿಳಾ ಕ್ರೀಡಾಪಟುವಾಗಿ ಪೂಜಾ ತೋಮರ್ ಇತಿಹಾಸ ನಿರ್ಮಿಸಿದ್ದಾರೆ.
HISTORY CREATED BY PUJA TOMAR. 🇮🇳
– She becomes the first ever Indian woman to win the UFC match. pic.twitter.com/j4PkN04z8k
— Mufaddal Vohra (@mufaddal_vohra) June 9, 2024
ಕಳೆದ ವರ್ಷ ಯುಎಫ್‌ಸಿ ಗುತ್ತಿಗೆಯನ್ನು ಪಡೆಯುವ ಮೂಲಕ ಆ ಕೀರ್ತಿಗೆ ಭಾಜನವಾದ ಪ್ರಪ್ರಥಮ ಭಾರತೀಯ ಮಹಿಳಾ ಕ್ರೀಡಾಪಟುವಾಗಿ ಹೊರಹೊಮ್ಮಿದ್ದರು.
ಭಾರತದ ಬಾಕ್ಸರ್‌ಗಳಿಗೆ ಗೆಲುವು ಅರ್ಪಿಸಿದ ತೋಮರ್
ಯುಎಫ್‌ಸಿ ಫೈನಲ್ಸ್ ಗೆದ್ದು ಇತಿಹಾಸ ಸೃಷ್ಟಿಸಿದ ಬಳಿಕ ಮಾತನಾಡಿದ ಪೂಜಾ ತೋಮರ್, “ನನ್ನ ಈ ಗೆಲುವನ್ನು ಭಾರತದ ಬಾಕ್ಸರ್ಸ್ ಮತ್ತು ಎಂಎಂಎ ಅಭಿಮಾನಿಗಳಿಗೆ ಅರ್ಪಿಸಿದ್ದಾರೆ. ಭಾರತದ ಫೈಟರ್ಸ್ UFC ಚಾಂಪಿಯನ್‍ಶಿಪ್‍ನಲ್ಲಿ ಗೆಲುವು ಸಾಧಿಸಲು ಅನರ್ಹರಲ್ಲ ಎಂದು ವಿಶ್ವದೆಲ್ಲೆಡೆ ಮಾತುಗಳು ಕೇಳಿಬಂದಿದ್ದವು. ಆದರೆ ಈ ಗೆಲುವು ಟೀಕಾಕಾರರಿಗೆ ತಕ್ಕ ಉತ್ತರ ನೀಡಿದಂತಾಗಿದೆ” ಎಂದು ತಿಳಿಸಿದ್ದಾರೆ.
“This win is for all Indian fans and all Indian fighters.”
Puja Tomar made history as the first fighter from India to earn a victory in the UFC and believes this is just the beginning for Indian MMA.#UFCLouisville Results, Interviews & More ➡️: https://t.co/q1sERicfLN
— UFC News (@UFCNews) June 8, 2024
ಈ ಹಿಂದೆ ಯುಎಫ್‌ಸಿ ಚಾಂಪಿಯನ್‍ಶಿಪ್‍ನಲ್ಲಿ ಭಾರತದವರೇ ಆದ ಭಾರತ್ ಖಂಡ್ರೆ ಹಾಗೂ ಅನ್ಷುಲ್ ಜುಬ್ಲಿ ಅವರು ಕಾದಾಟ ನಡೆಸಿದ್ದರಾದರೂ ಚಾಂಪಿಯನ್ ಪಟ್ಟ ಗೆಲ್ಲಲು ಸಾಧ್ಯವಾಗಿರಲಿಲ್ಲ. ಆದರೆ ಬ್ರೆಝಿಲ್ನ ರಾಯನ್ನೆ ಡಾಸ್ ಸ್ಯಾಂಟೋಸ್ ಅವರನ್ನು ಮಣಿಸಿದ ಪೂಜಾ ತೋಮರ್ ಇತಿಹಾಸ ಸೃಷ್ಟಿಸಿದ್ದಾರೆ.
#NewProfilePic pic.twitter.com/frzzdzrAhf
— puja tomar (@pujatomar19) June 9, 2024
