ಅತಿಯಾದ ಮೊಬೈಲ್ ಬಳಕೆಯಿಂದ ಮಕ್ಕಳಿಂದ ಹಿರಿಯರವರೆಗೆ ಅನೇಕ ಸಮಸ್ಯೆಗಳು ಉಂಟಾಗುತ್ತಿವೆ ಎಂದು ಕರ್ನಾಟಕ ರಾಜ್ಯ ವೈಜ್ಞಾನಿಕ ಪರಿಷತ್ ಜಿಲ್ಲಾ ಘಟಕದ ಅಧ್ಯಕ್ಷ ದೇವಿಪ್ರಸಾದ್ ಕಲಾಲ್ ಹೇಳಿದರು.
ಬೀದರ್ ತಾಲ್ಲೂಕಿನ ಮಂದಕನಳ್ಳಿ ಗ್ರಾಮದ ಸರ್ಕಾರಿ ಪ್ರೌಢ ಶಾಲೆಯಲ್ಲಿ ಬುಧವಾರ ನಡೆದ ‘ಮೊಬೈಲ್ ಬಿಡಿ, ಪುಸ್ತಕ ಹಿಡಿ’ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿ, “ಕಣ್ಣಿನ ಸಮಸ್ಯೆ, ತಲೆ ನೋವು, ನಿದ್ರಾಹೀನತೆ, ನೆನಪಿನ ಶಕ್ತಿ ಕಡಿಮೆಯಾಗುವುದು, ಒಂಟಿತನ ಮುಂತಾದವು ಮೊಬೈಲ್ ಬಳಕೆಯ ದುಷ್ಪರಿಣಾಮಗಳಾಗಿವೆ” ಎಂದು ತಿಳಿಸಿದರು.
ಮಕ್ಕಳು ಹಾಗೂ ಯುವಕರು ದಿನಕ್ಕೆ ಹಲವು ಗಂಟೆ ಮೊಬೈಲ್ನಲ್ಲಿ ಕಳೆಯುತ್ತಿದ್ದಾರೆ. ಓದು, ಕ್ರೀಡೆ ಹಾಗೂ ಕುಟುಂಬದ ಜತೆ ಸಮಯ ಕಳೆಯುವುದು ಕಡಿಮೆಯಾಗಿದೆ. ಪುಸ್ತಕಗಳು ಜೀವನಕ್ಕೆ ದಾರಿದೀಪವಾಗಿವೆ. ಹೀಗಾಗಿ ಮೊಬೈಲ್ ಬಳಕೆ ಮಿತಿಗೊಳಿಸಿ, ಪುಸ್ತಕ ಓದುವ ಅಭ್ಯಾಸ ಬೆಳೆಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.
ಅಧ್ಯಕ್ಷತೆ ವಹಿಸಿದ್ದ ಮುಖ್ಯಶಿಕ್ಷಕ ಪಾಂಡುರಂಗ ಬೆಲ್ದಾರ್ ಮಾತನಾಡಿ, “ಪುಸ್ತಕ ಓದಿನಿಂದ ಜ್ಞಾನ, ಭಾಷಾ ಕೌಶಲ, ಚಿಂತನೆ ಶಕ್ತಿ, ಕಲ್ಪನೆ ಶಕ್ತಿ, ಏಕಾಗ್ರತೆ, ಸೃಜನಶೀಲತೆ ಹಾಗೂ ಆತ್ಮವಿಶ್ವಾಸ ಹೆಚ್ಚುತ್ತದೆ. ಕಾರಣ, ನಿತ್ಯ ಅರ್ಧ ತಾಸಾದರೂ ಪುಸ್ತಕ ಓದಬೇಕು” ಎಂದು ಹೇಳಿದರು.
This video cannot be played in your browser. Open the video directly
ಇದನ್ನೂ ಓದಿ : ಆರ್ಎಸ್ಎಸ್ ಪಿಡುಗು ಈ ದೇಶಕ್ಕೆ ಅಂಟಿರುವ ಕ್ಯಾನ್ಸರ್, ಏಡ್ಸ್ : ಚಿಂತಕಿ ಮೀನಾಕ್ಷಿ ಬಾಳಿ
ಜಗದೀಶಕುಮಾರ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಎಸ್.ಡಿ.ಎಂ.ಸಿ. ಅಧ್ಯಕ್ಷ ಅಹ್ಮದ್ ಪಾಶಾ, ಪ್ರಮುಖರಾದ ಸೂರ್ಯಕಾಂತ, ಬದರ್ ರಿಜ್ವಾನಾ, ಶ್ರೀನಿವಾಸ್, ದೀನಾ ವಿ. ಅಂಟಿನ್, ದತ್ತಮ್ಮ, ಶಾಜೀಯಾ ತಮಕನಾಥ, ಜರೀನಾ, ಫಹಮಿದಾ, ಕವಿತಾ ಮೇತ್ರೆ, ರಜಿಯಾ, ಸಂಗೀತಾ ಇದ್ದರು. ಸೈಯದ್ ಜಾಕೀರ್ ಹುಸೇನ್ ಸ್ವಾಗತಿಸಿದರು. ಶಾಂತಕುಮಾರ ಜೈದೊಡ್ಡಿ ನಿರೂಪಿಸಿದರು. ಬಾಬರ್ ಹುಸೇನ್ ವಂದಿಸಿದರು.
