‘ಕೊರಚ ಮಾತುಕತೆ ಕುಡ್ರ್ ವಾತಕತ’ ಮತ್ತು ಅದರ ಇಂಗ್ಲಿಷ್ ಅನುವಾದವಾದ ‘The Korachas of Karnataka’ ಪುಸ್ತಕಗಳ ಲೋಕಾರ್ಪಣೆ ಸಮಾರಂಭವು ನಾಳೆ, ಅಂದರೆ ಮೇ 17ರ ಭಾನುವಾರ ಬೆಳಗ್ಗೆ 9 ಗಂಟೆಗೆ ಬೆಂಗಳೂರು ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ನಡೆಯಲಿದೆ. ಕೆಂಗೇರಿಯ ನೇಗಿಲ ಯೋಗಿ ಟ್ರಸ್ಟ್ ಈ ಪುಸ್ತಕ ಬಿಡುಗಡೆ ಕಾರ್ಯಕ್ರಮವನ್ನು ಆಯೋಜನೆ ಮಾಡುತ್ತಿದೆ.
ಡಾ.ಎಚ್ ಆರ್ ಸ್ವಾಮಿ ‘ಕರ್ನಾಟಕದ ಕೊರಚರು’ ಅವರ ಸಂಶೋಧನಾ ಕೃತಿ ಬರೆದಿದ್ದಾರೆ. ಇದು ಕೊರಚರ ಬದುಕು ಬವಣೆ, ಸಂಸ್ಕೃತಿ, ಸಾಹಿತ್ಯ ಕುರಿತ ಅಧ್ಯಯನ ಯೋಗ್ಯ ಕೃತಿಯಾಗಿದೆ. ಇದನ್ನು ಶ್ರೀಹರ್ಷ ಅವರು ಇಂಗ್ಲೀಷ್‌ಗೆ ಅನುವಾದಿಸಿದ್ದಾರೆ.
ಇದನ್ನು ಓದಿದ್ದೀರಾ? ಬೆಂಗಳೂರು | ಕಾರ್ನಾಡ್ ರಂಗೋತ್ಸವ; ‘ರಂಗ ಚಿಂತನೆ’ ಪುಸ್ತಕ ಬಿಡುಗಡೆ
ನಾಡೋಜ ಪ್ರೊ. ಬರಗೂರು ರಾಮಚಂದ್ರಪ್ಪ ಅವರು ಕೃತಿಗಳ ಜನಾರ್ಪಣೆ ಮಾಡಲಿದ್ದಾರೆ. ಅತಿಥಿಗಳಾಗಿ ಭಾರತೀಯ ಸಾಹಿತ್ಯದ ಪರಿಣಿತರು ಪ್ರೊ. ಅಗ್ರಹಾರ ಕೃಷ್ಣಮೂರ್ತಿ, ರಾಷ್ಟ್ರೀಯ ಕಾನೂನು ಶಾಲೆಯ ತಳಸಮುದಾಯಗಳ ಅಧ್ಯಯನ ಕೇಂದ್ರದ ಪ್ರಾಧ್ಯಾಪಕರು ಡಾ. ಆರ್ ವಿ ಚಂದ್ರಶೇಖ‌ರ್ ಭಾಗವಹಿಸಲಿದ್ದಾರೆ. ಕನ್ನಡ ಸಾರಸ್ವತ ಲೋಕದಲ್ಲಿ ‘ಹಂಪನಾ’ ಎಂದೇ ಪ್ರಸಿದ್ಧರಾಗಿರು ಸಾಹಿತಿ, ಭಾಷಾ ವಿಜ್ಞಾನಿ, ಶಾಸ್ತ್ರೀಯ ಸಂಶೋಧಕರು ಪ್ರೊ. ಹಂಪ ನಾಗರಾಜಯ್ಯ ಅಧ್ಯಕ್ಷತೆ ವಹಿಸಲಿದ್ದಾರೆ.
‘ಕೊರಚ ಮಾತುಕತೆ ಕುಡ್ರ್ ವಾತಕತ’ ಬಗ್ಗೆ ತುಮಕೂರು ವಿ.ವಿ. ರಾಜ್ಯಶಾಸ್ತ್ರ ವಿಭಾಗದ ಜಿ. ಪ್ರಾಧ್ಯಾಪಕರು ಡಾ. ಬಸವರಾಜು ಜಿ ಮಾತನಾಡಲಿದ್ದಾರೆ. ಎಜುಕೇಷನ್ ಅಂಡ್ ಕರಿಯ‌ರ್ ಕೌನ್ಸೆಲಿಂಗ್‌ನ ಸೀನಿಯರ್ ಅಸೋಸಿಯೇಟ್ ಕುಮಾರಿ ಅನ್ವೇಶ ಓಬಿರಾಯ್ The Koracha’s of Karnataka ಅನುವಾದ ಕೃತಿ ಬಗ್ಗೆ ಮಾತನಾಡಲಿದ್ದಾರೆ. ಹಿರಿಯ ಸಾಹಿತಿ, ವಿಮರ್ಶಕ ಮತ್ತು ನಿವೃತ್ತ ಪ್ರಾಧ್ಯಾಪಕರು ಪ್ರೊ. ರಾಜಪ್ಪ ದಳವಾಯಿ ಪ್ರಾಸ್ತಾವಿಕ ಮಾತುಗಳನ್ನಾಡಲಿದ್ದಾರೆ.
