ತುಮಕೂರು ನಗರದಲ್ಲಿ ಟೈಲರ್ ವೃತ್ತಿ ಮಾಡುವ ಮೊಹಮ್ಮದ್ ಜ಼ಪೀರ್ ಉದ್ದೀನ್ ಹಾಗೂ ವಹಿದಾಬಾನು ದಂಪತಿಯ ಪುತ್ರಿ ‘ಸಾದಿಯಾಬಾನು’ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ 625 ಕ್ಕೆ 624 ಅಂಕ ಪಡೆಯುವ ಮೂಲಕ ರಾಜ್ಯಕ್ಕೆ 2 ನೇ ರ್ಯಾಂಕ್ ಪಡೆದಿರುವ ಹಿನ್ನೆಲೆ ಸರ್ಕಾರಿ ಮುಸ್ಲಿಂ ನೌಕರರ ಕ್ಷೇಮಾಭಿವೃಧ್ದಿ ಸಂಘದ ತುಮಕೂರು ಜಿಲ್ಲಾ ಘಟಕದಿಂದ ವಿದ್ಯಾರ್ಥಿನಿಗೆ ಶುಭ ಕೋರಿ ಅಭಿನಂದಿಸಲಾಯಿತು.
ತುಮಕೂರು ನಗರದ ಶ್ರೀ ದೇವಿ ವಿದ್ಯಾಮಂದಿರ ಫ್ರೌಡಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿದ್ದ ವಿದ್ಯಾರ್ಥಿನಿ ತನ್ನ ಪರಿಶ್ರಮ ಮತ್ತು ಧೃಡ ಸಂಕಲ್ಪದಿಂದ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಅಗ್ರ ಸಾಧನೆ ಮಾಡಿ 625 ಕ್ಕೆ 624 ಅಂಕ ಪಡೆದು ಕರ್ನಾಟಕ ರಾಜ್ಯಕ್ಕೆ 2 ನೇ ರ್ಯಾಂಕ್ ಪಡೆದು ತುಮಕೂರು ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಇದೇ ಸಂದರ್ಭದಲ್ಲಿ ಸರ್ಕಾರಿ ಮುಸ್ಲಿಂ ನೌಕರರ ಕ್ಷೇಮಾಭಿವೃಧ್ದಿ ಸಂಘದ ಜಿಲ್ಲಾಧ್ಯಕ್ಷ ಹೆಚ್. ಎಸ್ ಶಾಹಿದ್ ಅಫ್ರಿದಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಿಕ್ರಿಯಾಉಲ್ಲಾ, ಜಿಲ್ಲಾ ಖಜಾಂಚಿ ಮೊಹಮ್ಮದ್ ಇಲಾಹಿ, ಸಂಘದ ಕಾರ್ಯದ್ಯಕ್ಷರು ಶ್ರೀ ಶಬ್ಬೀರ್ ಅಹಮದ್ , ಉಪಾಧ್ಯಕ್ಷ ಸಮೀವುಲ್ಲಾ , ಗುಬ್ಬಿ ಸಂಘದ ಉಪಾಧ್ಯಕ್ಷರಾದ ನಜ಼ತ್ ಫಾತಿಮಾ, ಸಂಘಟನಾ ಕಾರ್ಯದರ್ಶಿ ವಜ಼ೀರ್ ಖಾನ್ , ಸಂಘಟನಾ ಕಾರ್ಯದರ್ಶಿ ನಗ್ಮಾ ಆರಾ ಇನ್ನಿತರರು ಇದ್ದರು.
ಶ್ರೀಮತಿ ನಗ್ಮಾ ಆರಾ ಶಿಕ್ಷಕರು ತುಮಕೂರು ಸಂಘದ ಮಾಧ್ಯಮ ಕಾರ್ಯದರ್ಶಿ
ಶ್ರೀ ಅಪ್ಸರ್ ಪಾಷ ಶಿಕ್ಷಕರು ಮಧುಗಿರಿ ಇಬ್ರಾಹಿಂ ಆರೋಗ್ಯ ಇಲಾಖೆ ತುಮಕೂರು
ಹಾಗೂ ಮನ್ಸೂರ್ ಶಿಕ್ಷಕರು
