ಮಲೆನಾಡಿಗೆ ಕೇಂದ್ರ ಸರ್ಕಾರದಿಂದ ಇಲ್ಲಿಯವರೆಗೆ 7ಬಾರಿ ಕಸ್ತೂರಿರಂಗನ್ ವರದಿ ಜಾರಿ ಮಾಡಲು ಸೂಚಿಸಿದೆ. ಪ್ರತಿ ವರ್ಷವೂ ವರದಿಗೆ ಆಕ್ಷೇಪಣೆ ಸಲ್ಲಿಸಿ ತಿರಸ್ಕರಿಸಲಾಗಿತ್ತು, ಇದು ತಾತ್ಕಾಲಿಕವಾಗಿದೆ. ಈ ವರದಿ ಜಾರಿಯಾದರೆ ಮಲೆನಾಡಿನ ಜನರಿಗೆ ಆತಂಕ ಸೃಷ್ಟಿಯಾಗುತ್ತದೆ.
ಕಸ್ತೂರಿರಂಗನ್ ವರದಿ ವಿರುದ್ಧ ಬಾಳೆಹೊನ್ನೂರಿನಲ್ಲಿ ಗುರುವಾರ ಬೃಹತ್ ಸಮಾವೇಶಕ್ಕೆ ಸಾವಿರಾರು ಮಲೆನಾಡಿಗರು ಭಾಗವಹಿಸಿ ಹೋರಾಟವನ್ನು ಯಶಸ್ವಿಗೊಳಿಸಿದರು. ಹೋರಾಟಕ್ಕೆ ಪರಿಸರವಾದಿ ಡಾ.ಕಲ್ಕುಲಿ ವಿಠ್ಠಲ್ ಹೆಗಡೆ ಅವರು ಮಾತನಾಡಿ, ” ಈ ವರದಿಯನ್ನು ತಿರಸ್ಕರಿಸುವ ಹಕ್ಕು ಕೇಂದ್ರ ಸರ್ಕಾರಕ್ಕೆ ಮಾತ್ರ. ನಮ್ಮದೇ ಭೂಮಿಯಲ್ಲಿ ಉಳುಮೆ, ಗೊಬ್ಬರಗಳು, ಮರಳನ್ನು ತೆಗಿಯುದಕ್ಕೂ ಬಿಡುವುದಿಲ್ಲ. ಈಗ ಸಧ್ಯಕೆ ಎಲ್ಲರನ್ನು ಸುಮ್ಮನೆ ಬಿಟ್ಟು ಕೊನೆಯ ಕ್ಷಣದಲ್ಲಿ ಯಾವಾಗ ದಾಳಿ ಮಾಡುತ್ತಾರೆ ಎಂದು ಗೊತ್ತಾಗಲ್ಲ. ಆಗಾಗಿ ನಾವು ಎಚ್ಛೆತ್ತುಕೊಳ್ಳಬೇಕಾಗಿದೆ. ಸ್ಯಾಟಿಲೈಟ್ ಮೂಲಕ ಸಮೀಕ್ಷೆ ಮಾಡಿ ಇಲ್ಲಸಲ್ಲದ ವರದಿ ಹಾಗೂ ಸೆಕ್ಷನ್ ಕೊಡುವುದು ಅವೈಜ್ಞಾನಿಕ ವರದಿಯಾಗಿದೆ ಎಂದು ತಿಳಿಸಿದರು.
ರೈತ ವರ್ಗಕ್ಕೆ ಕಾಡು ಪ್ರಾಣಿಗಳ ದಾಳಿ, ಬೆಳೆಗಳಿಗೆ ರೋಗ ಬಾದೆಗಳು ಹೆಚ್ಚಾಗುತ್ತಿದೆ ಇದನ್ನೂ ಗಮನಿಸಿ ನಮ್ಮ ಸರ್ಕಾರಗಳು ಕಾಳಜಿವಹಿಸಿ ಕೆಲಸ ಮಾಡುತ್ತವೆ ಎಂದು ಭಾವಿಸಿದ್ದೆವು. ಪರಿಸರ ಸೂಕ್ಷ್ಮ ವಲಯ ಎಂದು ಘೋಷಿಸಿ ನಿರ್ಬಂಧ ಏರಿದಿಯಲ್ಲ ಅದೇಷ್ಟು ಸರಿ ಪಶ್ಚಿಮ ಘಟ್ಟ ಉಳಿಸಿ ಅಭಿಯಾನ ನಡೆಯಬೇಕು ಎಂದು ಸಮಾವೇಶದಲ್ಲಿ ಯುವ ರೈತ ಮುಖಂಡ ದಿಗಂತ್ ಕೊಪ್ಪ ಮಾತಾಡಿದರು.
ಮಲೆನಾಡಿನಲ್ಲಿ ಹಿಂದಿನಿಂದಲೂ ರೈತ ಪರ ಹೋರಾಟವನ್ನು ನಡೆಸುತ್ತ ಬಂದಿದ್ದೇವೆ.ಕಸ್ತೂರಿ ರಂಗನ್ ವರದಿ ಜಾರಿ ಮಾಡಿದ್ರೆ ಮತ್ತಷ್ಟು ಸಂಕಷ್ಟ ಎದುರಿಸಬೇಕಾಗುತ್ತದೆ.ಆದ್ದರಿಂದ ಕಾನೂನು ಜಾರಿ ಆಗುವ ಮೊದಲೇ ಎಲ್ಲಾರು ಸಂಘಟಿತವಾಗಿ ಹೋರಾಟ ಮಾಡಬೇಕು ಎಂದು ಬಾಳೆಹೊನ್ನೂರಿನ ರಂಭಾಪುರಿ ಮಠದ ಸ್ವಾಮೀಜಿ ಸಮಾವೇಶದಲ್ಲಿ ಮಾತಾಡಿದರು.
ಕಸ್ತೂರಿರಂಗನ್ ವರದಿ ಜಾರಿಯಾದರೆ ಮಲೆನಾಡು ಅತಂತ್ರದ ಪರಿಸ್ಥಿತಿ ಎದುರಿಸಬೇಕಾಗುತ್ತದೆ. ಮಾಧವ ಗಾಡ್ಗಿಲ್, ಅರಣ್ಯ ಇಲಾಖೆಯ ಸೆಕ್ಷನ್ಸ್ ಗಳು ಇದರಿಂದ ಮಲೆನಾಡಿನಲ್ಲಿ ವಾಸಿಸುವ ಜನರ ಮೇಲೆ ಪರಿಣಾಮ ಬೀಳುತ್ತದೆ. ಸಾಧಕ ಬದಕಗಳನ್ನು ಸರ್ಕಾರ ನೋಡಬೇಕಿದೆ. ಪರಿಸರ ವಾದಿಗಳು ಮಲೆನಾಡಿನಲ್ಲಿರುವವರು ಅರಣ್ಯ ನಾಶ ಮಾಡುತ್ತಿದ್ದಾರೆ ಎಂದು ಸುಳ್ಳು ವರದಿ ಕೊಟ್ಟು ದಿಕ್ಕು ತಪ್ಪಿಸುವುದನ್ನು ಬಿಡಬೇಕು. ಸಾವಿರಾರು ಜನರಿಗೆ ಬಗರ್ ಹುಕ್ಕುಂ ಅಡಿಯಲ್ಲಿ ಭೂಮಿ ಮಂಜೂರು ಮಾಡಿ ಹಕ್ಕುಪತ್ರ ಕೊಟ್ರು ಆದರೇ ಲಕ್ಷಾಂತರ ಭೂಮಿಯನ್ನು ಸರ್ಕಾರ ಅಡಿಯಲ್ಲಿ ಕೆಲಸ ಮಾಡುತ್ತಿರುವವರು ಕಾನೂನು ಬಾಹಿರವಾಗಿ ಮಂಜೂರು ಮಾಡಿ ಕೊಟ್ಟಿದ್ದಾರೆ. ರಾಷ್ಟ್ರೀಯ ಹಸಿರು ಪೀಠಕ್ಕೆ ಕಸ್ತೂರಿರಂಗನ್ ವರದಿ ಜಾರಿ ಮಾಡುತ್ತೇವೆಂದು ಪ್ರಮಾಣ ಪತ್ರವನ್ನ ಕೇಂದ್ರ ಸರ್ಕಾರ ಸಲ್ಲಿಸಿದೆ. ಈಗಿನ ಕೇಂದ್ರ ಸರ್ಕಾರ ಈ ಸಮಸ್ಯೆಯನ್ನು ಹೇಗೆ ಬಗೆ ಹರಿಸುತ್ತದೆ ಎಂಬ ಪ್ರಶ್ನೆಯಾಗಿದೆ ಎಂದು ಶಿವಮೊಗ್ಗ ಜಿಲ್ಲೆ ರಮೇಶ್ ಹೆಗಡೆ ತಿಳಿಸಿದರು.
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ಮಲೆನಾಡಿನ ಉಳಿವಿಗಾಗಿ ಹೋರಾಟ ಮುಂದುವರಿಯಲಿದೆ; ಶಾಸಕ ಟಿ.ಡಿ ರಾಜೇಗೌಡ
ಸಾವಿರಾರು ಸಂಖ್ಯೆಯಲ್ಲಿ ಬೃಹತ್ ಸಮಾವೇಶವನ್ನು ಯಶಸ್ವಿಗೊಳಿಸಿದರು. ಆದರೇ, ಮಲೆನಾಡಿನ ಜನರ ಹೊರಟಕ್ಕೆ ಕೇಂದ್ರ ಸರ್ಕಾರ ಸ್ಪಂದಿಸುವುದೇ? ಈ ವರದಿಯಿನ್ನು ತಿರಸ್ಕರಿಸದಿದ್ದರೆ ಮುಂದಿನ ಪರಿಣಾಮವನ್ನು ಎದುರಿಸಬೇಕಾಗುತ್ತದೆ ಎಂದು ಮಲೆನಾಡಿನ ಜನತೆ ಕೇಂದ್ರ ಸರ್ಕಾರಕ್ಕೆ ಎಚ್ಚರಿಕೆ ಕೊಟ್ಟಿದ್ದಾರೆ.
