ಬೆಂಗಳೂರನ್ನು ಬೆಚ್ಚಿಬೀಳಿಸಿದ್ದ ಕೆ.ಆರ್. ಪುರಂನ ತ್ರಿವಳಿ ಕೊಲೆ ಪ್ರಕರಣದ ಸಹ-ಆರೋಪಿ, ಟೆಕ್ಕಿ ಕೆನತ್ (26) ಎಂಬಾತನನ್ನು ಇಂದು ಪುದುಚೇರಿಯಲ್ಲಿ ಬಂಧಿಸಲಾಗಿದೆ.
ಕೃತ್ಯ ನಡೆದ ಬಳಿಕ ತಲೆಮರೆಸಿಕೊಂಡಿದ್ದ ಈತನನ್ನು, ನಾಲ್ಕು ದಿನಗಳ ಕಾಲ ವಿವಿಧ ರಾಜ್ಯಗಳಲ್ಲಿ ತೀವ್ರ ಶೋಧ ನಡೆಸಿದ ವೈಟ್ಫೀಲ್ಡ್ ಉಪ-ವಿಭಾಗದ ಪೊಲೀಸರು ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಇದೇ ಪ್ರಕರಣದ ಪ್ರಮುಖ ಆರೋಪಿಯಾಗಿರುವ ಆತನ ಸ್ನೇಹಿತೆ ಶ್ವೇತಾಳನ್ನು ಈ ಹಿಂದೆಯೇ ಪುದುಚೇರಿಯಲ್ಲಿ ಬಂಧಿಸಲಾಗಿತ್ತು.
ಇದನ್ನು ಓದಿದ್ದೀರಾ? ಜಗತ್ತೇ ಸಂಭ್ರಮಿಸುವ ಫಿಫಾ ವಿಶ್ವಕಪ್: ಭಾರತದ ತಂಡ ಯಾಕೆ ಆಡುತ್ತಿಲ್ಲ?
ಬೆಂಗಳೂರಿನಲ್ಲಿ ಕೃತ್ಯವೆಸಗಿದ ಬಳಿಕ ಶ್ವೇತಾ ಹಾಗೂ ಕೆನತ್, ಬೈಕ್ನಲ್ಲಿ ಪರಾರಿಯಾಗಿದ್ದರು. ಆನಂತರ ಶ್ವೇತಾಳಿಂದ ಬೇರೆಯಾಗಿದ್ದ ಕೆನತ್, ಪೊಲೀಸರ ಕಣ್ತಪ್ಪಿಸಿ ಓಡಾಡುತ್ತಿದ್ದ. ಪುದುಚೇರಿಯ ಕಡಲತೀರದ ‘ಬೀಚ್ ಶ್ಯಾಕ್’ಗಳಲ್ಲಿ (ಗುಡಿಸಲುಗಳು/ತಾತ್ಕಾಲಿಕ ತಂಗುದಾಣ) ವಾಸ್ತವ್ಯಕ್ಕೆ ಯಾವುದೇ ಗುರುತಿನ ಚೀಟಿ ಕೇಳುವುದಿಲ್ಲ ಎಂಬುದನ್ನು ಅರಿತಿದ್ದ ಆತ, ತಾನು ಸುಲಭವಾಗಿ ಅಲ್ಲಿ ತಲೆಮರೆಸಿಕೊಳ್ಳಬಹುದು ಎಂದು ನಂಬಿ ಅಲ್ಲಿಯೇ ಆಶ್ರಯ ಪಡೆದುಕೊಂಡಿದ್ದ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.
ಕೊಲೆಗಳ ಬೆನ್ನಲ್ಲೇ ಆರೋಪಿಗಳ ಚಲನವಲನಗಳನ್ನು ಪತ್ತೆಹಚ್ಚಲು ಬಹುತೇಕ ವಿಶೇಷ ಪೊಲೀಸ್ ತಂಡಗಳನ್ನು ರಚಿಸಲಾಗಿತ್ತು. ಒಂದು ತಂಡವು ಪ್ರಮುಖ ಆರೋಪಿ ಶ್ವೇತಾಳ ಬೆನ್ನುಬಿದ್ದರೆ, ಮತ್ತೊಂದು ತಂಡ ಕೆನತ್ಗಾಗಿ ಶೋಧ ಕಾರ್ಯ ನಡೆಸಿತ್ತು. ಸಿಸಿಟಿವಿ ದೃಶ್ಯಾವಳಿಗಳ ಆಧಾರದ ಮೇಲೆ ಆತನ ಅಡಗುದಾಣವನ್ನು ಪತ್ತೆಹಚ್ಚಿ ಪುದುಚೇರಿಯಲ್ಲಿ ಬಂಧಿಸಲಾಗಿದೆ.
