- 2006ರಲ್ಲಿ ಥೇರ ಮೈದಾನದ ರಸ್ತೆ ಬಳಿ 30/40 ಅಳತೆಯ ನಿವೇಶ ದೇಣಿಗೆ
- ರಾಜಕೀಯ ನಾಯಕರ ಮತ್ತು ತಾಲೂಕು ಆಡಳಿತದ ಇಚ್ಛಾಶಕ್ತಿಯ ಆರೋಪ
ಬಸವಕಲ್ಯಾಣ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಅಡಿಯಲ್ಲಿ ಹಮ್ಮಿಕೊಳ್ಳುವ ಕಾರ್ಯಚಟುವಟಿಕೆಗಳಿಗೆ ಕನ್ನಡ ಭವನ ಇಲ್ಲ ಎಂದು ಕಸಾಪ ತಾಲೂಕು ಘಟಕದ ಅಧ್ಯಕ್ಷ ಶಾಂತಲಿಂಗ ಮಠಪತಿ ಬೇಸರ ವ್ಯಕ್ತಪಡಿಸಿದರು.
ಬಸವಕಲ್ಯಾಣ ನಗರದ ಪೂಜ್ಯ ದೊಡ್ಡಪ್ಪ ಅಪ್ಪ ಶಿಕ್ಷಣ ಮಹಾವಿದ್ಯಾಲಯದಲ್ಲಿ ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರ 140ನೇ ಜಯಂತಿ ಅಂಗವಾಗಿ ಕನ್ನಡ ಸಾಹಿತ್ಯ ಪರಿಷತ್ ತಾಲೂಕು ಘಟಕ ಆಯೋಜಿಸಿದ್ದ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಪ್ರಸ್ತುತ ತಾಲೂಕು ಕಸಾಪ ಗೌರವ ಅಧ್ಯಕ್ಷ ಮಲ್ಲಿಕಾರ್ಜುನ ಕುರಕೋಟೆ ಅವರು ಬಸವಕಲ್ಯಾಣದಲ್ಲಿ 2006 ರಲ್ಲಿ ಅಲ್ಲಮಪ್ರಭು ವೃತ್ತದ ಹತ್ತಿರ ಥೇರ ಮೈದಾನದ ರಸ್ತೆಯಲ್ಲಿ 30/40 ಅಳತೆಯ ನಿವೇಶನವನ್ನು ಪರಿಷತ್ತಿನ ಭವನಕ್ಕಾಗಿ ದೇಣಿಗೆ ನೀಡಿದರು. ಆದರೆ, ರಾಜಕೀಯ ನಾಯಕರ ಮತ್ತು ತಾಲೂಕು ಆಡಳಿತದ ಇಚ್ಛಾಶಕ್ತಿಯ ಕೊರತೆಯಿಂದ ಭವನದ ಕನಸು ಕನಸಾಗಿಯೇ ಉಳಿದಿದೆ ಎಂದು ಬೇಸರ ವ್ಯಕ್ತಪಡಿಸಿದರು.
This video cannot be played in your browser. Open the video directly
ಕಾಲೇಜು ಉಪನ್ಯಾಸಕ ಬಸವರಾಜ ಸೇರಿ ಮಾತನಾಡಿ, ನಾಡು ಕಂಡ ಅಪರೂಪದ ರಾಜ ನಾಲ್ವಡಿ ಕೃಷ್ಣರಾಜ ಒಡೆಯರ್, ಅವರ ಆಡಳಿತಾವಧಿಯಲ್ಲಿ ಸರ್ವತೋಮುಖ ಅಭಿವೃದ್ಧಿಯ ಜೊತೆಗೆ ನಾಡು, ನುಡಿ, ನೆಲ, ಜಲ, ಸಾಹಿತ್ಯ, ಸಂಸ್ಕೃತಿ ಹೀಗೆ ಹಲವು ಸಾಮಾಜಿಕ, ಶೈಕ್ಷಣಿಕ, ವೈಜ್ಞಾನಿಕವಾಗಿ ಸಾಧನೆ ಮಾಡಿ ಕನ್ನಡ ನಾಡಿನ ಅಭಿವೃದ್ಧಿಗಾಗಿ ಸೇವೆ ಸಲ್ಲಿಸಿದ್ದ ಒಬ್ಬ ಮಾದರಿ ರಾಜರಾಗಿದ್ದರು ಎಂದು ನುಡಿದರು.
ಈ ಸುದ್ದಿ ಓದಿದ್ದೀರಾ? ಮೊದಲ ಜಿಲ್ಲಾ ಪ್ರವಾಸ ಆರಂಭಿಸಿದ ಸಿಎಂ ಸಿದ್ದರಾಮಯ್ಯ
ಶ್ರೀ ರಾಜಿವ ಗಾಂಧಿ ಪದವಿ ಮಹಾ ವಿದ್ಯಾಲಯದ ಪ್ರಾಚಾರ್ಯ ಡಾ. ಮಲ್ಲಿಕಾರ್ಜುನ ಜಾಬಾ ಕಾರ್ಯಕ್ರಮ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಕಾಲೇಜಿನ ಪ್ರಾಚಾರ್ಯ ರಾಚಯ್ಯಾ ಮಠಪತಿ, ಕಸಾಪ ಗೌರವ ಕಾರ್ಯದರ್ಶಿ ರಮೇಶ ಉಮಾಪುರೆ, ಕಸಾಪ ಗೌರವಕೋಶಾಧ್ಯಕ್ಷ ಪ್ರೋ. ರುದ್ರೇಶ್ವರ ಗೋರಟಾ, ನಾಗಮ್ಮಾ ಭೂರೆ, ಕಸಾಪ ಪದಾದಿಕಾರಿಗಳಾದ ಇಂದುಮತಿ ಸ್ವಾಮಿ, ಭಾರತಿ ನಾಗೂರೆ, ಕಲಾವತಿ ಸ್ವಾಮಿ, ಪತ್ರಕರ್ತರಾದ ನಾಗಪ್ಪ ನಿಣ್ಣೆ, ಉಪನ್ಯಾಸಕಿ ಸಂಗೀತಾ ಮಠಪತಿ, ಕವಿತಾ ಮಠಪತಿ, ಉಪನ್ಯಾಸಕ ನಿಲೇಶ ಟೊಂಪೆ, ಡಾ. ರೂಪೇಶ, ಬಸವರಾಜ ಜಿ. ಕೈಲಾಸ ಬಿರಾದರ, ವಿಜಯಕುಮಾರ, ಹಾಗೂ ಪ್ರಶಿಕ್ಷಣಾರ್ಥಿಗಳು ಉಪಸ್ಥಿತರಿದ್ದರು. ಸಂಜುಕುಮಾರ ನಡುಕರ ಸ್ವಾಗತಿಸಿದರು, ಪ್ರೀತಿ ಬಿರಾದರ ನಿರೂಪಿಸಿದರು, ಸ್ನೇಹಾ ವಂದಿಸಿದರು.
