ಧಾರವಾಡ | ಸಂಶೋಧಕನಿಗೆ ತಾಳ್ಮೆ, ಅಧ್ಯಯನ, ಕ್ಷೇತ್ರ ಕಾರ್ಯ ಮುಖ್ಯ: ಶಿವಕುಮಾರ ಮಹಾಸ್ವಾಮಿಗಳು

Date:

“ಸಂಶೋಧನೆ ಎಂಬುದು ಒಂದು ತಪಸ್ಸು ಇದ್ದಂತೆ. ಅನೇಕ ಸಮಸ್ಯೆ, ಅನಾನುಕೂಲತೆಗಳನ್ನು ಎದುರಿಸಿ ಸಾಧನೆ ಮಾಡಬೇಕಾಗುತ್ತದೆ. ಸಂಶೋಧಕರಿಗೆ ತಾಳ್ಮೆ ಅಧ್ಯಯನ ಶೀಲತೆ, ಕ್ಷೇತ್ರ ಕಾರ್ಯ ಸಂಶೋಧಕರಿಗೆ ಮುಖ್ಯ” ಎಂದು ಕಪ್ಪತಗುಡ್ಡದ ನಂದಿವೇರಿ ಮಠದ ಪೂಜ್ಯ ಶ್ರೀ ಶಿವಕುಮಾರ ಮಹಾಸ್ವಾಮಿಗಳು ಹೇಳಿದರು.

- Advertisement -

ಧಾರವಾಡ ಪಟ್ಟಣದ ಕರ್ನಾಟಕ ವಿದ್ಯಾವರ್ಧಕ ಸಂಘವು ಮಹಾದೇವಿ ಪ್ರಕಾಶನ, ಧಾರವಾಡ ಸಂಯುಕ್ತಾಶ್ರಯದಲ್ಲಿ ಆಯೋಜಿಸಿದ್ದ ಗ್ರಂಥಗಳ ಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ಡಾ. ಧನವಂತ ಹಾಜವಗೋಳ, ಡಾ. ಬಾಳಪ್ಪ ಚಿನಗುಡಿ ಹಾಗೂ ಡಾ. ಶಂಕ್ರಮ್ಮ ಹುಲಿಕಟ್ಟಿ ಅವರ ಗ್ರಂಥಗಳ ಲೋಕಾರ್ಪಣೆ ಮಾಡಿ ಮಾತನಾಡುತ್ತಿದ್ದರು.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ನ್ಯಾಯಕ್ಕಾಗಿ ಬಿಲ್ಕಿಸ್ ಬಾನೋ 22 ವರ್ಷಗಳ ಅಲೆದಾಟ: ಇಂದಿಗೂ...

2002ರ ಗುಜರಾತ್ ಗಲಭೆಯ ಕರಾಳ ನೆನಪುಗಳನ್ನು ಹೊತ್ತು, ತಮ್ಮವರನ್ನೆಲ್ಲಾ ಕಳೆದುಕೊಂಡು, ಅತ್ಯಾಚಾರದ ಘೋರ ಕ್ರೌರ್ಯಕ್ಕೆ ತುತ್ತಾದ ಬಿಲ್ಕಿಸ್ ಬಾನೋ ಬದುಕು ಇಂದಿಗೂ ನೆಮ್ಮದಿ ಕಂಡಿಲ್ಲ. ಇತ್ತೀಚೆಗೆ ಸುಪ್ರೀಂ ಕೋರ್ಟ್ ಇಬ್ಬರು ಅಪರಾಧಿಗಳ ಜೀವಾವಧಿ...

ಡಿಪಿಡಿಪಿ ಕಾಯ್ದೆ: ನಾಗರಿಕರ ಖಾಸಗಿತನದ ರಕ್ಷಣೆಯೋ, ಪತ್ರಿಕಾ ಸ್ವಾತಂತ್ರ್ಯದ...

ಡಿಪಿಡಿಪಿ ಕಾಯ್ದೆ ನಾಗರಿಕರ ಗೌಪ್ಯತೆಯನ್ನು ಕಾಪಾಡುವ ಭರವಸೆ ನೀಡುತ್ತಿದೆ. ಆದರೆ, ಇದೇ ಕಾಯ್ದೆಯು ಪತ್ರಕರ್ತರ ಮೂಲಭೂತ ಹಕ್ಕು ಮತ್ತು ತನಿಖಾ ಪತ್ರಿಕೋದ್ಯಮದ ಮೇಲೆ ಕರಿನೆರಳು ಬೀರಲಿದೆಯೇ? ಆರ್‌ಟಿಐ ದುರ್ಬಲಗೊಳ್ಳುತ್ತಿದೆಯೇ? ಒಂದೆಡೆ ವ್ಯಕ್ತಿಯ ಖಾಸಗಿತನದ...

ಉಳಿತಾಯದ ಪಾಠ ಹೇಳಿದ ಮೋದಿ: ಬೆಲೆ ಏರಿಕೆ, ನಿರುದ್ಯೋಗ;...

ಮಕ್ಕಳ ಶಿಕ್ಷಣ, ಮದುವೆ ಮತ್ತು ಮುಪ್ಪಿನ ಕಾಲಕ್ಕಾಗಿ ಹೊಟ್ಟೆಬಟ್ಟೆ ಕಟ್ಟಿ ಉಳಿತಾಯ ಮಾಡುವುದು ಭಾರತೀಯರ ಸಂಸ್ಕೃತಿಯಲ್ಲೇ ಬಂದಿದೆ. ಅವರಿಗೆ ಉಳಿತಾಯದ ಪಾಠ ಕಲಿಸುವ ಅಗತ್ಯವಿಲ್ಲ; ಬದಲಾಗಿ ಬಡತನದಿಂದ ಹೊರಬಂದ ಕುಟುಂಬಗಳು ಮತ್ತೆ ಸಂಕಷ್ಟಕ್ಕೆ...

“ಡಾ. ಧನವಂತ ಹಾಜವಗೋಳ ಅವರ ಸಂಶೋಧನಾ ಮಹಾಪ್ರಬಂಧ ‘ಮುಳುಗುಂದ ನಾಡು ಒಂದು ಅಧ್ಯಯನ’ ಒಂದು ಮೌಲಿಕ ಕೃತಿಯಾಗಿದೆ. ಈ ಕೃತಿ ರಚನೆಗೆ ಅವರು ಪಟ್ಟ ಪರಿಶ್ರಮ ಅಷ್ಟಿಷ್ಟಲ್ಲಾ. ಕಪ್ಪತಗುಡ್ಡದ ಜೊತೆ ಮುಳಗುಂದ ನಾಡು ಭಾವನಾತ್ಮಕವಾಗಿ ಬೆಸೆದುಕೊಂಡಿದೆ. ಮುಳುಗುಂದ ಹಾಗೂ ಸುತ್ತಲಿನ ೧೨ ಹಳ್ಳಿಗಳು ಚಾರಿತ್ರಿಕವಾಗಿ ಮಹತ್ವ ಪಡೆದಿವೆ. ಡಾ. ಹಾಜವಗೋಳ ಮುಳಗುಂದ ನಾಡಿನ ಸಂಸ್ಕೃತಿ, ಧಾರ್ಮಿಕ ಸಾಮರಸ್ಯ, ಸಮಾಜಮುಖಿ ಕಾರ್ಯ, ನ್ಯಾಯದಾನ ಪದ್ಧತಿ, ಶಿಕ್ಷಣ ಬಗ್ಗೆ ಲಿಖಿತ ದಾಖಲೆ ಹಾಗೂ ಶಾಸನಾಧ್ಯಾಯನದ ಮೂಲಕ ಕರಾರುವಕ್ಕಾಗಿ ಸತ್ಯಶೋಧನೆಯ ಮೂಲಕ ದತ್ತಾಂಶ ಸಂಗ್ರಹಿಸಿ ಕೃತಿ ರಚಿಸಿದ್ದು ಎಲ್ಲರೂ ಓದಲೇಬೇಕಾದ ಮಹಾಪ್ರಬಂಧ” ಎಂದು ಹೇಳಿದರು.

ಡಾ. ಬಿ.ವ್ಹಿ. ಶಿರೂರ ಅವರು ಡಾ. ಧನವಂತ ಹಾಜವಗೋಳರ ಸಂಶೋಧನಾ ಪ್ರಬಂಧ ತುಂಗಳ-ಸಾಂಸ್ಕೃತಿಕ ಅಧ್ಯಯನ ಕುರಿತು ಮಾತನಾಡಿ, “ಡಾ. ಹಾಜವಗೋಳ ವಿನಯಶೀಲರು, ಉಪಕಾರ ಸ್ಮರಿಸುವ ಗುಣ ಉಳ್ಳವರು. ಅವರು ಒಟ್ಟು ೨೦ ಕೃತಿಗಳನ್ನು ರಚಿಸಿದ್ದಾರೆ. ತುಂಗಳ ಮೂವತ್ತು ಗ್ರಾಮಗಳನ್ನೊಳಗೊಂಡ ಪ್ರಮುಖ ಕೇಂದ್ರ. ಅದೊಂದು ಅಗ್ರಹಾರವಾಗಿತ್ತು. ಗ್ರಾಮದ ಕೆಳಸಮುದಾಯದ ಬದುಕು, ಜನರ ಸ್ಥಿತಿಗತಿ, ಆಚರಣೆಗಳು, ಶಾಸನಗಳು, ವೀರಗಲ್ಲುಗಳ ಬಗ್ಗೆ ಮನೋಜ್ಞವಾಗಿ ಚಿತ್ರಿಸಿದ್ದಾರೆ. ಡಾ. ಧನವಂತ ಅವರಿಂದ ಇನ್ನೂ ಹೆಚ್ಚು ಕೃತಿಗಳು ಪ್ರಕಟವಾಗಲಿ” ಎಂದು ಹಾರೈಸಿದರು.

ವಿಶ್ರಾಂತ ಪ್ರಾಧ್ಯಾಪಕರಾದ ಪ್ರೊ. ಶಾಂತಿನಾಥ ದಿಬ್ಬದ ಅವರು, ಮಾಸ್ತಿಯವರ ಕತೆಗಳಲ್ಲಿ ಜೀವನ ದರ್ಶನ ಮಹಾಪ್ರಬಂಧ ಕುರಿತು ಮಾತನಾಡಿ, “ಮಾಸ್ತಿ ಸಣ್ಣ ಕತೆಗಳ ಜನಕ. ಅವರು ಕನ್ನಡದ ಆಸ್ತಿ. ಮಾಸ್ತಿ ಸಣ್ಣಕತೆ ರಚನೆ ಪೂರ್ವದಲ್ಲಿ ಕ್ರಿ.ಶ. ೬ನೇ ಶತಮಾನದಲ್ಲಿ ಈ ಕಥಾ ಪರಂಪರೆ ಬೆಳೆದು ಬಂದಿದೆ. ಅವರ ಎಲ್ಲಾ ಕತೆಗಳು ಚಿಕ್ಕದಾಗಿದ್ದರೂ ಒಂದೊಂದು ಜೀವನ ಸಂದೇಶ ಬದುಕಿನ ಪಾಠವನ್ನು ಹೇಳಿಕೊಡುವಂತಹವುಗಳಾಗಿವೆ” ಎಂದು ಹೇಳಿದರು.

ಡಾ. ಬಾಳಪ್ಪ ಚಿನಗುಡಿ ಅವರು ‘ಕನ್ನಡ ಸಾಹಿತ್ಯ, ಸಂಸ್ಕೃತಿ ಹಾಗೂ ಕನ್ನಡ ಸಾಹಿತ್ಯ : ತಲ್ಲಣಗಳು ಕುರಿತು ಮಾತನಾಡಿದರು. ಡಾ. ಶಂಕ್ರಮ್ಮ ಹುಲಿಕಟ್ಟಿ ಅವರು  ಡಾ. ಧನವಂತ ಹಾಜವಗೋಳವರ ‘ಬಾನುಲಿ ಚಿಂತನಗಳು’ ಕೃತಿ ಪರಿಚಯಿಸಿದರು.

ಸಂಶೋಧಕರಾದ ಡಾ. ಧನವಂತ ಹಾಜವಗೋಳ ಮಾತನಾಡಿ, “ಡಾ. ಬಿ. ವ್ಹಿ. ಶಿರೂರ ಅವರು ನನ್ನನ್ನು ಸಂಶೋಧಕನನ್ನಾಗಿ ರೂಪಿಸಿದವರು ಎಂದು ಸ್ಮರಿಸಿ, ತಮ್ಮ ೩೩ ವರ್ಷದ ವೃತ್ತಿ ಜೀವನದ ಅನುಭವಗಳನ್ನು ತಿಳಿಸಿದರು. ಅಧ್ಯಕ್ಷತೆ ವಹಿಸಿದ್ದ ಡಾ. ಸಂಜೀವ ಕುಲಕರ್ಣಿ ಮಾತನಾಡಿ, “ನಮ್ಮ ಬದುಕಿಗೆ ಬೇಕಾದ ಸಾಹಿತ್ಯ ವೈದ್ಯಕೀಯ ಕ್ಷೇತ್ರದಲ್ಲಿ ಇಲ್ಲದಿರುವುದು ವಿಷಾದಕರ. ವೈದ್ಯರೂ ಸಾಹಿತ್ಯ ಓದುವಂತಾಗಬೇಕು. ಡಾ. ಧನವಂತ ಹಾಜವಗೋಳ ಪರಿಶ್ರಮ ಅಭಿನಂದನೀಯ” ಎಂದರು.

ವೇದಿಕೆಯಲ್ಲಿ ಮಹಾದೇವಿ ಧ. ಹಾಜವಗೋಳ ಉಪಸ್ಥಿತರಿದ್ದರು. ಮಹಾದೇವಿ ಪ್ರಕಾಶನದ ಪರವಾಗಿ ವೇದಿಕೆ ಗಣ್ಯರನ್ನು ಸನ್ಮಾನಿಸಿ ಗೌರವಿಸಲಾಯಿತು. ವೀರಣ್ಣ ಒಡ್ಡೀನ ಸ್ವಾಗತಿಸಿದರು. ಶಂಕರ ಹಲಗತ್ತಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಡಾ. ಪಿ.ಕೆ. ಧಾರವಾಡ ನಿರೂಪಿಸಿದರು. ಶಿವಾನಂದ ಭಾವಿಕಟ್ಟಿ ವಂದಿಸಿದರು. ಕಾರ್ಯಕ್ರಮದಲ್ಲಿ ಡಾ. ಕುಂ. ವೀರಭದ್ರಪ್ಪ, ಬಸವಪ್ರಭು ಹೊಸಕೇರಿ, ಸತೀಶ ತುರಮರಿ, ವಿಶ್ವೇಶ್ವರಿ ಹಿರೇಮಠ, ಡಾ. ಜಿನದತ್ತ ಹಡಗಲಿ ಸೇರಿದಂತೆ ಡಾ. ಧನವಂತ ಹಾಜವಗೋಳ ಅವರ ಪರಿವಾರದವರು ಉಪಸ್ಥಿತರಿದ್ದರು.

WhatsApp Image 2024 10 05 at 15.43.57 586b60ff min e1728123396595
+ posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಕಲಬುರಗಿ | 55 ವರ್ಷಗಳಾದರೂ ಕುಡಿಯುವ ನೀರಿಗೆ ಪರದಾಟ; ಪಾಲಿಕೆ ಎದುರು ಕರವೇ ಪ್ರತಿಭಟನೆ

ನಗರದ ವಾರ್ಡ್ ನಂ.30ರ ಮಹಾತ್ಮ ಬಸವೇಶ್ವರ ಕಾಲೋನಿಯಲ್ಲಿ ತೀವ್ರಗೊಂಡಿರುವ ಕುಡಿಯುವ ನೀರಿನ...

ಕಲಬುರಗಿ | ನೋಟ್‌ಬುಕ್, ಪೆನ್ನು ವಿತರಿಸುವ ಮೂಲಕ ಜನ್ಮದಿನವನ್ನು ಆಚರಿಸಿಕೊಂಡ ಸ್ನೇಹ ಹಡಪದ

ಚಿತ್ತಾಪುರ ತಾಲೂಕಿನ ನಾಲವಾರ ಗ್ರಾಮದ ಪವಾಡ ಪುರುಷ ಸದ್ಗುರು ಶ್ರೀ ಕೋರಿಸಿದ್ದೇಶ್ವರ...

ಕಲಬುರಗಿ | ಮೂಲಸೌಕರ್ಯಕ್ಕಾಗಿ ಪಾಲಿಕೆ ಎದುರು ಸ್ಲಂ ನಿವಾಸಿಗಳ ಪ್ರತಿಭಟನೆ

ನಗರದ ವಾರ್ಡ್ ನಂ. 2ರ ರಾಮನಗರ ಭಾಗ-2ರಲ್ಲಿ ವಾಸಿಸುತ್ತಿರುವ ಅಲೆಮಾರಿ ಸಮುದಾಯ,...

ಗದಗ | ಕನಕದಾಸರ ಜಯಂತಿಯನ್ನು ಅಚ್ಚುಕಟ್ಟಾಗಿ ಆಚರಿಸಿ: ಜಿಲ್ಲಾಧಿಕಾರಿ ಸಿ.ಎನ್. ಶ್ರೀಧರ

"ಸಂತ ಕನಕದಾಸರ ಜಯಂತಿಯನ್ನು ನವಂಬರ್ 27 ರಂದು ನಗರದ ಹಾತ್ತಲಗೇರಿ ನಾಕಾದ...