“ಸತ್ತಿರುವವರನ್ನು ಮತದಾನ ಪಟ್ಟಿಯಿಂದ ತೆಗೆಯಬೇಕಿತ್ತು, ಆದರೆ ಬದುಕಿರುವ ಜನರನ್ನು ಮತದಾನ ಪಟ್ಟಿಯಿಂದ ತೆಗೆದಿದ್ದಾರೆ. ಇದು ಜನಾಂಗ ಹತ್ಯೆಯಾಗಿದೆ. ಜನರು ಬದುಕಿದ್ದರೂ ಸತ್ತಂತೆ ಮಾಡುವುದೇ ಎಸ್ಐಆರ್. ಇದನ್ನು ನಾವೆಲ್ಲರೂ ವಿರೋಧಿಸಬೇಕು” ಎಂದು ಎಸ್ಐಆರ್ ಪ್ರತಿಭಟನಾ ಜಾಥಾದಲ್ಲಿ ಲೇಖಕಿ ಸವಿತಾ ಬನ್ನಾಡಿ ಹೇಳಿದರು.
ಹುಬ್ಬಳ್ಳಿವಪಟ್ಟಣದಲ್ಲಿ ಮೇ ಸಾಹಿತ್ಯ ಮೇಳ ಎರಡನೇ ದಿನದಂದು ಎಸ್ಐಆರ್ ರದ್ದುಗೊಳಿಸುವಂತೆ ಪ್ರತಿಭಟನಾ ಜಾಥಾವನ್ನು ಹಿರಿಯ ಕಾದಂಬರಿಕಾರರು ಕುಂವೀ ಅವರು ಚೆನ್ನಮ್ಮ ವೃತ್ತದಿಂದ ಆರ್.ಎನ್.ಶೆಟ್ಟಿ ಕಲ್ಯಾಣ ಮಂಟಪದವರೆಗೆ ಚಾಲನೆ ನೀಡಿದರು.
ಡಾ.ಅಶೋಕ ಶೇಟ್ಟರ್ ಅವರು ಮಾತನಾಡಿ, “ಭಾರತದಲ್ಲಿ ಸಾಂವಿಧಾನಿಕ ದಾಳಿ ನಡದಿದೆ. ಅಂದರೆ ಎಸ್ಐಆರ್ ಕೋಟ್ಯಾಂತರ ಜನರನ್ನು ಎಸ್ಐಆರ್ ಮೂಲಕ ಹೊರಗಿಡುವಂತೆ ಮಾಡಿದೆ. ಕರ್ನಾಟಕದಲ್ಲಿ ಎಸ್ ಐಆರ್ ಮಾಡದಂತೆ ವಿರೋಧ ವ್ಯಕ್ತಪಡಸಬೇಕು.
ರಂಜಾನ್ ದರ್ಗಾ ಅವರು ಮಾತನಾಡಿ, “ಸಂವಿಧಾನ ವಿರೋಧಿಯಾಗಿ ಬಡವರು, ಓಬಿಸಿ, ಈಡಿ ಒಂದು ವರ್ಗವನ್ನು ಚುನಾವಣೆಯಿಂದ ಹೊರಗಿಟ್ಟರು. ವೆಸ್ಟ್ ಬೆಂಗಾಲ್ ನಲ್ಲಿ ಎಸ್ಐಆರ್ ಮೂಲಕ ತೊಂಬತ್ತು ಲಕ್ಷ ಜನರು ಮತದಾನದಿಂದ ಹೊರಕಿಟ್ಟು ಚುನಾವೆಣೆ ನಡೆಸಿದ್ದಾರೆ. ಕರ್ನಾಟಕದಲ್ಲಿ ಎಸ್ಐಆರ್ ಜಾರಿಗೊಳಿಸದಂತೆ ನಾವೆಲ್ಲರೂ ಈ ಮೇಳದ ಮೂಲಕ ವಿರೋಧ ವ್ಯಕ್ತಪಡಿಸೋಣ” ಎಂದರು.
This video cannot be played in your browser. Open the video directly
ಜಾಥಾ ಪ್ರತಿಭಟನೆ ಯಲ್ಲಿ ಮೂಡ್ನಾಕೂಡ ಚಿನ್ನಸ್ವಾಮಿ, ಶ್ರೀಪಾದ್ ಭಟ್, ಸೇರಿದಂತೆ ನೂರಾರು ಮುಖಂಡರು ಜಾಥಾದಲ್ಲಿ ಪಾಲ್ಗೊಂಡಿದ್ದರು.
