ಗದಗ ಜಿಲ್ಲೆಯ ರೋಣ ತಾಲೂಕಿನ ಯಾವಗಲ್ಲ ಗ್ರಾಮದ ಹಳ್ಳಿರಂಗ ಶಾಲೆ ವತಿಯಿಂದ ದ್ವಿತೀಯ ಪಿಯುಸಿ ಹಾಗೂ ಎಸ್. ಎಸ್. ಎಲ್. ಸಿ ಯಲ್ಲಿ ಅತ್ಯುತ್ತಮ ಅಂಕ ಗಳಿಸಿ ಊರಿಗೆ ಕೀರ್ತಿ ತಂದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಸನ್ಮಾನ ಕಾರ್ಯಕ್ರಮ ಜರುಗಿತು.
ಕವಿ ವೀರಪ್ಪ ತಾಳದವರ ಅವರ ಪ್ರಾಸ್ತಾವಿಕ ನುಡಿಗಳೊಂದಿಗೆ ಕಾರ್ಯಕ್ರಮ ಆರಂಭವಾಯಿತು. ಮುಖ್ಯ ಅತಿಥಿಗಳಾಗಿ ಶಿಕ್ಷಕಿ ಎಸ್. ಎಸ್. ಹಾಲಭಾವಿ , ಉತ್ಸಾಹಿ ತರುಣ ಆನಂದ ಚವಡಿ, ಉಪನ್ಯಾಸಕ ಅಬ್ದುಲ್ ರಜಾಕ್ ಬೊದ್ಲೆಖಾನ್ ಅವರು ಮಾತನಾಡುತ್ತಲೆ ವಿದ್ಯಾರ್ಥಿಗಳು ಹೆಚ್ಚಿನ ಅಂಕ ಬಂದವೆಂದು ಮೈ ಮರೆಯಬಾರದು , ಇನ್ನು ಮುಂದೆಯೆ ನಿಮ್ಮ ಜವಾಬ್ದಾರಿ ಹೆಚ್ಚಾಗುತ್ತದೆ. ಆದ್ದರಿಂದ ತಾವು ಗುರಿ ಮುಟ್ಟುವವರೆಗೆ ನಿರಂತರ ಅಧ್ಯಯನ ಶೀಲರಾಗಿ, ಪರಿಶ್ರಮಿಗಳಾಗಿರಬೇಕು” ಎಂದು ವಿದ್ಯಾರ್ಥಿಗಳಿಗೆ ಕಿವಿ ಮಾತು ಹೇಳಿದರು.
ಇದನ್ನು ಓದಿದ್ದೀರಾ ಹಾವೇರಿ | ಸೂರಿಲ್ಲದೇ ಸೊರಗುತ್ತಿವೆ 33 ಕುಟುಂಬಗಳು: ಸುಡುಗಾಡು ಸಿದ್ದರ ಬದುಕಿನ ವ್ಯಥೆ ಕೇಳುವವರಿಲ್ಲ…
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಿಕ್ಷಕರಾದ ಶ್ರೀ ಬಸವರಾಜ ನರಸಣ್ಣವರ ವಹಿಸಿದ್ದರು. ಯುವ ಮುಖಂಡ ರವಿ ಕಾಳಿ, ನಿಂಗಬಸಪ್ಪ ಚಲವಾದಿ, ಶಂಕ್ರಪ್ಪ ಹಡಗಲಿ, ಗೋಡಚೆಪ್ಪ ಕುಮ್ಮಿ, ಪಾಲಕರು, ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ನಿರೂಪಣೆಯನ್ನು ನೀಲಾವತಿ ಕುರಿ ಹಾಗೂ ಶಶಿಕಲಾ ಕುರಿ ನೇರವೆರಿಸಿದರು.
