ಹಿರಿಯ ರಾಜಕಾರಣಿ, ಸಂಸದ ಮಲ್ಲಿಕಾರ್ಜುನ ಖರ್ಗೆ ಅವರು ಭಾಷಣ ಮಾಡಿದ ಜಾಗವನ್ನು ಕೆಲ ಹಿಂದೂಪರ ಸಂಘಟನೆಗಳು ಹೋಮ ಹವನ ಮಾಡಿ, ಶುದ್ಧೀಕರಿಸಿದ್ದನ್ನು ಖಂಡಿಸಿ ದಲಿತ ಸಂಘಟನೆಗಳ ಒಕ್ಕೂಟದ ಮುಂಖಂಡರು ಪ್ರತಿಭಟನೆ ನಡೆಸಿದರು.
ಗದಗ ಪಟ್ಟಣದಲ್ಲಿ ದಲಿತ ಸಂಘಟನೆಗಳ ಒಕ್ಕೂಟದ ಮುಖಂಡರು ಗಾಂಧಿ ವೃತ್ತ ಸುತ್ತ ಮಾನವ ಸರಪಳಿ ನಿರ್ಮಿಸಿ ಪ್ರತಿಭಟನೆ ನಡೆಸಿದರು.
“ಹಿರಿಯ ರಾಜಕಾರಣಿ ಮಲ್ಲಿಕಾರ್ಜುನ ಖರ್ಗೆ ಅವರು ಭಾಷಣ ಮಾಡಿದ ಸ್ಥಳವನ್ನು ಶುದ್ದಿಕರಣ ಮಾಡಿದ್ದು, ನೋವಿನ ಸಂಗತಿ. ಸಂವಿಧಾನ ಜಾರಿಯಾಗಿ ಎಪ್ಪತ್ತ್ರೊಂಬತ್ತು ವರ್ಷಗಳು ಕಳೆದರೂ ಇನ್ನೂ ಕೆಲವು ಮನುವಾದಿಗಳು, ಮನುಸ್ಮೃತಿ ಅಸ್ಪೃಷ್ಯತೆ ಆಚರಿಸುತ್ತಿದ್ದಾರೆ. ಈ ದೇಶದಲ್ಲಿ ಅಸ್ಪೃಷ್ಯತೆ ಇದೆ ಅನ್ನುವುದಕ್ಕೆ ಇದು ಸಾಕ್ಷಿ” ಎಂದು ಮುಖಂಡರು ಆಕ್ರೋಶ ವ್ಯಕ್ತಪಡಿಸಿದರು.
“ಮಲ್ಲಿಕಾರ್ಜುನ ಖರ್ಗೆ ಅವಮಾನಿಸಿರುವುದು ಖೇದಕರ ಸಂಗತಿ. ಕೆಳ ಸಮುದಾಯದಲ್ಲಿ ಹುಟ್ಟಿದ ಕಾರಣಕ್ಕೆ ಅವರು ನಿಂತು ಭಾಷಣ ಮಾಡಿದ ಸ್ಥಳವನ್ನು ಶುದ್ದಿಕರಿಸಿದ್ದು, ಖಂಡನೀಯ. ಖರ್ಗೆ ಅವರಿಗೆ ಆದ ಅವಮಾನವನ್ನು ನಾವು ಸಹಿಸುವುದಿಲ್ಲ. ಕೇವಲ ಅವರಿಗಷ್ಟೆ ಅಲ್ಲ, ಈ ದೇಶದ ದಲಿತರು, ಅಂಭೇಡ್ಕರ ಅವರಿಗೆ ಮಾಡಿದ ಅವಮಾನ” ಎಂದು ಕಿಡಿಕಾರಿದರು. ಆರ್.ಎಸ್.ಎಸ್, ಹಿಂದೂ ಪರಿಷತ್ ಅಸ್ಪೃಷ್ಯತ, ಅಸಮಾನತೆ ಮಾಡುತ್ತಾ ಬಂದವರು, ಈ ದೇಶದವರಲ್ಲ. ನಾವು ಈ ದೇಶದ ಮೂಲ ನಿವಾಸಿಗಳು. ಖರ್ಗೆ ಅವರನ್ನು ಅವಮಾನ ಮಾಡಿದ್ದನ್ನು ಎಲ್ಲರು ವಿರೋಧಿಸಬೇಕು” ಎಂದು ದಲಿತಪರ ಮುಖಂಡರು ಆಗ್ರಹಿಸಿದರು.
“ಮನುವಾದಿಗಳು ಮನುಸ್ಮೃತಿಯನ್ನು ಜೀವಂತವಾಗಿಡಲು ಮತ್ತೆ ಮತ್ತೆ ಇಂತಹ ಘಟನೆಗಳು ಮರುಕಳಿಸುತ್ತಿವೆ. ನಾವು ನಿಜವಾಗಿಯು ಬದ್ಧ, ಬಸವ, ಅಂಬೇಡ್ಕರ ಅವರ ಅನುಯಾಯಿಯಗಳೆ ಆಗಿದ್ದರೆ, ಇಂತಹ ಕ್ಷುದ್ರ ಶಕ್ತಗಳ ವಿರುದ್ಧ ವಿವಿಧ ಆಯಾಮಗಳಲ್ಲಿ ಚಳುವಳಿಗಳನ್ನು ಕೊಂಡೊಯ್ಯಬೇಕಿದೆ. ಮನೆ ಮನಗಳಿಗೆ ಸುದ್ದಿ ಮುಟ್ಟಿಸಬೇಕಿದೆ”” ಎಂದು ಮುಖಂಡರು ಹೇಳಿದರು.
“ಯಾವ ಒಂದು ಪಕ್ಷ ಸನಾತನವನ್ನು, ಬೆಂಬಲಿಸುತ್ತದೆಯೋ, ನಮ್ಮ ನಾಡನ್ನು ಆಳುತ್ತಿದೆಯೋ, ಅಂತಹ ಪಕ್ಷದಲ್ಲಿ ಇರುವ ದಲಿತರು, ಶೋಷನೆಯ ವಿರುದ್ಧ ಧ್ವನಿ ಎತ್ತುವ ಪ್ರಗತಿಪರರು ಎಲ್ಲರೂ ಕೂಡ ಖರ್ಗೆ ಅವರಿಗೆ ಆದ ಅಪಮಾನ, ಈ ನಾಡಿಗೆ ಆಗಿರುವ ಅಪಮಾನ ಎಂದು ಗಮನಿಸದೇ ಹೋದಲ್ಲಿ ನಾಯಕರಾಗಲು ಸಾಧ್ಯವಿಲ್ಲ” ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
ಪ್ರತಿಭಟನೆಯಲ್ಲಿ ಹಿರಿಯ ಬಂಡಾಯ ಸಾಹಿತಿ ಬಸವರಾಜ ಸೂಳಿಬಾವಿ, ಅಶೋಕ ಬರಗುಂಡಿ, ಬಸವರಾಜ ಕಡೆಮನಿ, ಮುತ್ತು ಬಿಳಿಯಲಿ, ಶರೀಫ್ ಬಿಳಿಯಲಿ, ಆನಂದ ಶಿಂಗಾಡಿ, ಬಾಲರಾಜ ಅರಬರ್, ಕೆ.ಎಚ್ ಬೇಲೂರು ಸೇರಿದಂತೆ ಅನೇಕ ಪ್ರಗತಿ ಪರ ಚಿಂತಕರು, ಸಾಮಾಜಿಕಿ ಕಾರ್ಯಕರ್ತರು ಉಪಸ್ಥಿತರಿದ್ದರು.
