ನಗರದ ಮೈಲಾರ ಮಹದೇವಪ್ಪ ರೈಲು ನಿಲ್ದಾಣದಲ್ಲಿ ಅಂಗವಿಕಲರು, ವಯೋವೃದ್ಧರು, ಅಶಕ್ತರು ಹಾಗೂ ರೋಗಿಗಳಿಗೆ ಸೇರಿದಂತೆ ಸಮಸ್ಯೆ ಆಗುತ್ತಿದ್ದು, ರೈಲ್ವೆ ನಿಲ್ದಾಣಕ್ಕೆ ಮೂಲಭೂತ ಸೌಲಭ್ಯ ಒದಗಿಸುವಂತೆ ಡಿವೈಎಫ್ಐ ಹಾಗೂ ಕೆ.ಎಸ್.ಸಿ.ಎ ಮುಖಂಡರು ಒತ್ತಾಯಿಸಿದರು.
ಹಾವೇರಿ ನಗರದ ರೈಲು ನಿಲ್ದಾಣದಲ್ಲಿ ಸೋಮವಾರ ಭಾರತ ಪ್ರಜಾಸತ್ತಾತ್ಮಕ ಯುವಜನ ಫೆಡರೇಷನ್ (ಡಿವೈಎಫ್ಐ) ಹಾವೇರಿ ಜಿಲ್ಲಾ ಸಮಿತಿ ಹಾಗೂ ಕರ್ನಾಟಕ ರಾಜ್ಯ ಅಂಗವಿಲಕರ ಮತ್ತು ಪಾಲಕರ ಒಕ್ಕೂಟ (ಕೆ.ಎಸ್.ಡಿ.ಸಿ.ಎಫ್) ವತಿಯಿಂದ ಕೇಂದ್ರ ರೇಲ್ವೆ ಸಚಿವರಾದ ಶ್ರೀಯುತ ಅಶ್ವಿನಿ ವೈಷ್ಣವ್ ಅವರಿಗೆ ಮಾನ್ಯ ಹಾವೇರಿ ರೈಲ್ವೆ ಸ್ಟೇಶನ್ ಮ್ಯಾನೇಜರ್ ಮೂಲಕ ಮನವಿ ಸಲ್ಲಿಸಿದರು.
“ಹಾವೇರಿಯು ಜಿಲ್ಲಾ ಕೆಂದ್ರವಾಗಿದ್ದು, ಬೆಳೆಯುತ್ತಿರುವ ನಗರವಾಗಿದೆ. ಹೆಚ್ಚಿನ ಜನರು ದಿನ ನಿತ್ಯದ ಓಡಾಟಕ್ಕೆ ರೈಲ್ವೆಯನ್ನು ಅವಲಂಬಿಸಿದ್ದಾರೆ. ಆದರೆ ರೈಲು ನಿಲ್ದಾಣವು ಕೆಲವು ಪ್ರಮುಖ ಮೂಲಭೂತ ಸೌಕರ್ಯಗಳ ಕೊರತೆಯಿಂದ ನರಳುತ್ತಿದ್ದು ಪ್ರಯಾಣಿಕರಿಗೆ ತೊಂದರೆಯಾಗುತ್ತಿದ್ದು ಕೂಡಲೇ ಸಮಸ್ಯೆಗಳನ್ನು ಪರಿಹರಿಸಬೇಕು” ಎಂದು ಆಗ್ರಹಿಸಿದರು.
“ವಿಶೇಷವಾಗಿ ಅಂಗವಿಕಲರು, ವಯೋವೃದ್ಧರು ಹಾಗೂ ರೋಗಿಗಳಿಗೆ ಒಂದನೇ ಪ್ಲಾಟಪಾರಂ ನಿಂದ ಎರಡು ಮತ್ತು ಮೂರನೇ ಪ್ಲಾಟಫಾರಂಗೆ ತೊಂದರೆಯಾಗದಂತೆ ಸರಳವಾಗಿ ಸಂಚರಿಸುವಂತಾಗಲು ವಿದ್ಯುತ್ ಚಾಲಿತ (ಬ್ಯಾಟರಿ) ವಾಹನಗಳ ವ್ಯವಸ್ಥೇ, ವ್ಹೀಲ್ ಚೇರ್ ಸೌಲಭ್ಯ ಹಾಗೂ ವಿಕಲಚೇತನರ ಸ್ನೇಹಿ ಶೌಚಾಲಯ ವ್ಯವಸ್ಥೆ ಸೇರಿದಂತೆ ಇನ್ನಿತರ ಅಗತ್ಯ ಸೌಕಾರ್ಯಗಳನ್ನು ಒದಗಿಸಲು ಹಾಗೂ ಈ ಕೆಳಗಿನ ಬೇಡಿಕೆಗಳನ್ನು ಈಡೇರಿಸಲು ಕೂಡಲೇ ಕ್ರಮ ಕೈಗೊಳ್ಳಬೇಕು” ರಂದು ಒತ್ತಾಯಿಸಿದರು.
“ರೈಲು ಸಾರಿಗೆಯನ್ನು ಅವಲಂಬಿಸಿರುವ ಜಿಲ್ಲಾ ಕೇಂದ್ರ ಹಾವೇರಿ ಶಹರ ಸೇರಿದಂತೆ ಸುತ್ತಮುತ್ತಲು ಊರುಗಳ ಜನತೆಯ ಅನುಕೂಲಕ್ಕಾಗಿ ಈ ಮೇಲಿನ ಸಮಸ್ಯೆಗಳನ್ನು ವಿಳಂಬ ಮಾಡದೇ ನಿರ್ದಿಷ್ಠ ಕಾಲಮಿತಿಯೊಳಗೆ ಪರಿಹರಿಸಲು ಸೂಕ್ತ ಕ್ರಮ ಕೈಗೊಳ್ಳಬೇಕು” ಎಂದು ಒತ್ತಾಯಿಸಿದ್ದಾರೆ.
ಮನವಿ ಸ್ವೀಕರಿಸಿದ ಸ್ಟೇಶನ್ ಮ್ಯಾನೇಜರ್ ಸುಬ್ರಹ್ಮಣ್ಯ ಅವರು, “ಕೆಲವು ಕಾಮಗಾರಿಗಳು ನಡೆಯುತ್ತಿವೆ. ಉಳಿದ ಬೇಡಿಕೆಗಳನ್ನು ಮೇಲಾಧಿಕಾರಿಗಳ ಗಮನಕ್ಕೆ ತರಲಾಗುವುದು” ಎಂದರು.
ಈ ಸಂದರ್ಭದಲ್ಲಿ ಡಿವೈಎಫ್ಐ ರಾಜ್ಯ ಕಾರ್ಯದರ್ಶಿ ಬಸವರಾಜ ಪೂಜಾರ, ಕೆ.ಎಸ್.ಡಿ.ಸಿ.ಎಫ್ ಜಿಲ್ಲಾ ಸಂಚಾಲಕರಾದ ಖಲಂದರ್ ಅಲ್ಲಿಗೌಡ್ರ, ಮುಖಂಡರಾದ ಹಸೀನಾ ಹೆಡಿಯಾಲ, ರೇವಣಪ್ಪ ಸವೂರ, ಡಿವೈಎಫ್ಐ ಮುಖಂಡರಾದ ವೆಂಕಟೇಶ ಕಲಾಲ್, ಸಂತೋಷ ಕೆ, ವಿನಾಯಕ ಎಂ.ಜಿ ಉಪಸ್ಥಿತರಿದ್ದರು.
