“ನಾನು ಓದುವ ಕಾಲದಲ್ಲಿ ಗ್ರಂಥಾಲಯದಲ್ಲಿ ಓದುವಾಗ, ಸಂಶೋದನೆಗೆ ಸಂಬಂಧಿಸಿ ಪುಸ್ತಕಗಳು ಕಡಿಮೆ ಇರುತ್ತಿದ್ದವು. ವಿದ್ಯಾರ್ಥಿಗಳು ಅವುಗಳನ್ನು ತೆಗೆದು ಇಡುತ್ತಿದ್ದರು. ಆಗ ಈ ಪುಸ್ತಕ ಸಿಗುತ್ತಿಲ್ಲ ಎಂದಾಗ ಗ್ರಂಥಾಪಾಲಕರು ಹುಡುಕಿ ಕೊಡುತ್ತಿದ್ದರು. ಗೊತ್ತಿರದ ಪುಸ್ತಕವನ್ನು ಪರಿಚಯಿಸುವ ಸಾಮರ್ಥ್ಯ ಗ್ರಂಥಪಾಲಕರಿಗೆ ಇರುತ್ತದೆ” ಎಂದು ಸಿಡಿಸಿ ನಿರ್ದೇಶಕರು ಹಾವೇರಿ ವಿವಿ ಡಾ. ರಾಘವೇಂದ್ರ ಪತ್ತೇಪುರ ಹೇಳಿದರು.
ಹಾವೇರಿ ಪಟ್ಟದಣದ ಕೆರೆಮತ್ತಿಹಳ್ಳಿಯ ಹಾವೇರಿ ವಿಶ್ವವಿದ್ಯಾಲಯದ ಸಭಾಂಗಣದಲ್ಲಿ ‘ಒಂದು ದೇಶ, ಒಂದು ಚಂದಾದಾರಿಕೆ’ ಕುರಿತು ರಾಷ್ಟ್ರೀಯ ಮಟ್ಟದ ಒಂದು ದಿನದ ಕಾರ್ಯಾಗಾರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
“ಗ್ರಂಥಪಾಲಕರು ಉತ್ತಮ ಪುಸ್ತಕಗಳನ್ನು ಕೊಡದೆ ಇದ್ದಿದ್ದರೆ ನಾನು ಈ ಸ್ಥಾನದಲ್ಲಿ ಇರುತ್ತಿರಲಿಲ್ಲ. ಅಭಿವೃದ್ದಿ ಎನ್ನುವುದು ಯಾವಾಗಲು ಮುಂದುವರೆಯುತ್ತಿರುವ ಕಾಲಘಟ್ಟದಲ್ಲಿ ಇದ್ದೇವ. ಪುಸ್ತಕ ಜ್ಞಾನದ ಭಂಡಾರ. ಪುಸ್ತಕಗಳ ಜೊತೆಗೆ ಅನೇಕ ಸಮಯ ಕಳೆಯುವುದು, ಓದುವುದನ್ನು ಮಾಡಿದರೆ ಜ್ಞಾನ ಸಂಪಾದನೆಗೆ ಸಹಕಾರ ಆಗಲಿದೆ” ಎಂದು ಹೇಳಿದರು.
“ಸಾಧನೆ ಮಾಡಲು ಪುಸ್ತಕ ಮೂಲ ಆಗಿರುತ್ತದೆ. ಡಿವಿಜಿ ಅವರು ‘ತೆರೆದ ಕಿಡಕಿ ಮನೆಯ ಬೆಳಕಿಗೆ, ತೆರದ ಪುಸ್ತಕ ಮನದ ಬೆಳಕಿಗೆ” ಹೇಳಿರುವರೆಂದರು.
ಮುಖ್ಯ ಅತಿಥಿಗಳು ಕೆಯುಡಿ ಪ್ರೊ. ಎಸ್.ಎಸ್ ಬಸವನಾಳ ಗ್ರಂಥಾಲಯದ ಗ್ರಂಥಪಾಲಕರು ಡಾ. ಅನುಪಮಾ ಜೋಶಿ ಮಾತನಾಡಿ, ” ಒಂದು ರಾಷ್ಟ್ರ, ಒಂದು ಚಂದಾದಾರಿಕೆ (ONOS) ಎಂದರೆ ರಾಷ್ಟ್ರಮಟ್ಟದಲ್ಲಿ ಕೇಂದ್ರೀಕೃತವಾಗಿ ಮಾತುಕತೆ ನಡೆಸಲಾದ ಚಂದಾದಾರಿಕೆಯ ಮೂಲಕ ಅರ್ಹ ಭಾರತೀಯ ಸಂಸ್ಥೆಗಳಿಗೆ ವಿದ್ವತ್ಪೂರ್ಣ ಮಾಹಿತಿ ಸಂಪನ್ಮೂಲಗಳನ್ನು ಲಭ್ಯವಾಗಿಸುತ್ತದೆ” ಎಂದು ಹೇಳಿದರು.
“ಇದು ಭಾರತ ಸರ್ಕಾರದ ಒಂದು ಭಾಗವಾಗಿದ್ದು, ದೇಶಾದ್ಯಂತ ಇರುವ ಅರ್ಹ ಉನ್ನತ ಶಿಕ್ಷಣ ಮತ್ತು ಸಂಶೋಧನಾ ಸಂಸ್ಥೆಗಳಿಗೆ, ಕೇಂದ್ರೀಕೃತವಾಗಿ ಸಂಯೋಜಿತವಾದ ರಾಷ್ಟ್ರೀಯ ಚಂದಾದಾರಿಕೆಯ ಮೂಲಕ ಉತ್ತಮ ಗುಣಮಟ್ಟದ ವಿದ್ವತ್ಪೂರ್ಣ ಸಂಶೋಧನಾ ಪ್ರಕಟಣೆಗಳನ್ನು ಲಭ್ಯವಾಗಿಸುವ ಗುರಿಯನ್ನು ಹೊಂದಿದೆ” ಎಂದರು.
ಕಾರ್ಯಗಾರದಲ್ಲಿ ಹಾವೇರಿ ವಿವಿ ಉಪಕುಲಪತಿ ಪ್ರೊ. ಸುರೇಶ ಜಂಗಮಶೆಟ್ಟಿ ಹಾಗೂ ಹಾವೇರಿ ವಿವಿ ರಜಿಸ್ಟರ್ ಪ್ರೊ. ಎಸ್ ಟಿ ಬಾಗಲಕೋಟಿ ಅವರು ಆನ್ಲೈನ್ ಮೂಲಕ ಭಾಗವಹಿಸಿ ಶುಭಕೋರಿದರು. ಸಹಾಯಕಿ ಗ್ರಂಥಪಾಲಕರು ರಂಜಿತ ಆರ್ ಜಗನ್ನನವರ ವೇದಿಕೆಯಲ್ಲಿದ್ದರು. ಬೋಧಕ ಹಾಗೂ ಬೋಧಕೇತರ ಸಿಬ್ಬಂಧಿಗಳು ಉಪಸ್ಥಿತರಿದ್ದರು.
