ಅಜ್ಜಿ ಸತ್ತಳೆಂದು ಕುಟುಂಬಸ್ಥರೆಲ್ಲಾ ಅಂತ್ಯಸಂಸ್ಕಾರಕ್ಕೆ ಮುಂದಾಗಿದ್ರು. ಕೊನೇ ಕ್ಷಣದಲ್ಲಿ ಜೀವಂತ ಇದ್ದ ಮಹಿಳೆ ಉಸಿರಾಡುವುದನ್ನು ಕಂಡು, ಸಾವಿನಂಚಿನಿಂದ ಪಾರಾದ ಘಟನೆ ಹಾವೇರಿ ಜಿಲ್ಲೆಯ ಹಿರೇಕೆರೂರು ತಾಲೂಕಿನ ಗೊಡಚಿಕೊಂಡ ಗ್ರಾಮದಲ್ಲಿ ನಡೆದಿದಿದೆ. ಗ್ರಾಮದ 63 ವರ್ಷದ ರೇಣುಕಮ್ಮ ಸಂಕೋಳ್ಳಿ ಬದುಕಿದವರು.
ಹಾವೇರಿ ಜಿಲ್ಲೆ ಹಿರೇಕೇರೂರು ತಾಲೂಕು ಗೊಡಚಿಕೊಂಡದ ಮಹಿಳೆ ರೇಣುಕಮ್ಮ ಸಂಕೊಳ್ಳಿ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, 63 ವರ್ಷದದ ರೇಣುಕಮ್ಮ ಮೊನ್ನೆ ಸೋಮವಾರ ರಾತ್ರಿ ತೀವ್ರ ಅನಾರೋಗ್ಯಕ್ಕೆ ಒಳಗಾಗಿದ್ರು. ಬಿಪಿ, ಶುಗರ್ ಲೋ ಆಗಿ ಪ್ರಜ್ಞೆ ಕಳೆದುಕೊಂಡಿದ್ದರು. ಗ್ರಾಮದ ಸ್ಥಳೀಯ ವೈದ್ಯರಿಗೆ ತೋರಿಸಿದಾಗ ಸ್ಥಳೀಯ ವೈದ್ಯರು ರೇಣುಕಮ್ಮ ಬದುಕೋದು ಸಂದೇಹ ಅಂತ ತಿಳಿಸಿದ್ದರು.
ಕೊನೆಗೆ ರೇಣುಕಮ್ಮ ಅವರ ಉಸಿರಾಟವೂ ಕಡಿಮೆ ಆಗಿತ್ತು. ರೇಣುಕಮ್ಮ ಮೃತಪಟ್ಟಿದ್ದಾರೆಂದು ತಿಳಿದು ಸಂಬಂಧಿಕರಿಗೆ ಮಾರನೇ ದಿನ ಅಂತ್ಯ ಸಂಸ್ಕಾರಕ್ಕೆ ಬರಲು ತಿಳಸಿದ್ದ ಕುಟುಂಬಸ್ಥರು. ಕೆಲವು ಸಂಬಂಧಿಕರು ಅಂತಿಮ ದರ್ಶನಕ್ಕೆ ಹಾರವನ್ನ ತೆಗೆದುಕೊಂಡು ಬಂದಿದ್ದರು. ಅಂತಿಮ ದರ್ಶನದ ವೇಳೆ ರೇಣುಕಮ್ಮ ಉಸಿರಾಡ್ತಿರೋದನ್ನ ನೋಡಿ ಕುಟುಂಬಸ್ಥರು ಹಿರೇಕೇರೂರು ಪಟ್ಟಣದ ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಬಂದಿದ್ದಾರೆ. ಖಾಸಗಿ ವೈದ್ಯರ ತುರ್ತು ಚಿಕಿತ್ಸೆಯಿಂದ ರೇಣುಕಮ್ಮ ಚೇತರಿಸಿಕೊಂಡಿದ್ದಾರೆ.
ಸದ್ಯ ರೇಣುಕಮ್ಮ ಆರೋಗ್ಯ ಸ್ಥಿರವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದೆ. ಅಂತ್ಯಕ್ರಿಯೆಗೆ ಸಿದ್ದತೆ ನಡೆಸಿದ್ದ ಕುಟುಂಬಕ್ಕೆ ಮರುಜೀವ ಬಂದ ಸಂತಸ ಮನೆ ಮಾಡಿದೆ.
