ಡಿಜಿಟಲ್ ಮಾಧ್ಯಮ ಈಗ ತಾನೆ ಜನಿಸಿದ ಕೂಸು. ಈ ಮಾಧ್ಯಮಗಳು ನೈತಿಕತೆ ಕಾಪಾಡುವುದು ಮುಖ್ಯ. ಸುದ್ದಿ ಪ್ರಕಟ ಮಾಡುವ ಅವಸರದಲ್ಲಿ ಸತ್ಯಾಂಶವನ್ನು ಶೋಧಿಸುವಲ್ಲಿ ಅನೇಕ ಡಿಜಿಟಲ್ ಮಾಧ್ಯಮಗಳು ವಿಫಲವಾಗುತ್ತಿವೆ. ಯುವ ತಲೆಮಾರು ಮಾಧ್ಯಮ ಕ್ಷೇತ್ರಕ್ಕೆ ಬರಬೇಕು ಎಂದು ಹಿರಿಯ ಪತ್ರಕರ್ತ ಸೂರ್ಯಕಾಂತ ಜಮಾದಾರ ಅಭಿಪ್ರಾಯಪಟ್ಟರು.
ಕಲಬುರಗಿಯಲ್ಲಿ ಈಸುದ್ದಿ.ಕಾಂ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. “ಪತ್ರಕರ್ತರು ಜನರ ನಂಬಿಕಯನ್ನು ಪಡೆದುಕೊಳ್ಳುವುದು ಮುಖ್ಯ, ಜನರ ನಂಬಿಕೆಯಿಂದ ಮಾಧ್ಯವಗಳು ಉಳಿದುಕೊಳ್ಳಲು ಸಾಧ್ಯ ಎಲ್ಲಾ ವರ್ಗದ ಯುವಜನರಲ್ಲಿ ಆಕ್ರೋಶವಿದೆ ಹಾಗೂ ಪ್ರಶ್ನೆ ಮಾಡ್ತಾರೆ ಆದರೆ ಆ ಪ್ರಶ್ನೆಗಳಿಗೆ ನೈತಿಕತೆ ಇದೆಯಾ? ಎಂದು ತಮ್ಮನ್ನು ತಾವೆ ಪ್ರಶ್ನೆ ಮಾಡಿಕೊಳ್ಳಬೇಕು. ಪತ್ರಕರ್ತರ ಘನತೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಜನರ ಸಮಸ್ಯೆಗಳಿಗೆ ಸ್ಪಂದಿಸುವ ಮೂಲಕ ಮುಂದಿನ ಹೆಜ್ಜೆಯನ್ನಿಡಬೇಕು” ಎಂದರು.
“ವಿದ್ಯುನ್ಮಾನ ಮಾಧ್ಯಮಗಳು ಟಿಆರ್ಪಿಗಾಗಿ ಜನರಿಗೆ ದಾರಿ ತಪ್ಪಿಸುವ ಕೆಲಸ ಮಾಡುತ್ತಿವೆ. ಇದರ ನಡುವೆ ಡಿಜಿಟಲ್ ಮಾಧ್ಯಮಗಳು ಪದಾರ್ಪಣೆ ಮಾಡಿದ್ದು, ಅತಿವೇಗವಾಗಿ ಜನರಿಗೆ ತಲುಪುವ ಮತ್ತು ವಸ್ತುಸ್ಥಿತಿ ಹೊಂದಿರುವ ವರದಿಗಳನ್ನು ಜನರಿಗೆ ತಲುಪಿಸಿ ಅತಿ ವೇಗವಾಗಿ ಬೇಳೆಯುತ್ತಿವೆ” ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
ಕಾರ್ಯಕ್ರಮದಲ್ಲಿ ಮಾತನಾಡಿದ ಪ್ರಿಯಾಂಕಾ ಮಾವಿನಕರ್, ” ಪ್ರತಿಷ್ಠಿತ ಮಾಧ್ಯಮಗಳು ಬಡ ಜನರ ಸಮಸ್ಯೆಗಳನ್ನು ಬಿಟ್ಟು ವೈಭವೀಕರಣದ ಹಿಂದೆ ಬಿದ್ದಿವೆ ಜನರ ಸಮಸ್ಯೆಗಳು ಕಣ್ಮಂದೆ ಕಂಡರು ಕೂಡ ಕಾಣದ ರೀತಿಯಲ್ಲಿ ವರ್ತಿಸುತ್ತಿವೆ. ಜನರಿಗೆ ಬೇಡಾವಾದ ಸುದ್ದಿಗಳನ್ನೆ ಮತ್ತೆ ಮತ್ತೆ ತೋರಿಸಿ ಜನರ ಗಮನ ಸೆಳೆಯುವ ಕೆಲಸ ಮಾಡುತ್ತಿವೆ” ಎಂದು ಹೇಳಿದರು.
“ಡಿಜಿಟಲ್ ಮಾಧ್ಯಮಗಳು ಸತ್ಯಾಂಶವದ ಹುಡುಕಾಟ ಮಾಡಿ ಜನರ ದ್ವನಿಯಾಗಬೇಕು. ಕೆಲ ಜನರಪ ಮೀಡಿಯಾಗಳು ವೈಭವೀಕರಣದ ಸುದ್ದಿ ಚಾನೆಲ್ ಗಳ ವಿರುದ್ಧ ಕಾರ್ಯ ನಿರ್ವಹಿಸುತ್ತಿರುವುದರಿಂದ ಸಾಮಾನ್ಯ ಜನರಿಗೆ ಸತ್ಯ ತಲುಪುತ್ತಿದೆ, ಡಿಜಿಟಲ್ ಮಾಧ್ಯಮಗಳ ಮೇಲೆ ಜನರು ಹೆಚ್ಚು ಒಲವು ತೋರುತ್ತಿದ್ದಾರೆ” ಎಂದರು.
ಕಾರ್ಯಕ್ರಮದಲ್ಲಿ ಕಾರ್ಯನಿರತ ಪತ್ರಕರ್ತರ ಧ್ವನಿ ಜಿಲ್ಲಾಧ್ಯಕ್ಷರಾದ ಮಲ್ಲಿಕಾರ್ಜುನ ಪಗಡೆ, ಸಂವಾದ ಯುವಜನ ಕಾರ್ಯಕರ್ತರಾದ ನಾಗೇಶ ಹರಳಯ್ಯ, ಸಂಶೋದಕಿಯಾದ ವಿಜಯಲಕ್ಷ್ಮಿ ದೊಡ್ಡಮನಿ, ರಾಜೇಂದ್ರ ರಾಜುವಾಳ, ಲಕ್ಷ್ಮಣ್ ಮಂಡಲಗೇರಾ, ಚಾಮರಾಜ ದೊಡ್ಡಮನಿ ಸೇರಿದಂತೆ ಇನ್ನಿತರರು ಇದ್ದರು…
ವರದಿ: ಅಶೋಕ್, ವಾಲೆಂಟಿಯರ್
