ಭದ್ರಾವತಿ ಅಕ್ರಮ ಇಸ್ಪೀಟು, ತೂರಾ ಬಿಲ್ಲೆ ಜುಗಾರಿ ಅಡ್ಡೆ ಮಾಹಿತಿ ನೀಡಿದಕ್ಕೆ ನನ್ನ ಮೇಲೆ ಹಲ್ಲೆಯಾಗಿದೆ ಎಂದು ಗೋಕುಲ ಕೃಷ್ಣ ಎಂಬುವವರು ಭದ್ರಾವತಿ ನ್ಯೂ ಟೌನ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಗೋಕುಲ ಕೃಷ್ಣ ಅವರು ಭದ್ರಾವತಿಯ ಸಾಮಾಜಿಕ ಕಾರ್ಯಕರ್ತರಾಗಿದ್ದಾರೆ. ಭದ್ರಾವತಿಯ ಅರಣ್ಯ ಪ್ರದೇಶಗಳಲ್ಲಿ ನಡೆಯುತ್ತಿದ್ದ OC, ಇಸ್ಪೀಟು, ತೂರಾ ಬಿಲ್ಲೆ ಅಕ್ರಮದ ಬಗ್ಗೆ SP ಕಚೇರಿಗೆ ಮಾಹಿತಿ ನೀಡಿದ್ದ ಬೆನ್ನಲ್ಲಿ ಅವರ ಮೇಲೆ ಹಲ್ಲೆಯಾಗಿರುವುದಾಗಿ ತಿಳಿದುಬಂದಿದೆ. ಕೈ ಮರದ ಹತ್ತಿರ, ತಮ್ಮಡಿಹಳ್ಳಿ, ರಾಮಿನಕೊಪ್ಪ ಹೀಗೆ ಮೂರು ಕಡೆ ಕಾಡಿನಲ್ಲಿ ನಡೆಯುತ್ತಿದ್ದ ಜುಗಾರಿ ಅಡ್ಡೆ ಬಗ್ಗೆ ಎಂದು SP ಸ್ಕ್ವಾಡ್ ಗೆ ಲೊಕೇಶನ್ ಕೊಟ್ಟಿದ್ದರು.ಲೊಕೇಶನ್ ಹಾಕಿ ವಾಪಸ್ ಬರುವಾಗಲೇ ಫಾಲೋ ಮಾಡಿ ಅಟ್ಯಾಕ್ ಮಾಡಲಾಗಿದೆ. ಸ್ಪಾಟ್ ಗೆ ಹೋಗಿ ಲೊಕೇಶನ್ ಹಾಕಿ ಭದ್ರಾವತಿಗೆ ವಾಪಸ್ ಬರುತ್ತಿದ್ದಾಗ 4 ಜನ ಬೈಕ್ ನಲ್ಲಿ ಫಾಲೋ ಮಾಡಿ ಕಾರಿಗೆ ಅಡ್ಡ ಹಾಕಿ ದಾಳಿ ಮಾಡಿದ್ದಾರೆ ಎಂದು ತಿಳಿದುಬಂದಿದೆ.
ಈ ಸಂದರ್ಭದಲ್ಲಿ ಕಾರಿನ ರೈಟ್ ಸೈಡ್ ಗ್ಲಾಸ್ ಗೆ ದೊಣ್ಣೆಯಿಂದ ಹೊಡೆತದಿಂದ , ಹಿಂದಿನ ಗ್ಲಾಸ್ ಪುಡಿ, ಪುಡಿಯಾಗಿದೆ. ನಂತರ ಮಚ್ಚು ಹಿಡಿದು ಹಲ್ಲೆಗೆ ಯತ್ನಿಸಿರುವುದಾಗಿ ಹಾಗೂ ಜೀವ ಬೆದರಿಕೆ ಒಡ್ಡಿರುವುದಾಗಿ ಆರೋಪಿಸಿದ್ದಾರೆ .”ಪೊಲೀಸರಿಗೆ ಮಾಹಿತಿ ಕೊಟ್ಟಿದ್ದಕ್ಕೆ ಬಿಡಲ್ಲ” ಎಂದು ಜೀವ ಬೆದರಿಕೆ ಹಾಕಿ ನ್ಯೂಟೌನ್ ಪೋಲಿಸ್ ಠಾಣೆಯ ವರೆಗೂ ಬೆನ್ನಟ್ಟಿದ ದುಷ್ಕರ್ಮಿಗಳು ಎಂದು ದೂರಿನಲ್ಲಿ ತಿಳಿಸಿದ್ದಾರೆ.CCTV ಫೂಟೇಜ್ ಇದ್ದರೂ Arms Act ಹಾಕದೆ ಸಾಮಾನ್ಯ ಕೇಸ್ ಹಾಕಿದ್ದಾರೆ ಎಂದು ಗೋಕುಲ ಕೃಷ್ಣ ಅವರು ಪೊಲೀಸರ ನಿರ್ಲಕ್ಷ್ಯ ಎಂದು ಆರೋಪ ಮಾಡಿದ್ದಾರೆ.
ಕಾಡಲ್ಲಿ ಜಿಂಕೆ ಹೊಡೆದು ಅಡ್ಡೆಯಲ್ಲಿ ಪಾರ್ಟಿ, ಯುವಕರು ದುಶ್ಚಟಕ್ಕೆ ಬಲಿಯಾಗುತ್ತಿದ್ದಾರೆ ಎಂದು ತಿಳಿಸಿದ್ದಾರೆ – ಅರಣ್ಯ ಇಲಾಖೆಗೂ ಮಾಹಿತಿ ನೀಡಿದ್ದೆ ಎಂಬ ಮಾಹಿತಿ ಸಂತ್ರಸ್ತರದ್ದಾಗಿದೆ. ಸುಲ್ತಾನ್ ಮಟ್ಟಿಯಿಂದ 2-3 ಕಿ.ಮೀ ದೂರದಲ್ಲಿ ನಡೆಯುವ ಈ ಅಡ್ಡೆಗೆ ಕಾಲೇಜು ಹುಡುಗರು, ಕೂಲಿ ಕಾರ್ಮಿಕರು ಹೋಗುತ್ತಿದ್ದಾರೆ ಇವರುಗಳು ಇದಕ್ಕೆ ಬಲಿಯಾಗುತ್ತಿರುವುದಾಗಿ ಆರೋಪಿಸಿದ್ದಾರೆ.ಹಾಗೂ ಇಲ್ಲಿ ಕಾಯುವವರಿಗೆ ದಿನಕ್ಕೆ 1000 ರೂ, ಅಡ್ಡೆ ನಡೆಸುವವರಿಗೆ 1.5 ಲಕ್ಷ ಲಾಭ ಎಂದು ಆರೋಪಿಸಿದ್ದಾರೆ.ಇದೆಲ್ಲ ವಿಚಾರ ಪ್ರಶ್ನಿಸಿದ್ದಕ್ಕೆ ನಮ್ಮ ಮೇಲೆ ಅಟ್ಯಾಕ್ ಆಗಿದೆ ಎಂದು ಗೋಕುಲ್ ಕೃಷ್ಣ ಆಕ್ರೋಶ ಹೊರಹಾಕಿದ್ದಾರೆ.
This video cannot be played in your browser. Open the video directly
ಗೋಕುಲ ಕೃಷ್ಣ ಅವರು ನೀಡಿದ ದೂರಿನ ಅನ್ವಯ BNS ಸೆಕ್ಷನ್ ನಲ್ಲಿ FIR ದಾಖಲಿಸಿರುವ ಭದ್ರಾವತಿ ಪೊಲೀಸರು.ಅಪರಿಚಿತ 3 ಬೈಕ್ ಸವಾರರ ವಿರುದ್ಧ BNS 2023 – U/S 126(2), 352, 351(2), 324(3), 3(5) ಅಡಿಯಲ್ಲಿ ಭದ್ರಾವತಿಯ ನ್ಯೂ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿಕೊಂಡು ತನಿಖೆ ಮುಂದುವರೆಸಿದ್ದಾರೆ.
