ತಾಲೂಕಿನ ಕಶೆಟ್ಟಿಪಲ್ಲಿ ಗ್ರಾಮದಲ್ಲಿ ಕೃಷಿ ಮಾಹಿತಿ ಕೇಂದ್ರ ಕಾರ್ಯಕ್ರಮದ ಭಾಗವಾಗಿ ಕೃಷಿ ವಿಜ್ಞಾನ ಧಾರೆ’ಮಾಹಿತಿ ಕೇಂದ್ರ ಉದ್ಘಾಟನೆ ಹಾಗೂ ವನಮಹೋತ್ಸವ ಕಾರ್ಯಕ್ರಮವನ್ನು ಅರ್ಥಪೂರ್ಣವಾಗಿ ಆಯೋಜಿಸಲಾಗಿತ್ತು.
ಕಾರ್ಯಕ್ರಮಕ್ಕೆ ಆಗಮಿಸಿದ ರೇಷ್ಮೆ ಕೃಷಿ ಮಹಾವಿದ್ಯಾಲಯದ ಡೀನ್ ಡಾ.ರಾಮಕೃಷ್ಣ ನಾಯ್ಡು ಅವರನ್ನು ಕಲಾತ್ಮಕವಾಗಿ ಶೃಂಗರಿಸಿದ್ದ ಎತ್ತಿನಗಾಡಿಯಲ್ಲಿ ವೈಭವದಿಂದ ಮೆರವಣಿಗೆಯ ಮೂಲಕ ಬರಮಾಡಿಕೊಳ್ಳಲಾಯಿತು.ತದನಂತರ ದೀಪ ಬೆಳಗಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು.
ವಿದ್ಯಾರ್ಥಿಗಳು ಸಿದ್ಧಪಡಿಸಿದ್ದ ಕೃಷಿ ಮಾಹಿತಿ ಕೇಂದ್ರದಲ್ಲಿ ರೈತರಿಗೆ ಉಪಯುಕ್ತವಾಗುವ ವಿವಿಧ ವಿಷಯಗಳ ಕುರಿತು ಮಾದರಿಗಳು ಮತ್ತು ಭಿತ್ತಿಚಿತ್ರಗಳನ್ನು ಪ್ರದರ್ಶಿಸಲಾಯಿತು
ಮಣ್ಣು ವಿಜ್ಞಾನ ಮತ್ತು ಕೃಷಿಶಾಸ್ತ್ರ,ಕೃಷಿ ವಿಸ್ತರಣಾ ವಿಭಾಗ,ಬೀಜ ಶಾಸ್ತ್ರ ಹಾಗೂ ಸಸ್ಯತಳಿ ಶಾಸ್ತ್ರ ಸೂಕ್ಷ್ಮಜೀವಶಾಸ್ತ್ರ,ಬೆಳೆ ಸಂರಕ್ಷಣೆ ಮತ್ತು ಸಸ್ಯ ರೋಗಶಾಸ್ತ್ರ
ತೋಟಗಾರಿಕೆ,ಕೀಟಶಾಸ್ತ್ರ,ಆಹಾರ ಶಾಸ್ತ್ರ ಮತ್ತು ರೇಷ್ಮೆ ಕೃಷಿ ಮಾಹಿತಿ ಕೇಂದ್ರದ ಜೊತೆಗೆ ವನಮಹೋತ್ಸವ ಕಾರ್ಯಕ್ರಮವನ್ನು ಆಚರಿಸಲಾಯಿತು.ಮುಖ್ಯ ಅತಿಥಿ ಡಾ. ರಾಮಕೃಷ್ಣ ಜಿ.ನಾಯ್ಕ್ ಅವರು ಸ್ವತಃ ಸಸಿ ನೆಡುವ ಮೂಲಕ ವನಮಹೋತ್ಸವಕ್ಕೆ ಚಾಲನೆ ನೀಡಿದರು.
ಕಾರ್ಯಕ್ರಮದ ವೇಳೆ ಡಾ. ರಾಜಶೇಖರ್ ಅವರು ವನಮಹೋತ್ಸವ ಮತ್ತು ಮಾಹಿತಿ ಕೇಂದ್ರದ ಪ್ರಾಮುಖ್ಯತೆಯ ಬಗ್ಗೆ ಮಾತನಾಡಿದರು.ಡಾ. ನವೀನ್ ಅವರು ರೈತರಿಗೆ ‘ಮೇವಿನ ಆರೋಗ್ಯ ಕಾರ್ಡ್’ ಕುರಿತು ಸವಿಸ್ತಾರವಾಗಿ ವಿವರಿಸಿ,ಅದನ್ನು ರೈತರಿಗೆ ವಿತರಿಸಿದರು.
ಗ್ರಾಮಸ್ಥರಾದ ರಾಮರೆಡ್ಡಿ ಕಶೆಟ್ಟಿಹಳ್ಳಿ ಹಾಗೂ ಈನಸ್ ಅವರು ವಿದ್ಯಾರ್ಥಿಗಳ ಶ್ರಮ ಮತ್ತು ಕಾರ್ಯಕ್ರಮದ ಸಂಘಟನೆಯನ್ನು ಶ್ಲಾಘಿಸಿ ಮಾತನಾಡಿದರು.
ವಿದ್ಯಾರ್ಥಿಗಳು ತಯಾರಿಸಿದ್ದ ಮಾದರಿಗಳು ಮತ್ತು ಬೀಜದ ಪೊಟ್ಟಣಗಳು ರೈತರಿಗೆ ಅತ್ಯಂತ ಸುಲಭವಾಗಿ ಅರ್ಥವಾಗುವಂತಿದ್ದು,ಇಡೀ ಕಾರ್ಯಕ್ರಮವು ರೈತರಿಗೆ ಹಾಗೂ ಗ್ರಾಮಸ್ಥರಿಗೆ ಅತ್ಯಂತ ಉಪಯುಕ್ತವೂ ತೃಪ್ತಿದಾಯಕವೂ ಆಗಿತ್ತು.
ಇದನ್ನು ಓದಿದ್ದೀರಾ..?ಚಿಂತಾಮಣಿ | ನಗರದ ಬೆಸ್ಕಾಂ ಉಪ ವಿಭಾಗದ ಕಚೇರಿಯಲ್ಲಿಗಣೇಶ ಚತುರ್ಥಿ ಹಬ್ಬದ ಪ್ರಯುಕ್ತ ಗಣೇಶ ಮೂರ್ತಿಯ ಪ್ರತಿಷ್ಠಾಪನೆ
ಈ ಕಾರ್ಯಕ್ರಮದಲ್ಲಿ ಡಾ.ಶ್ರೀನಿವಾಸ ಕೆ.ಎಂ.ಡಾ. ಶುಭಶ್ರೀ, ಡಾ.ಗಂಗರಾಜು ಎನ್.ಡಾ.ಶರಣ್ಯ,ಡಾ.ಸುನಿತಾ,ಡಾ. ನರಸಾರೆಡ್ಡಿ,ಡಾ.ರಾಜೇಶ್,ನವೀನ್ ಹಾಗೂ ಡಾ. ರಾಜಶೇಖರ್ ಸೇರಿದಂತೆ ಹಲವು ವಿಜ್ಞಾನಿಗಳು ಮತ್ತು ಹಿರಿಯರು ಉಪಸ್ಥಿತರಿದ್ದರು.
