1965ರ ಭಾರತ-ಪಾಕಿಸ್ತಾನ ಯುದ್ಧದಲ್ಲಿ ತಮ್ಮ ಶೌರ್ಯ ಪ್ರದರ್ಶನಕ್ಕಾಗಿ ವೀರ ಚಕ್ರ ಪಡೆದ ಲ್ಯಾನ್ಸ್ ಹವಾಲ್ದಾರ್ ಕೆ ಜಿ ಜಾರ್ಜ್ (ನಿವೃತ್ತ) ನಿಧನರಾಗಿದ್ದಾರೆ. 95 ವರ್ಷದ ವ್ಯಕ್ತಿ ಕೇರಳದಲ್ಲಿ ನಿಧನರಾಗಿದ್ದಾಗಿ ಕುಟುಂಬಸ್ಥರು ಭಾನುವಾರ ತಿಳಿಸಿದ್ದಾರೆ.
“ನನ್ನ ಅಜ್ಜ ಶನಿವಾರ ಮುಂಜಾನೆ ನಿಧನರಾದರು. ಅವರು ಫೆಬ್ರವರಿ 1931 ರಲ್ಲಿ ಜನಿಸಿದರು ಮತ್ತು 1965ರ ಇಂಡೋ-ಪಾಕ್ ಯುದ್ಧದಲ್ಲಿ ಹೋರಾಡಿದ್ದರು” ಎಂದು ಮೊಮ್ಮಗ ರೆಮೋ ಜಾನ್ ಪಿಟಿಐಗೆ ಮಾಹಿತಿ ನೀಡಿದ್ದಾರೆ.
ಇದನ್ನು ಓದಿದ್ದೀರಾ? ವಿ.ಡಿ. ಸಾವರ್ಕರ್ ‘ವೀರ’ ಎಂಬುದು ನಿಜವೇ?
ಕೇರಳದಲ್ಲಿ ಜನಿಸಿದ ಕೆ ಜಿ ಜಾರ್ಜ್ ವಯೋಸಹಜ ಕಾರಣಗಳಿಂದಾಗಿ ಕೊಟ್ಟಾಯಂನಲ್ಲಿರುವ ತಮ್ಮ ನಿವಾಸದಲ್ಲಿ ನಿಧನರಾದರು ಎಂದು 21 ವರ್ಷದ ಜಾನ್ ಹೇಳಿದ್ದಾರೆ.
ಜಾರ್ಜ್ 1911ರಲ್ಲಿ ಸ್ಥಾಪಿಸಲಾದ ಪ್ರಮುಖ ಘಟಕವಾದ ಭಾರತೀಯ ಸೇನೆಯ ಕಾರ್ಪ್ ಆಫ್ ಸಿಗ್ನಲ್ಸ್‌ನಲ್ಲಿ ಸೇವೆ ಸಲ್ಲಿಸಿದ್ದರು. 1965ರ ಸೆಪ್ಟೆಂಬರ್ 6ರಿಂದ 10ರವರೆಗೆ ಶತ್ರುಗಳ ನಿರಂತರ ಶೆಲ್ ದಾಳಿ ಮತ್ತು ವಾಯುದಾಳಿಯ ನಡುವೆಯೂ, ಲ್ಯಾನ್ಸ್ ಹವಾಲ್ದಾರ್ (ಲೈನ್‌ಮ್ಯಾನ್ ಫೀಲ್ಡ್) ಕೆ ಜಿ ಜಾರ್ಜ್ ಪಾಕಿಸ್ತಾನದ ವಾಘಾ ಸೆಕ್ಟರ್‌ನಲ್ಲಿ ಸಂವಹನ ಮಾರ್ಗಗಳನ್ನು ಯಶಸ್ವಿಯಾಗಿ ಪುನಃ ಸ್ಥಾಪಿಸಿದ್ದಾರೆ.
