ನುಡಿ ನಮನ | ಪ್ರೊ. ಅಸ್ಸಾದಿ ಬೋಧಿಸಿದ ರಾಜ್ಯಶಾಸ್ತ್ರ ʼಜನರ ರಾಜ್ಯಶಾಸ್ತ್ರʼವಾಗಿತ್ತು

Date:

ಅಸ್ಸಾದಿಯವರು ಎಂದಿಗೂ ಯಾರದ್ದೇ ಆಗಲಿ ಹಿನ್ನೆಲೆಯನ್ನು ನೋಡಿ ಬೆಂಬಲಿಸಿದವರಲ್ಲ. ನನ್ನನ್ನೂ ಸೇರಿದಂತೆ ಇಂದು ಅವರ ಮಾರ್ಗದರ್ಶನದಲ್ಲಿ ಬದುಕು ಕಟ್ಟಿಕೊಂಡಿರುವ ನೂರಾರು ಜನ, ಸಮಾಜದ ಅಂಚಿನ ಸಮುದಾಯಗಳಿಂದ ಬಂದವರು. ಆ ಕಾರಣಕ್ಕೆ ಅವರು ಭೋಧಿಸಿದ ರಾಜ್ಯಶಾಸ್ತ್ರ ಜನರ ರಾಜ್ಯಶಾಸ್ತ್ರವಾಗಿತ್ತು.

- Advertisement -

ಅದು 2005ರ ಸಮಯ ನಾನು ಆಗ ಕುವೆಂಪು ವಿವಿಯಲ್ಲಿ ಎಂ.ಎ ರಾಜ್ಯಶಾಸ್ತ್ರ ಓದುತ್ತಿದ್ದೆ. ನಮ್ಮ ವಿವಿಗೆ ಆಗಾಗ ಪ್ರೊ. ಅಸ್ಸಾದಿಯವರು ಬರುತ್ತಿದ್ದರು. ಅವರು ಬಂದಾಗಲೆಲ್ಲಾ ಹೊಸ ಚೈತನ್ಯವೊಂದು ವಿಭಾಗಕ್ಕೆ ಬಂದಂತಹ ಭಾವ. ಆ ಹೊತ್ತಿಗಾಗಲೇ ಬೌದ್ಧಿಕ ಜಗತ್ತಿನಲ್ಲಿ ದೊಡ್ಡ ಹೆಸರು ಮಾಡಿದ್ದ ಮೇಸ್ಟ್ರು ಇರುತ್ತಿದ್ದದ್ದು ಮಾತ್ರ ಸರಳ ಸ್ನೇಹಿತರಂತೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಸಂವಿಧಾನದ ಒಂಬತ್ತನೇ ಅನುಸೂಚಿ: ಉದ್ದೇಶ, ಕಾಯ್ದೆಗಳ ಸೇರ್ಪಡೆ ಮತ್ತು...

ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರ ಮೀಸಲಾತಿ ಕೋಟಾ ಹೆಚ್ಚಿಸಿ ರಾಜ್ಯ ರೂಪಿಸಿದ ಕಾಯ್ದೆಯನ್ನು ಉಚ್ಚ ನ್ಯಾಯಾಲಯ ರದ್ದುಗೊಳಿಸಿರುವುದನ್ನು, ಪರ್ಯಾಯ ಕಂಡುಕೊಳ್ಳದೆ, ರಕ್ಷಿಸಿಕೊಳ್ಳುವ ಉದ್ದೇಶದಿಂದ ಅನುಸೂಚಿ 9ಕ್ಕೆ ಸೇರಿಸಲು ಕೇಂದ್ರ ಸರ್ಕಾರಕ್ಕೆ ರವಾನಿಸಿದೆ....

ಭತ್ತಕ್ಕೆ ಬೆಲೆಯಿಲ್ಲ, ಅಕ್ಕಿ ದರ ಇಳಿಯುತ್ತಲೇ ಇಲ್ಲ!

ಮುಂಗಾರು ಹಂಗಾಮಿನಲ್ಲಿ ದೇಶಾದ್ಯಂತ ಭತ್ತ ಬಿತ್ತನೆ ಪ್ರದೇಶದಲ್ಲಿ ಗಣನೀಯ ಇಳಿಕೆಯಾಗಿದೆ. ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, 2025-26ನೇ ಸಾಲಿನಲ್ಲಿ 449.18 ಲಕ್ಷ ಹೆಕ್ಟೇರ್‌ಗಳಷ್ಟಿದ್ದ ಭತ್ತ ಬಿತ್ತನೆ ಪ್ರದೇಶ,...

ಸಾಮಾಜಿಕ ಜಾಲತಾಣದಲ್ಲಿ Belonging ಆತ್ಮಕಥನ ಬಿಡುಗಡೆ ಸಮಾರಂಭದ ಪಟಗಳದೇ...

ಒಬ್ಬ ತಾಯಿಯ ಬದುಕಿನ ಪುಟಗಳು ಪುಸ್ತಕವಾಗಿ ಹೊರಬಂದ ದಿನ, ಮಕ್ಕಳ ಕಣ್ಣಲ್ಲಿ ಹೆಮ್ಮೆ ಮತ್ತು ವಾತ್ಸಲ್ಯ ಒಟ್ಟಿಗೆ ತುಂಬಿಕೊಂಡಿತ್ತು. ತಾಯಿಯ ಮಾತುಗಳನ್ನು ತದೇಕಚಿತ್ತದಿಂದ ಆಲಿಸುತ್ತಿದ್ದ ರಾಹುಲ್ ಗಾಂಧಿ, ತನ್ನ ಬದುಕಿನ ಅಮೋಘ ಕ್ಷಣಗಳನ್ನು...

ಅವರು ಎಂದಿಗೂ ಅವರಿಗಿದ್ದ ಪ್ರೊಫೆಸರ್ ಹುದ್ದೆಯನ್ನಾಗಲಿ, ಬೌದ್ಧಿಕ ಗುರುತಿಸುವಿಕೆಯನ್ನಾಗಲಿ ಹೊತ್ತುಕೊಂಡು ತಿರುಗಿದವರಲ್ಲ. ಎಲ್ಲರೊಂದಿಗೂ ನಗು ನಗುತ್ತಾ ಮಾತನಾಡುತ್ತಿದ್ದರು, ಆ ಮಾತುಗಳು ಎದುರಿಗಿರುವ ಹುಡುಗರಲ್ಲಿ ಹೊಸ ನೋಟವೊಂದನ್ನು ಹುಡುಕುವ ಚೈತನ್ಯ ತುಂಬುತ್ತಿರುವಂತಿದ್ದವು.

ಎಂ.ಎ. ಮುಗಿದ ಮೇಲೆ ಪಿಹೆಚ್ಡಿ ಪದವಿ ಸೇರಿದೆ, ಆಗ ಇನ್ನೂ ಹತ್ತಿರವಾದರು. ಸಾಕಷ್ಟು ಚರ್ಚೆಗಳು ನಮ್ಮ ನಡುವೆ ನಡೆಯುತ್ತಿದ್ದವು. ಬಹಳ ಮುಖ್ಯವಾಗಿ ಕರ್ನಾಟಕದ ರಾಜಕಾರಣವನ್ನು ನೋಡುವ ಹೊಸ ಕಣ್ಣೋಟವೊಂದರ ಹುಡುಕಾಟದಲ್ಲಿ ಅಸ್ಸಾದಿಯವರು ಇದ್ದರು. ಅವರ ಒಟ್ಟು ಬದುಕು ಮತ್ತು ಬರಹ ಸಮುದಾಯಗಳು ಕೂಡಿಬಾಳುವ ಒಂದು ಸೆಕ್ಯುಲರ್‌ ರಾಜಕೀಯದ ಕುರಿತೇ ಆಗಿತ್ತು.

ನಮ್ಮ ಕಾಲದಲ್ಲಿನ ಧಾರ್ಮಿಕ ಮತ್ತು ಜಾತಿಯಾಧಾರಿತ ಹಿಂಸೆಯನ್ನು ಕಂಡು ಸಾಕಷ್ಟು ನೊಂದಿದ್ದರು ಈ ಸ್ಥಿತಿ ಬದಲಾಗುವ ದಿಕ್ಕಿನಲ್ಲಿ ನಾವು ಚಿಂತಿಸಬೇಕು ಎನ್ನುವುದು ಅವರ ಎಂದಿನ ಮಾತಾಗಿತ್ತು. ಆ ಕಾರಣಕ್ಕೆ ಮುಸ್ಲಿಂ ಸಮುದಾಯದಲ್ಲಿನ ಜಾತಿ ವ್ಯವಸ್ಥೆಯ ಕುರಿತು ಸಾಮಾಜಶಾಸ್ರೀಯ ವಿಶ್ಲೇಷಣೆ ಮಂಡಿಸಿದರು. ಹಿಂದುತ್ವ ರಾಜಕೀಯದ ಸಂಕುಚಿತ ಅಲೋಚನೆಗಳನ್ನು ಬೌದ್ಧಿಕವಾಗಿ ವಿಮರ್ಶಿಸಿದರು. ಆದಿವಾಸಿ ಹಕ್ಕುಗಳ ಕುರಿತ ಅಯೋಗದ ಅಧ್ಯಕ್ಷರಾಗಿ ಹಗಲಿರುಳು ದುಡಿದರು. ನಿಜ ಹೇಳಬೇಕು ಅಂದರೆ ನಮ್ಮ ಕಾಲದಲ್ಲಿ ಕನ್ನಡದಲ್ಲಿ ರಾಜ್ಯಶಾಸ್ತ್ರೀಯ ಚಿಂತನೆಗಳನ್ನು ಮಂಡಿಸಿದವರಲ್ಲಿ ಪ್ರೊ. ಅಸ್ಸಾದಿ ಪ್ರಮುಖರು.

ಗೌರಿ ಲಂಕೇಶ್‌ ಜೊತೆ
ಗೌರಿ ಲಂಕೇಶ್‌ ಅವರೊಂದಿಗೆ ಪ್ರೊ. ಅಸ್ಸಾದಿ

ಅಸ್ಸಾದಿಯವರು ಎಂದಿಗೂ ಯಾರ ಹಿನ್ನಲೆಯನ್ನು ನೋಡಿ ಬೆಂಬಲಿಸಿದವರಲ್ಲ. ನನ್ನನ್ನೂ ಸೇರಿದಂತೆ ಇಂದು ಅವರ ಮಾರ್ಗದರ್ಶನದಲ್ಲಿ ಬದುಕು ಕಟ್ಟಿಕೊಂಡಿರುವ ನೂರಾರು ಜನ, ಸಮಾಜದ ಅಂಚಿನ ಸಮುದಾಯಗಳಿಂದ ಬಂದವರು. ಆ ಕಾರಣಕ್ಕೆ ಅವರು ಬೋಧಿಸಿದ ರಾಜ್ಯಶಾಸ್ತ್ರ ಜನರ ರಾಜ್ಯಶಾಸ್ತ್ರವಾಗಿತ್ತು.

ಕರ್ನಾಟಕದ ಮಟ್ಟಿಗೆ ಹೇಳುವುದಾದರೆ ತಮ್ಮ ಸೈದ್ಧಾಂತಿಕ ನಿಲುವಿನಲ್ಲಿ ಎಂದಿಗೂ ರಾಜಿಮಾಡಿಕೊಳ್ಳದ ಆ ಕಾರಣಕ್ಕೆ ಹಲವು ವಿರೋಧಗಳನ್ನು ಎದುರಿಸಿದ, ವಿವಿಯ ಕುಲಪತಿ ಹುದ್ದೆಯಿಂದಲೂ ವಂಚಿತರಾದ ಪ್ರೊ. ಅಸ್ಸಾದಿ ಅಧಿಕಾರಕ್ಕಾಗಿ ಎಂದಿಗೂ ಸೈದ್ಧಾಂತಿಕತೆಯೊಂದಿಗೆ ರಾಜಿಮಾಡಿಕೊಳ್ಳಲಿಲ್ಲ. ಅವರು ಕೇವಲ ಮೇಸ್ಟ್ರಾಗಿರಲಿಲ್ಲ, ಹೋರಾಟಗಾರರಾಗಿದ್ದರು. ಹಲವಾರು ಜನಪರ ಹೋರಾಟಗಳಲ್ಲಿ ಬೀದಿಗೆ ಇಳಿದು ಮಾತನಾಡಿದ್ದರು. ಮೈಸೂರಿನ ಬಳಿ ಗ್ರಂಥಾಲಯವೊಂದನ್ನು ಕಿಡಿಗೇಡಿಗಳು ಸುಟ್ಟಾಗ ಸ್ವತಃ ನಿಂತು ಅದನ್ನು ಮರು ಸ್ಥಾಪಿಸಿದ್ದರು, ಸಾವಿರಾರು ಪುಸ್ತಕಗಳನ್ನು ಸಂಗ್ರಹಿಸಿ ಕೊಟ್ಟಿದ್ದರು. ಒಟ್ಟಾರೆ ಈ ಕಾಲಕ್ಕೆ ಒಬ್ಬ ಮೇಸ್ಟ್ರು ಹೇಗಿರಬೇಕು ಎಂಬುದಕ್ಕೆ ಅವರು ಮಾದರಿಯಾಗಿದ್ದರು.

ಬೆಂಗಳೂರು ಕೇಂದ್ರಿಯ ವಿವಿಯ ರಾಜ್ಯಶಾಸ್ರ್ತ ಅಧ್ಯಯನ ಮಂಡಳಿಯ ಸದಸ್ಯರಾಗಿದ್ದ ಕಾಲದಲ್ಲಿ ಅಪರೂಪದ ಪಠ್ಯಕ್ರಮವೊಂದನ್ನು ರೂಪಿಸಿಕೊಟ್ಟಿದ್ದರು. ಅಸ್ಸಾದಿಯಂತವರ ವಿದ್ವತ್ತು ಮತ್ತು ಅವರು ಹೊಂದಿದ್ದ ದೃಷ್ಟಿಕೋನ ಕರ್ನಾಟಕದ ಉನ್ನತ ಶಿಕ್ಷಣದ ಭವಿಷ್ಯದ ದೃಷ್ಟಿಯಿಂದ ಬಹಳ ಮಹತ್ವವಾಗಿತ್ತು. ಕನಿಷ್ಠ ವಿವಿಯೊಂದರ ಕುಲಪತಿಗಳಾಗಿದ್ದರೂ ಅವರು ಮಾದರಿ ವಿಶ್ವವಿದ್ಯಾಲಯ ರೂಪಿಸಿ ತೋರಿಸುತ್ತಿದ್ದರು.‌

ಅಸ್ಸಾದಿ ಕಿರಣ್
ಡಾ ಕಿರಣ್‌ ಗಾಜನೂರು ಜೊತೆ ಪ್ರೊ ಅಸ್ಸಾದಿ (ವಾರದ ಹಿಂದಿನ ಫೋಟೋ)

ಕಳೆದ ವಾರವಷ್ಟೆ ಮೈಸೂರಿನ CIIL ಗೆ ಸ್ವತಃ ಬಂದು ಇಡೀ ದಿನ ನಮ್ಮೊಂದಿಗೆ ಇದ್ದು ಮಾತನಾಡಿದ್ದರು, ಎಷ್ಟೆಲ್ಲಾ ನೆನಪುಗಳನ್ನು ನಾವು ಹಂಚಿಕೊಂಡಿದ್ದೆವು. ಫೋಟೋ ತೆಗೆಸಿಕೊಂಡು I am still Young ಅಂತ ಮನಸಾರೆ ನಕ್ಕಿದ್ದರು..! ನನ್ನ ಬದುಕಿನ ಪ್ರತಿ ಬೆಳವಣಿಗೆಯಲ್ಲೂ ಅವರ ಗಾಢ ಪ್ರಭಾವವಿದೆ, ಮೊನ್ನೆ ಗಾಂಧಿ ಅಧ್ಯಯನ ಕೇಂದ್ರದಲ್ಲಿ ಸುಮ್ಮನೆ ಕುಳಿತು ಅವರ ಮಾತುಗಳನ್ನು ಕೇಳಿಸಿಕೊಂಡಿದ್ದೆ. ಅವರು ಇಲ್ಲ ಅಂದರೆ ನಂಬಲಾಗುತ್ತಿಲ್ಲ..! ಕರ್ನಾಟಕದ ರಾಜ್ಯಶಾಸ್ತ್ರ ಕುಟುಂಬ ಮಹತ್ವದ ಕೊಂಡಿಯೊಂದನ್ನು ಕಳೆದುಕೊಂಡಿದೆ. ನಾನು ನನ್ನ ನಿಜ ಗುರುವೊಬ್ಬರನ್ನು ಕಳೆದುಕೊಂಡು ಅನಾಥನಾಗಿದ್ದೇನೆ.

ಇದನ್ನೂ ಓದಿ ನುಡಿ ನಮನ | ಅಗಲಿದ ಗೆಳೆಯ ಅಸ್ಸಾದಿ ಕುರಿತು ರಹಮತ್ ತರೀಕೆರೆ ಮಾತುಗಳು

ವಾಸ್ತವದಲ್ಲಿ ನಮ್ಮ ನಡುವಿನ ವ್ಯವಸ್ಥೆ ಮಾಡಿದ ತೊಂದರೆಗಳಿಂದ ಅವರಿಗೆ ಏನೂ ಆಗಲಿಲ್ಲ. ಅವರು ಎಂದಿನಂತೆ ನಗುನಗುತ್ತಲೇ ಇದ್ದರು. ಆದರೆ ಅವರಿಗೆ ಧಕ್ಕಬೇಕಾದ್ದನ್ನು ವಂಚಿಸಿ ಸ್ವತಃ ವ್ಯವಸ್ಥೆಯೇ ದೊಡ್ಡ ನಷ್ಟವೊಂದನ್ನು ಮಾಡಿಕೊಂಡಿತು ಅನ್ನಿಸುತ್ತದೆ. ಕಾಲದಲ್ಲಿ ಇವೆಲ್ಲವೂ ಪಾಠಗಳೇ. ಆದರೆ ನನ್ನಂತಹ ನೂರಾರು ವಿದ್ಯಾರ್ಥಿಗಳ ಪಾಲಿಗೆ ಅವರು ಎಂದಿಗೂ ಅಮರ. . ಎಂದೆಂದಿಗೂ ಅಮರ. . .

prajavani import sites pv files gallery images kirannnn
ಡಾ. ಕಿರಣ್ ಎಂ ಗಾಜನೂರು
+ posts

ಸಹಾಯಕ ಪ್ರಾಧ್ಯಾಪಕರು, ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ, ಕಲಬುರಗಿ

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಡಾ. ಕಿರಣ್ ಎಂ ಗಾಜನೂರು
ಡಾ. ಕಿರಣ್ ಎಂ ಗಾಜನೂರು

ಸಹಾಯಕ ಪ್ರಾಧ್ಯಾಪಕರು, ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ, ಕಲಬುರಗಿ

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಮಹಿಳೆ ಮಾಡುತ್ತಿರುವ ಬಿಟ್ಟಿ ಚಾಕರಿಗಳೇನೇನು? ಇದನ್ನೇಕೆ ಅರಿಯಲು ಮುಂದಾಗಿದೆ ಮೋದಿ ಸರ್ಕಾರ?

2047ರ ವೇಳೆಗೆ ಭಾರತವನ್ನು ಅಭಿವೃದ್ಧಿ ಹೊಂದಿದ ರಾಷ್ಟ್ರವನ್ನಾಗಿ ಮಾಡುವ ಸರ್ಕಾರದ ಗುರಿಗೆ...

ಭದ್ರತೆಯ ಹೆಸರಿನಲ್ಲಿ ಮಾಂಸದಂಗಡಿಗಳಿಗೆ ಬೀಗ: ಸರ್ಕಾರದ ಈ ನಿರ್ಧಾರದ ಹಿಂದಿನ ತರ್ಕವೇನು?

ಈ ಬೆಳವಣಿಗೆ ಕಾಂಗ್ರೆಸ್ ಸರ್ಕಾರದ ಆಡಳಿತಾತ್ಮಕ ಹೊಣೆಗಾರಿಕೆಯನ್ನೂ ಮುನ್ನೆಲೆಗೆ ತಂದಿದೆ. ಪ್ರಧಾನಿಯ...

ನಿಜಕ್ಕೂ ಭಾರತದ ಬಡತನ 16%ಗೆ ಇಳಿದಿದೆಯೇ? ವಾಸ್ತವ ಹೇಳುವುದೇನು?

ವಿಶ್ವಬ್ಯಾಂಕ್ ವರದಿ ಪ್ರಕಾರ, ಭಾರತದಲ್ಲಿ ಬಡತನ 16.1%ಗೆ ಮತ್ತು ತೀವ್ರ ಬಡತನ...

ಶಾಂಘೈ ಕೌಶಲ್ಯ ಶೃಂಗಸಭೆಯಲ್ಲಿ ಮಿಂಚಿದ ಕರ್ನಾಟಕದ ಪ್ರತಿಭೆಗಳು…ಪದಕಗಳ ಸೂರೆ

ಚೀನಾದ ಶಾಂಘೈನಲ್ಲಿ ನಡೆದ ಜಾಗತಿಕ 'ಕೌಶಲ್ಯ ಒಲಿಂಪಿಕ್ಸ್' ವೇದಿಕೆಯಲ್ಲಿ ನಮ್ಮ ಕರುನಾಡಿನ...