ಪಾಕಿಸ್ತಾನದ ಸ್ಟಾರ್ ಬ್ಯಾಟರ್ ಬಾಬರ್ ಆಜಂ ಅವರು ಲಾಹೋರ್ನ ಗದ್ದಾಫಿ ಕ್ರೀಡಾಂಗಣದಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಇತ್ತೀಚಿಗೆ ನಡೆದ ಮೂರು ಪಂದ್ಯಗಳ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಇತಿಹಾಸ ಸೃಷ್ಟಿಸಿದ್ದಾರೆ. ಈ ಬಲಗೈ ಬ್ಯಾಟರ್ ಮಾಜಿ ಭಾರತ ನಾಯಕ ರೋಹಿತ್ ಶರ್ಮಾರನ್ನು ಹಿಂದಿಕ್ಕಿ ಪುರುಷರ ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅತೀ ಹೆಚ್ಚು ರನ್ ಗಳಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.
ಪಾಕಿಸ್ತಾನ 9 ವಿಕೆಟ್ಗಳ ಭರ್ಜರಿ ಗೆಲುವಿನೊಂದಿಗೆ ಸರಣಿಯನ್ನು 1-1ಕ್ಕೆ ಸಮಬಲಗೊಳಿಸಿತು. ಮೊದಲ ಪಂದ್ಯದಲ್ಲಿ ಡಕೌಟ್ ಆದ ಬಾಬರ್, ಈ ಬಾರಿ ಎಚ್ಚರಿಕೆಯಾಟದೊಂದಿಗೆ ಆಡಿ 18 ಎಸೆತಗಳಲ್ಲಿ 11 ರನ್ ಗಳಿಸಿದರೆ, ಸೈಮ್ ಅಯೂಬ್ 38 ಎಸೆತಗಳಲ್ಲಿ 71 ರನ್ ಸಿಡಿಸಿ ಗೆಲುವಿನ ನಾಯಕನಾದರು.
ಬಾಬರ್ ಈಗ 130 ಪಂದ್ಯಗಳಲ್ಲಿ 4,234 ರನ್ ಗಳಿಸಿ, ಸರಾಸರಿ 39.57 ಮತ್ತು ಸ್ಟ್ರೈಕ್ ರೇಟ್ 128.77 ಹೊಂದಿದ್ದಾರೆ. ಇದರಲ್ಲಿ 3 ಶತಕ, 36 ಅರ್ಧಶತಕ ಮತ್ತು ಗರಿಷ್ಠ ಸ್ಕೋರ್ 122 ಒಳಗೊಂಡಿದೆ.
ಆದರೆ, ಟಾಪ್-6 ರನ್ ಗಳಿಸಿದವರಲ್ಲಿ ಬಾಬರ್ರ ಸ್ಟ್ರೈಕ್ ರೇಟ್ ಅತ್ಯಂತ ಕಡಿಮೆಯಾಗಿದ್ದು, ಟಾಪ್-10ರಲ್ಲಿ 130ಕ್ಕಿಂತ ಕಡಿಮೆ ಸ್ಟ್ರೈಕ್ ರೇಟ್ ಹೊಂದಿರುವ ಇಬ್ಬರಲ್ಲಿ ಒಬ್ಬರು (ಮತ್ತೊಬ್ಬರು ಮೊಹಮ್ಮದ್ ರಿಜ್ವಾನ್).
ಇದನ್ನು ಓದಿದ್ದೀರಾ? ICC Women’s World Cup Semi Final: ದಾಖಲೆಯ ಮೊತ್ತ ಬೆನ್ನಟ್ಟಿದ ಭಾರತ ಫೈನಲ್ಗೆ
ಟಿ20 ಕ್ರಿಕೆಟ್ನಲ್ಲಿ ಅತೀ ಹೆಚ್ಚು ರನ್
ಪಾಕಿಸ್ತಾನದ ಬಾಬರ್ ಆಜಂ 130 ಪಂದ್ಯಗಳಲ್ಲಿ 4,324 ರನ್ ಗಳಿಸಿ, ಸರಾಸರಿ 39.57 ಹಾಗೂ ಸ್ಟ್ರೈಕ್ ರೇಟ್ 128.77 ಸಹಿತ 3 ಶತಕ ಮತ್ತು 36 ಅರ್ಧಶತಕಗಳೊಂದಿಗೆ ಟಿ20 ರನ್ ಗಳಿಕೆಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಭಾರತದ ರೋಹಿತ್ ಶರ್ಮಾ 159 ಪಂದ್ಯಗಳಲ್ಲಿ 4,231 ರನ್ ಗಳಿಸಿ, ಸರಾಸರಿ 32.05, ಸ್ಟ್ರೈಕ್ ರೇಟ್ 140.89 ಸಹಿತ 5 ಶತಕ ಮತ್ತು 32 ಅರ್ಧಶತಕಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಮತ್ತೊಬ್ಬ ಭಾರತೀಯ ಆಟಗಾರ ವಿರಾಟ್ ಕೊಹ್ಲಿ 125 ಪಂದ್ಯಗಳಲ್ಲಿ 4,188 ರನ್ ಗಳಿಸಿ, ಸರಾಸರಿ 48.69, ಸ್ಟ್ರೈಕ್ ರೇಟ್ 137.04 ಸಹಿತ 1 ಶತಕ ಮತ್ತು 38 ಅರ್ಧಶತಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ.
ಇಂಗ್ಲೆಂಡ್ನ ಜಾಸ್ ಬಟ್ಲರ್ 144 ಪಂದ್ಯಗಳಲ್ಲಿ 3,869 ರನ್ ಗಳಿಸಿ, ಸರಾಸರಿ 35.49, ಸ್ಟ್ರೈಕ್ ರೇಟ್ 148.97 ಸಹಿತ 1 ಶತಕ ಮತ್ತು 28 ಅರ್ಧಶತಕಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಐರ್ಲೆಂಡ್ನ ಪಾಲ್ ಸ್ಟರ್ಲಿಂಗ್ 153 ಪಂದ್ಯಗಳಲ್ಲಿ 3,710 ರನ್ ಗಳಿಸಿ, ಸರಾಸರಿ 26.69, ಸ್ಟ್ರೈಕ್ ರೇಟ್ 134.86 ಸಹಿತ 1 ಶತಕ ಮತ್ತು 24 ಅರ್ಧಶತಕಗಳೊಂದಿಗೆ ಐದನೇ ಸ್ಥಾನದಲ್ಲಿದ್ದಾರೆ.
ಪಾಕಿಸ್ತಾನ ದಿಗ್ಗಜ ವಸೀಂ ಅಕ್ರಂ ಅವರು ಬಾಬರ್ ಅವರನ್ನು ಬೆಂಬಲಿಸಿದ್ದು, ಟೀಕೆಗಳ ನಡುವೆಯೂ ಅವರಿಗೆ ಬೆಂಬಲ ನೀಡಬೇಕೆಂದು ಕರೆ ನೀಡಿದ್ದಾರೆ.
“ಬಾಬರ್ಗೆ ಇನ್ನೂ ಬಹಳ ಕ್ರಿಕೆಟ್ ಬಾಕಿಯಿದೆ. ಸರಿಯಾದ ಬೆಂಬಲದೊಂದಿಗೆ ಪಾಕಿಸ್ತಾನಕ್ಕೆ ದೊಡ್ಡ ಸಾಧನೆ ಮಾಡಬಲ್ಲರು. ಎಲ್ಲರೂ ಅವರನ್ನು ಬೆಂಬಲಿಸಬೇಕು” ಎಂದು ಅಕ್ರಂ ತಿಳಿಸಿದ್ದಾರೆ.
