Nvidia ಸಿಇಒ ಆಗಿ ಜೆನ್ಸನ್ ಹುವಾಂಗ್ ಮರು-ಪ್ರವೇಶ; ಸಿಲಿಕಾನ್ ವ್ಯಾಲಿ ದಿಗ್ಗಜರಿಂದ ತೀವ್ರ ಲಾಬಿ

Date:

​4 ಟ್ರಿಲಿಯನ್ ಡಾಲರ್ (ಸುಮಾರು 336 ಲಕ್ಷ ಕೋಟಿ ಭಾರತೀಯ ರೂ.) ಮೌಲ್ಯದ ದೈತ್ಯ ಚಿಪ್ ತಯಾರಕ ಕಂಪನಿ ‘ಎನ್ವಿಡಿಯಾ’ (Nvidia) ಮಾಜಿ ಸಿಇಒ ಜೆನ್ಸನ್ ಹುವಾಂಗ್ ಅವರು ತಮ್ಮ ಹುದ್ದೆಗೆ ಮರಳುವ ಬಗ್ಗೆ ಗಂಭೀರವಾಗಿ ಚಿಂತಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ನಾಯಕತ್ವದ ಬಿಕ್ಕಟ್ಟು ಮತ್ತು ವಿವಾದಗಳಿಂದಾಗಿ ಅವರು ರಾಜೀನಾಮೆ ನೀಡಿದ್ದರು. ಇದೀಗ ಸಿಲಿಕಾನ್ ವ್ಯಾಲಿಯ ಪ್ರಭಾವಿ ಉದ್ಯಮಿಗಳು ಅವರನ್ನು ಮತ್ತೆ ಸಿಇಒ ಆಗಿ ನೇಮಿಸುವಂತೆ ಕಂಪನಿಯ ಆಡಳಿತ ಮಂಡಳಿಯ ಮೇಲೆ ತೀವ್ರ ಒತ್ತಡ ಹೇರುತ್ತಿದ್ದಾರೆ ಎಂದು ‘ಫೈನಾನ್ಷಿಯಲ್ ಟೈಮ್ಸ್’ ವರದಿ ಮಾಡಿದೆ.

- Advertisement -

​ಸಿಂಗಾಪುರ ಮೂಲದ ‘ಮೆಗಾಸ್ಪೀಡ್’ ಕಂಪನಿಯ ಕಾರ್ಯನಿರ್ವಾಹಕಿ ಆಲಿಸ್ ಹುವಾಂಗ್ ಮತ್ತು ಎನ್ವಿಡಿಯಾದ ಹೆಲ್ತ್‌ಕೇರ್ ವಿಭಾಗದ ಉಪಾಧ್ಯಕ್ಷೆ ಕಿಂಬರ್ಲಿ ಪೊವೆಲ್ ಅವರೊಂದಿಗಿನ ವಿವಾದಾತ್ಮಕ ಸಂಬಂಧಗಳ ಆರೋಪದ ಹಿನ್ನೆಲೆಯಲ್ಲಿ ಹುವಾಂಗ್ ತಮ್ಮ ಹುದ್ದೆ ತ್ಯಜಿಸಿದ್ದರು. ಕಿಂಬರ್ಲಿ ಅವರು ನೇರವಾಗಿ ಹುವಾಂಗ್ ಅವರಿಗೆ ವರದಿ ಒಪ್ಪಿಸುವ ಹುದ್ದೆಯಲ್ಲಿದ್ದರು. ಈ ಬೆಳವಣಿಗೆಗಳು ಕಂಪನಿಯ ಆಂತರಿಕ ಭದ್ರತೆ ಮತ್ತು ನಿಯಮಗಳ ಪಾಲನೆಯ ಬಗ್ಗೆ ತೀವ್ರ ಪ್ರಶ್ನೆಗಳನ್ನು ಹುಟ್ಟುಹಾಕಿದ್ದವು. ಪ್ರಸ್ತುತ ಈ ನಡವಳಿಕೆಗಳ ಕುರಿತು ಎನ್ವಿಡಿಯಾ ಆಡಳಿತ ಮಂಡಳಿಯು ಸ್ವತಂತ್ರ ತನಿಖೆ ನಡೆಸುತ್ತಿದೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಸಮಾನತೆಯ ಮರೆಯಲ್ಲಿ ಅಸಮಾನತೆಯ ನೆರಳು: ಹಸಿರು ಕನಸುಗಳ ಕಾಲಡಿಯಲ್ಲಿ...

ದೇಶದಲ್ಲಿ ಬಡತನ ಇಳಿಕೆಯಾಗುತ್ತಿದೆ, ಅಭಿವೃದ್ಧಿಯ ಅಂಕಿಅಂಶಗಳು ಏರುತ್ತಿವೆ. ಆದರೆ, ಆರ್ಥಿಕ ಪ್ರಗತಿಯ ನಡುವೆಯೂ ಶ್ರಮಜೀವಿಗಳ ಬದುಕಿನಲ್ಲಿ ಬಡತನ, ಜಾತಿ ತಾರತಮ್ಯ ಮತ್ತು ಅಸಮಾನತೆ ಏಕೆ ಮುಂದುವರಿದಿವೆ? ಅಭಿವೃದ್ಧಿಯ ಫಲ ಸಮಾಜದ ಕಟ್ಟಕಡೆಯ ಮನುಷ್ಯನಿಗೂ...

ಬಾಗಲಕೋಟೆ | ಸಾಕ್ಷರತೆಯಲಿ ಹಿಂದುಳಿದ ಜಿಲ್ಲೆ ʻಅಕ್ಷರ ಕ್ರಾಂತಿಗೆʼ...

ಮುಳುಗಡೆ ನಗರಿ ಬಾಗಲಕೋಟೆ ಜಿಲ್ಲೆ ಇಂದು ಕಬ್ಬಿನ ಬೆಲೆ ಹೋರಾಟದಲ್ಲಿ ಗೆಲುವು ಸಾಧಿಸಿ ಸಂಭ್ರಮಿಸುತ್ತಿದೆ. ಇದೇ ಸಂಭ್ರಮ ಶಿಕ್ಷಣ ಕ್ಷೇತ್ರದಲ್ಲಿಯೂ ಕಾಣಿಸಿಕೊಳ್ಳಬೇಕಿದೆ. ಆದರೆ, ಸಾಕ್ಷರತೆ, ಶಿಕ್ಷಕರ ಕೊರತೆ ಹಾಗೂ ಡಿಜಿಟಲ್ ಸೌಲಭ್ಯಗಳ ಅಭಾವ...

25ರ ಹರೆಯದಲ್ಲೇ ಬ್ರಿಟಿಷ್ ಸಾಮ್ರಾಜ್ಯಕ್ಕೆ ಸಿಂಹಸ್ವಪ್ನವಾದ ಆದಿವಾಸಿ ಕ್ರಾಂತಿಕಾರಿ...

ಕೇವಲ 25 ವರ್ಷಗಳ ಬದುಕಿನಲ್ಲಿ ಬ್ರಿಟಿಷ್ ಸಾಮ್ರಾಜ್ಯಶಾಹಿ ಆಡಳಿತಕ್ಕೆ ಸವಾಲು ಹಾಕಿ, ಸಾವಿರಾರು ಆದಿವಾಸಿಗಳನ್ನು ಸಂಘಟಿಸಿ, ಭೂಮಿಯ ಹಕ್ಕು ಮತ್ತು ಸ್ವಯಂ ಆಡಳಿತಕ್ಕಾಗಿ ಬೃಹತ್ ಚಳವಳಿಯನ್ನು ಕಟ್ಟಿದ ಬಿರ್ಸಾ ಮುಂಡಾ ಅವರು ಕೇವಲ...

​ಹುವಾಂಗ್ ಅವರ ಮರಳುವಿಕೆಗಾಗಿ ಅವರ ಆಪ್ತರು ಮತ್ತು ಬೆಂಬಲಿಗರು ಭಾರಿ ಕಸರತ್ತು ನಡೆಸುತ್ತಿದ್ದು, ಅಮೆರಿಕದ ‘ಶ್ವೇತಭವನ’ (White House) ಮತ್ತು ಆಡಳಿತ ಮಂಡಳಿಯ ಬೆಂಬಲ ಗಳಿಸಲು ಉದ್ಯಮಿಗಳ ‘ವಾರ್ ರೂಮ್’ (War room) ಸಿದ್ಧಪಡಿಸಿದ್ದಾರೆ. ಈ ಮರುನೇಮಕದ ಅಭಿಯಾನಕ್ಕೆ ವಾರಾಂತ್ಯದಲ್ಲಿ ಭಾರಿ ಬೆಂಬಲ ವ್ಯಕ್ತವಾಗಿದ್ದು, ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ಹಾಗೂ ಎಪಿಕ್ ಗೇಮ್ಸ್ ಸಿಇಒ ಟಿಮ್ ಸ್ವೀನಿ ಮುಂತಾದವರು ‘ಬ್ರಿಂಗ್ ಜೆನ್ಸನ್ ಬ್ಯಾಕ್’ (ಜೆನ್ಸನ್ ಅವರನ್ನು ಮರಳಿ ತನ್ನಿ) ಎಂಬ ಬಹಿರಂಗ ಪತ್ರಕ್ಕೆ ಬೆಂಬಲ ಸೂಚಿಸಿ ಅಭಿಯಾನಕ್ಕೆ ಕೈಜೋಡಿಸಿದ್ದಾರೆ.

​ಎನ್ವಿಡಿಯಾದ ಅನೇಕ ಉದ್ಯೋಗಿಗಳು ಸಹ ಹುವಾಂಗ್ ಅವರ ಮರಳುವಿಕೆಯನ್ನು ಬಹಿರಂಗವಾಗಿ ಬೆಂಬಲಿಸಿದ್ದು, ಕಂಪನಿಯಲ್ಲಿ ಅವರು ಹೊಂದಿರುವ ಅಗಾಧ ಪ್ರಭಾವವನ್ನು ಇದು ತೋರುತ್ತದೆ. ಆದರೆ, ವಾಷಿಂಗ್ಟನ್‌ನ ಪ್ರಮುಖ ನೀತಿ ನಿರೂಪಕರಿಂದ ಅವರಿಗೆ ತೀವ್ರ ವಿರೋಧ ವ್ಯಕ್ತವಾಗುತ್ತಿದೆ. ಅಮೆರಿಕದ ಖಜಾನೆ ಕಾರ್ಯದರ್ಶಿ ಸ್ಕಾಟ್ ಬೆಸೆಂಟ್ ಅವರು ಎನ್ವಿಡಿಯಾ ನಾಯಕತ್ವದಲ್ಲಿ ‘ಭಾರೀ ಬದಲಾವಣೆ’ಯಾಗಬೇಕೆಂದು ಆಗ್ರಹಿಸಿದ್ದು, ಕಂಪನಿಗೆ ಹೊಸ ಸಿಇಒ ಅಗತ್ಯವಿದೆ ಎಂದು ಪ್ರತಿಪಾದಿಸಿದ್ದಾರೆ.

​ಆಲಿಸ್ ಹುವಾಂಗ್ ಜೊತೆಗಿನ ಸಂಬಂಧವು, ಚೀನಾಕ್ಕೆ ಕೃತಕ ಬುದ್ಧಿಮತ್ತೆ (AI) ಚಿಪ್‌ಗಳನ್ನು ಮಾರಾಟ ಮಾಡುವ ನಿಯಮಗಳ ಉಲ್ಲಂಘನೆ ಹಾಗೂ ಭದ್ರತಾ ಅನುಮಾನಗಳನ್ನೂ ಹೆಚ್ಚಿಸಿದೆ. ‘ಕೈಕೆಳಗಿನ ಉದ್ಯೋಗಿಯೊಂದಿಗೆ ಸಂಬಂಧ ಹೊಂದಿರುವುದು ವಜಾಗೊಳಿಸಬಹುದಾದ ಅಪರಾಧ’ ಎಂದು ಅವರ ಬೆಂಬಲಿಗರೇ ಒಪ್ಪಿಕೊಳ್ಳುವುದು ಹುವಾಂಗ್ ಅವರ ಮರು-ಪ್ರವೇಶಕ್ಕೆ ದೊಡ್ಡ ಅಡಚಣೆಯಾಗುವ ಸಾಧ್ಯತೆಯಿದೆ. ಇತರ ಸಂಸ್ಥಾಪಕ-ಸಿಇಒಗಳಂತೆ ಹುವಾಂಗ್ ಅವರು ಮಂಡಳಿಯ ನಿರ್ಧಾರವನ್ನು ಧಿಕ್ಕರಿಸುವಷ್ಟು ಅಧಿಕ ಷೇರುಗಳನ್ನು ಹೊಂದಿಲ್ಲದಿರುವುದು ಅವರಿಗೆ ಹಿನ್ನಡೆಯಾಗಿದೆ.

​ಪ್ರಸ್ತುತ ಹಂಗಾಮಿ ಸಿಇಒ ಕೊಲೆಟ್ ಕ್ರೆಸ್ ನೇತೃತ್ವದ ಆಡಳಿತ ಮಂಡಳಿಯು ಕಂಪನಿಯನ್ನು ಮುನ್ನಡೆಸುತ್ತಿದ್ದು, ಮಂಗಳವಾರ ತ್ರೈಮಾಸಿಕ ಫಲಿತಾಂಶ ಪ್ರಕಟಿಸುವ ಸಿದ್ಧತೆಯಲ್ಲಿದೆ. ಇದರ ನಡುವೆ, ಎನ್ವಿಡಿಯಾದ ಪ್ರಮುಖ ಷೇರುದಾರರಾದ ‘ಅಲ್ಟಿಮೀಟರ್ ಕ್ಯಾಪಿಟಲ್’ನ ಬ್ರಾಡ್ ಗೆರ್ಸ್ಟ್ನರ್ ಮತ್ತು ‘ಅಟ್ರೈಡಿಸ್ ಮ್ಯಾನೇಜ್‌ಮೆಂಟ್’ನ ಗೇವಿನ್ ಬೇಕರ್ ಅವರು ಆಡಳಿತ ಮಂಡಳಿಗೆ ಬಹಿರಂಗ ಪತ್ರ ಬರೆದು, ಹುವಾಂಗ್ ಅವರ ನಾಯಕತ್ವದ ಅತ್ಯುತ್ತಮ ಸಾಧನೆಯನ್ನು ಪರಿಗಣಿಸಿ ಅವರನ್ನು ಮರಳಿ ತರುವ ಆಯ್ಕೆಯನ್ನು ಮುಕ್ತವಾಗಿಡುವಂತೆ ಒತ್ತಾಯಿಸಿದ್ದಾರೆ.

​ಏತನ್ಮಧ್ಯೆ, ನೂತನ ಸಿಇಒ ಹುದ್ದೆಗೆ ‘ಆರ್ಮ್’ (Arm) ಕಂಪನಿಯ ಸಿಇಒ ರೆನೆ ಹಾಸ್ ಅವರನ್ನು ಆಡಳಿತ ಮಂಡಳಿ ಸಂಪರ್ಕಿಸಿದೆ ಎಂಬ ವರದಿಗಳಿವೆ. ಆದರೆ ಯಾವುದೇ ಅಧಿಕೃತ ಪ್ರಕ್ರಿಯೆ ಆರಂಭವಾಗಿಲ್ಲ ಎಂದು ಮಂಡಳಿ ಸ್ಪಷ್ಟಪಡಿಸಿದೆ. ಈ ಎಲ್ಲ ಹಠಾತ್ ಬೆಳವಣಿಗೆಗಳು, ಭವಿಷ್ಯದ ಯೋಜನೆಗಳು ಮತ್ತು ತಮ್ಮ ಮೇಲಿನ ಆರೋಪಗಳ ಬಗ್ಗೆ ಯಾವುದೇ ರೀತಿಯ ಪ್ರತಿಕ್ರಿಯೆ ನೀಡಲು ಎನ್ವಿಡಿಯಾ ಹಾಗೂ ಜೆನ್ಸನ್ ಹುವಾಂಗ್ ನಿರಾಕರಿಸಿದ್ದಾರೆ.

eedina
ಈ ದಿನ ಡೆಸ್ಕ್‌
Website | + posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ವಿಜಯಪುರ | ನ.19ರಿಂದ ಲೋಕಾಯುಕ್ತ, ಉಪಲೋಕಾಯುಕ್ತರಿಂದ ಜಿಲ್ಲಾ ಪ್ರವಾಸ

ಕರ್ನಾಟಕ ಲೋಕಾಯುಕ್ತದ ಉಪಲೋಕಾಯುಕ್ತ ನ್ಯಾಯಮೂರ್ತಿ ಕೆ.ಎನ್. ಫಣೀಂದ್ರ ಅವರು ನವೆಂಬರ್ 19ರಿಂದ...

ಹುಲಸೂರ | ಶಿಕ್ಷಕರು ಮಕ್ಕಳ ಪ್ರತಿಭೆ ಗುರುತಿಸಿ : ಸಭಿಯಾ ಪಟೇಲ್

ಹುಲಸೂರ ಪಟ್ಟಣದ ಇಕ್ಬಾಲ್‌ ಪಟೇಲ್‌ ಶಾಲೆ ಹಾಗೂ ಪದವಿ ಪೂರ್ವ ಕಾಲೇಜಿನಲ್ಲಿ...

ವಿಜಯಪುರ | ಹಾಲುಮತ ಸಮಾಜದ ಭಂಡಾರದಲ್ಲಿ ಶಕ್ತಿ, ಭಕ್ತಿ ಇದೆ: ಎಂ.ಬಿ.ಪಾಟೀಲ

ಹಾಲುಮತ ಸಮಾಜ ಸ್ವಚ್ಛ ಹಾಗೂ ಶ್ರೇಷ್ಠ ಸಮುದಾಯವಾಗಿದ್ದು, ಅದರ ಭಂಡಾರದಲ್ಲಿ ಶಕ್ತಿ...

ಉತ್ತರ ಪ್ರದೇಶ SIR | ಮತಪಟ್ಟಿಯಿಂದ 1.27 ಕೋಟಿ ಹೆಸರುಗಳು ಡಿಲೀಟ್‌; ಹಲವರ ಮರುಸೇರ್ಪಡೆಗೆ ಬಿಜೆಪಿ ತಂತ್ರ

ಉತ್ತರ ಪ್ರದೇಶದಲ್ಲಿ ನಡೆದ ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ಬರೋಬ್ಬರಿ 1.27 ಕೋಟಿ ಮತದಾರರ...