ಡಾ. ಭೋಜರಾಜ ಪಾಟೀಲ ಅವರು ಶಾಸನಗಳ ಮೇಲೆ ಸಾಕಷ್ಟು ಆಸಕ್ತಿ ಹೊಂದಿದ್ದರು. ʼನಾಗರ ಕಂಡ ಎಪ್ಪತ್ತುʼ ಸಂಶೋಧನಾ ಕೃತಿಯಲ್ಲಿ ಅನೇಕ ಸತ್ಯಗಳನ್ನು ವಿವರಿಸಿದ್ದಾರೆ. ಇದು ಒಂದು ಪ್ರಾಂತ್ಯದ ಸಂಶೋಧನಾ ಮಾದರಿ ಕೃತಿಯಾಗಿದೆ ಎಂದು ಸಂಶೋದಕ ಡಾ. ರಾಜಶೇಖರಪ್ಪ ಹೇಳಿದರು.
ಹಾವೇರಿ ಪಟ್ಟಣದ ಗೆಳೆಯರ ಬಳಗ ಸಭಾ ಭವನದಲ್ಲಿ ಕನ್ನಡ ಸಾಹಿತ್ಯ ಪರಿಷತ್ ಆಯೋಜಿಸಿರುವ ಖ್ಯಾತ ಸಂಶೋಧಕರಾದ ಲಿಂ. ಡಾ. ಭೋಜರಾಜ ಪಾಟೀಲ್ ದತ್ತಿ ಉಪನ್ಯಾಸ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿ, “ಸಂಶೋಧಕರಾದ ಲಿಂ ಡಾ. ಭೋಜರಾಜ ಪಾಟೀಲ್ ಅವರು ಜೀವಿತಾವಧಿಯಲ್ಲಿ ಸಾಕಷ್ಟು ಸಾಧನೆಗೈದಿದ್ದಾರೆ. ಅನೇಕ ಸಂಶೋಧನ ಲೇಖನಗಳು, ಜೀವನಚರಿತ್ರೆ, ಸ್ಥಳ ಪರಿಚಯ, ಲೇಖನಗಳ ಸಂಕಲನಗಳನ್ನು ಹೊರತಂದಿದ್ದರು, ವಿವಿಧ ಕಾಲೇಜುಗಳಲ್ಲಿ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಿದ್ದಾರೆ” ಎಂದು ಪ್ರಶಂಸಿದರು.
“ಡಾ. ಭೋಜರಾಜ ಪಾಟೀಲ್ ಅವರು ಹಿರೇಕೆರೂರು ತಾಲೂಕಿನ ಸ್ಥಳ ನಾಮಗಳ ಕುರಿತು ಸಂಶೋಧನ ಕೃತಿಯನ್ನು ರಚಿಸಿದರು. ವಿಶೇಷವಾಗಿ ಈ ಕೃತಿಯಲ್ಲಿ ಸಾಹಿತ್ಯಿಕ, ವ್ಯಾಕರಣ, ಭಾಷಾ ವಿಜ್ಞಾನ ದೃಷ್ಟಿಕೋಣದಲ್ಲಿ ಅವಲೋಕಿಸಿ ಸ್ಥಳಿಯರೂ ಏನನ್ನು ಹೇಳಿದ್ದಾರೆ ಎನ್ನುವುದನ್ನು ಉಲ್ಲೇಖಿಸಿ ಹಲವು ಮಗ್ಗಲುಗಳಲ್ಲಿ ಸ್ಥಳ ನಾಮಗಳ ಅಧ್ಯಯನ ಆಸಕ್ತಿಯಿಂದ ನಡೆಸಿದರು. ಸ್ಥಳನಾಮಗಳ ವೈಜ್ಞಾನಿಕವಾಗಿ ದೃಷ್ಟಿಕೋನದಲ್ಲಿ ಅಧ್ಯಯನ ಮಾಡಿದವರು ಡಾ. ಭೋಜರಾಜ” ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳು ಹಿರಿಯ ಕವಿ ಸತೀಶ್ ಕುಲಕರ್ಣಿ, ಕಸಾಪ ಗೌರಾವಾಧ್ಯಕ್ಷರು ಎಸ್.ಎನ್. ದೊಡ್ಡಗೌಡರರ್, ಹಿರಿಯ ಸಾಹಿತಿ ಲೀಲಾವತಿ ಭೋಜರಾಜ ಪಾಟೀಲ ಹಾಗೂ ಕನ್ನಡ ಸಾಹಿತ್ಯ ಪರಿಷತ್ತಿನ ಎಲ್ಲಾ ಪದಾಧಿಕಾರಿಗಳು ಮತ್ತು ಅಜೀವ ಸದ್ಯರುಗಳು, ಸಾಹಿತಿಗಳು, ಸಾಹಿತ್ಯಾಭಿಮಾನಿಗಳು, ದತ್ತಿ ದಾನಿಗಳು, ಕನಡಪರ ಎಲ್ಲ ಸಂಘಟನೆಗಳು ಭಾಗವಹಿಸಿದ್ದರು.
