ಇಸ್ರೇಲ್ ಸೈನಿಕರು ಗಾಜಾದಲ್ಲಿರುವ ಖಾಲಿಯಿರುವ ಪ್ಯಾಲಿಸ್ತೇನ್‌ ಮನೆಗಳಲ್ಲಿ ಮಹಿಳೆಯರ ಒಳ ಉಡುಪುಗಳೊಂದಿಗೆ ಫೋಟೋ – ವಿಡಿಯೋ ಶೂಟ್‌ ಮಾಡಿಕೊಂಡು ಆಟವಾಡುತ್ತಿರುವ ವಿಡಿಯೋಗಳು ಹಾಗೂ ಫೋಟೋಗಳು ಎಲ್ಲಡೆ ವೈರಲ್‌ ಆಗಿದ್ದು, ಸೈನಿಕರ ನಡೆಗೆ ಆಕ್ರೋಶ ವ್ಯಕ್ತವಾಗಿದೆ.
ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಗಿರುವ ವಿಡಿಯೋವೊಂದರಲ್ಲಿ ಬಂದೂಕು ಹಿಡಿದು ಕುರ್ಚಿಯಲ್ಲಿ ಕುಳಿತ ಸೈನಿಕನೊಬ್ಬ ಮತ್ತೊಬ್ಬ ಸೈನಿಕನಿಗೆ ಮಹಿಳೆಯರ ಒಳ ಉಡುಪನ್ನು ಬಾಯಿಗೆ ಹಾಕುತ್ತಿರುವುದು ಕಂಡು ಬಂದಿದೆ.
ಮತ್ತೊಂದು ವಿಡಿಯೋದಲ್ಲಿ ಸೈನಿಕನೊಬ್ಬ ಮಹಿಳಾ ಒಳ ಉಡುಪುಗಳನ್ನು ಧರಿಸಿರುವ ಮನುಷ್ಯಾಕೃತಿಯನ್ನು ಹಿಡಿದುಕೊಂಡು” ನಾನು ಸುಂದರ ಪತ್ನಿಯನ್ನು ಕಂಡುಕೊಂಡು ಗಾಜಾದಲ್ಲಿ ಈ ಮಹಿಳೆಯೊಂದಿಗೆ ಗಂಭೀರ ಸಂಬಂಧ ಹೊಂದಿದ್ದೇನೆ” ಎಂದು ಹೇಳುತ್ತಾನೆ.
ರಾಯಿಟರ್ಸ್ ಪರಿಶೀಲಿಸಿದ ಒಳ ಉಡುಪು ಮತ್ತು ಮನುಷ್ಯಾಕೃತಿ ಚಿತ್ರಗಳು ಮತ್ತು ವಿಡಿಯೋಗಳನ್ನು ಪ್ಯಾಲೇಸ್ಟಿನಿಯನ್ ವರದಿಗಾರ ಯೂನಿಸ್ ತಿರಾವಿ ಅವರು ಮರು ಪೋಸ್ಟ್ ಮಾಡಿದ ನಂತರ ಹತ್ತಾರು ಬಾರಿ ವೀಕ್ಷಿಸಲಾಗಿದೆ.
ಮಹಿಳಾ ಒಳ ಉಡುಪುಗಳ ಪ್ಯಾಕೆಟ್‌ಗಳಿಂದ ಆವೃತವಾಗಿರುವ ಹಾಸಿಗೆಯ ಮುಂದೆ ಸೈನಿಕನೊಬ್ಬ ತನ್ನ ಗನ್‌ನೊಂದಿಗೆ ಪೋಸ್ ನೀಡುತ್ತಿರುವುದನ್ನು ಒಂದು ಫೋಟೋ ತೋರಿಸುತ್ತದೆ. ಇನ್ನೊಬ್ಬ ಸೈನಿಕನು ಅರೆಬೆತ್ತಲೆ ಗೊಂಬೆಯನ್ನು ಮುದ್ದಿಸುತ್ತಿರುವುದನ್ನು ತೋರಿಸುತ್ತದೆ.
ಇಸ್ರೇಲಿ ಸೈನಿಕರ ವರ್ತನೆಯ ಬಗ್ಗೆ ಮಾತನಾಡಿರುವ ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಕಚೇರಿಯ ವಕ್ತಾರ ರವೀನಾ ಶಮ್‌ದಾಸಾನಿ, “ಈ ಸೈನಿಕರು ಪ್ಯಾಲೆಸ್ತೀನ್ ಮಹಿಳೆಯರು ಮಾತ್ರವಲ್ಲದೆ ಎಲ್ಲ ಮಹಿಳೆಯರನ್ನು ಅವಮಾನಿಸುತ್ತಾರೆ” ಎಂದು ಹೇಳಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಪೌರತ್ವ ಪ್ರಮಾಣಪತ್ರ ಪೂಜಾರಿ ಕೊಡುವುದಾದರೆ ಪ್ರಜಾಪ್ರಭುತ್ವಕ್ಕೆ ಅರ್ಥವಿದೆಯೇ?
“ಇಂತಹ ಚಿತ್ರಗಳ ಪೋಸ್ಟ್ ಪ್ಯಾಲೇಸ್ಟಿನಿಯನ್ ಮಹಿಳೆಯರಿಗೆ ಮತ್ರವಲ್ಲದೆ ಎಲ್ಲ ಮಹಿಳೆಯರಿಗೆ ಅವಮಾನಕರವಾಗಿದೆ” ಎಂದು ತಿಳಿಸಿದ್ದಾರೆ
ಇದಕ್ಕೆ ಪ್ರತಿಕ್ರಿಯೆಸಿರುವ ಇಸ್ರೇಲ್ ರಕ್ಷಣಾ ಪಡೆಯ ವಕ್ತಾರರು, ಸೈನಿಕರು ಆದೇಶಗಳು ಮತ್ತು ಮೌಲ್ಯಗಳನ್ನು ಅನುಸರಿಸಬೇಕೆಂದು ಮಿಲಿಟರಿ ನಿರೀಕ್ಷಿಸುತ್ತದೆ. ಸಾಮಾಜಿಕ ಮಾಧ್ಯಮದಲ್ಲಿ ಅಪ್‌ಲೋಡ್ ಮಾಡಿದ ವಿಡಿಯೊಗಳು ಮತ್ತು ಭಾವಚಿತ್ರಗಳ ಬಗ್ಗೆ ತನಿಖೆ ಮಾಡುವುದಾಗಿ ತಿಳಿಸಿದೆ.
ಆದಾಗ್ಯೂ, ಈ ವರ್ತನೆಯಲ್ಲಿ ಭಾಗಿಯಾದ ಸೈನಿಕರ ವಿರುದ್ಧ ಕ್ರಮ ತೆಗೆದುಕೊಳ್ಳಲಾಗಿರುವ ಬಗ್ಗೆ ಇಸ್ರೇಲ್ ರಕ್ಷಣಾ ಪಡೆ ಯಾವುದೇ ಮಾಹಿತಿ ನೀಡಿಲ್ಲ.
ಕಳೆದ ವರ್ಷ ಅಕ್ಟೋಬರ್ 7 ರಿಂದ ಯುದ್ಧದಲ್ಲಿ ಸಿಲುಕಿರುವ ಇಸ್ರೇಲ್ ಮತ್ತು ಹಮಾಸ್ ಯುದ್ಧದ ಸಂದರ್ಭದಲ್ಲಿ ಈ ಬೆಳವಣಿಗೆ ನಡೆದಿದೆ.
