ಟೆಸ್ಲಾ ಸಿಇಒ, ವಿಶ್ವದ ಮೂರನೇ ಅತೀ ಶ್ರೀಮಂತ ವ್ಯಕ್ತಿ ಎಲಾನ್ ಮಸ್ಕ್ ಅವರು ತಮ್ಮ ಎರಡು ದಿನಗಳ ಭಾರತ ಭೇಟಿಯನ್ನು ಮುಂದೂಡಿದ್ದಾರೆ. ಮಸ್ಕ್ ಏಪ್ರಿಲ್ 21 ಮತ್ತು 22 ರಂದು ಭಾರತಕ್ಕೆ ಭೇಟಿ ನೀಡಿ, ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿಯಾಗಬೇಕಿತ್ತು. ಜೊತೆಗೆ ಭಾರತದ ಮಾರುಕಟ್ಟೆಗೆ ಟೆಸ್ಲಾ ಪ್ರವೇಶದ ಬಗ್ಗೆ ಘೋಷಿಸುವ ನಿರೀಕ್ಷೆಯಿತ್ತು.
ತನ್ನ ಎಕ್ಸ್‌ ಪೋಸ್ಟ್‌ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿರುವ ಎಲಾನ್ ಮಸ್ಕ್, ಭಾರತಕ್ಕೆ ತನ್ನ ಭೇಟಿಯನ್ನು “ಟೆಸ್ಲಾದಲ್ಲಿ ಭಾರೀ ಒತ್ತಡದ ಕೆಲಸದ ಕಾರಣ” ವಿಳಂಬಗೊಳಿಸಬೇಕಾಯಿತು ಎಂದು ಹೇಳಿಕೊಂಡಿದ್ದಾರೆ.
Elon Musk’s visit to India, originally scheduled for April 21 and 22, has been postponed.
He needs to attend Tesla’s earnings call on April 23, which may be the reason for the delay.
一 CNBC TV18 pic.twitter.com/3FKXupMj0b
— DogeDesigner (@cb_doge) April 20, 2024
“ದುರದೃಷ್ಟವಶಾತ್, ಟೆಸ್ಲಾದಲ್ಲಿ ಭಾರೀ ಒತ್ತಡದ ಕೆಲಸದ ಕಾರಣ ಭಾರತಕ್ಕೆ ಭೇಟಿ ನೀಡುವುದು ವಿಳಂಬವಾಗುತ್ತದೆ. ಆದರೆ ಈ ವರ್ಷದಲ್ಲೇ ಭಾರತಕ್ಕೆ ಭೇಟಿ ನೀಡಲು ನಾನು ಕಾಯುತ್ತಿದ್ದೇನೆ” ಎಂದು ಸ್ಪೇಸ್‌ಎಕ್ಸ್‌ ಸಿಇಒ ಕೂಡಾ ಆದ ಎಲಾನ್ ಮಸ್ಕ್ ತಿಳಿಸಿದ್ದಾರೆ.
ಇದನ್ನು ಓದಿದ್ದೀರಾ? 2024ರಲ್ಲಿ 40 ಬಿಲಿಯನ್ ಡಾಲರ್ ಕಳೆದುಕೊಂಡ ಎಲಾನ್ ಮಸ್ಕ್; ಬಿಲಿಯನೇರ್ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೆ!
ಇನ್ನು ಟೆಸ್ಲಾದ ಮೊದಲ ತ್ರೈಮಾಸಿಕ ವರದಿಯ ಬಗ್ಗೆ ಪ್ರಶ್ನೆಗಳಿಗೆ ಉತ್ತರಿಸಲು ಎಲಾನ್ ಮಸ್ಕ್ ಅವರು ಏಪ್ರಿಲ್ 23 ರಂದು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಕಾನ್ಫರೆನ್ಸ್‌ಗೆ ಹಾಜರಾಗಬೇಕು ಎಂದು ವರದಿಯಾಗಿದೆ.
ಈ ತಿಂಗಳಲ್ಲೇ ಎಕ್ಸ್‌ ಮಾಲೀಕ ಎಲಾನ್ ಮಸ್ಕ್ ಮತ್ತು ಪ್ರಧಾನಿ ನರೇಂದ್ರ ಮೋದಿ ಭೇಟಿ ನಿಗದಿಯಾಗಿದ್ದು ಕಳೆದ ವಾರವಷ್ಟೇ ಟೆಸ್ಲಾ ಸಂಸ್ಥಾಪಕ ಈ ಬಗ್ಗೆ ಎಕ್ಸ್‌ನಲ್ಲಿ ಮಾಹಿತಿ ನೀಡಿದ್ದರು. ಆದರೆ ಈಗ ಟೆಸ್ಲಾದ ತ್ರೈಮಾಸಿಕ ವರದಿಯ ಕಾರಣ ನೀಡಿ ಈ ಭೇಟಿ ಮುಂದೂಡಲಾಗಿದೆ. ಅದು ಕೂಡಾ ಒಂದು ಸಂಸ್ಥೆಯ ಮುಖ್ಯಸ್ಥರಾಗಿರುವವರ ದಿನಚರಿ ಮೂರು ತಿಂಗಳ ಮುನ್ನವೇ ನಿಗದಿಯಾಗಿರುತ್ತದೆ. ಹಾಗಿರುವಾಗ ಈ ಭಾರತ ಭೇಟಿ ಮುಂದೂಡಿಕೆ ಅಸಹಜ ಎಂಬ ಮಾತು ಕೂಡ ಕೇಳಿಬರುತ್ತಿದೆ.
ಇದನ್ನು ಓದಿದ್ದೀರಾ? ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ ಭಾರತಕ್ಕೆ ಶಾಶ್ವತ ಸ್ಥಾನ ನೀಡದಿರುವುದು ಅವಿವೇಕತನ: ಎಲಾನ್ ಮಸ್ಕ್
ಇನ್ನು ಈ ಭೇಟಿಯ ಮೂಲ ಉದ್ದೇಶ ಭಾರತದಲ್ಲಿ ಟೆಸ್ಲಾ ಇವಿ ಘಟಕ ಸ್ಥಾಪನೆಯ ಬಗ್ಗೆ ಚರ್ಚೆಯಾಗಿತ್ತು. ಜೊತೆಗೆ ತಮ್ಮ ಸಾಟಲೈಟ್ ಇಂಟರ್ನೆಟ್ ಸೇವೆ ಸ್ಟಾರ್ಲಿಂಕ್ ಪ್ರವೇಶದ ಕುರಿಯೂ ಚರ್ಚಿಸಲಿದ್ದಾರೆ ಎಂದು ಹೇಳಲಾಗಿತ್ತು. ಇನ್ನು ಪ್ರಧಾನಿ ಮಾತ್ರವಲ್ಲದೆ ಮಸ್ಕ್ ಭಾರತೀಯ ಬಾಹ್ಯಾಕಾಶ ಕಂಪನಿಗಳ ಪ್ರತಿನಿಧಿಗಳನ್ನು ಭೇಟಿ ಮಾಡಲು ನಿರ್ಧರಿಸಿದ್ದರು.
