- ಮೇ 5ರಂದು ಒಂದು ದಿನದ ಕಾರ್ಯಗಾರ
- ತಳಸಮುದಾಯಗಳ ಭಾಗಾರ್ಥಿಗಳಿಗೆ ಉಚಿತ
ಸರ್ಕಾರೇತರ ಸಂಸ್ಥೆ ‘ಸಂವಾದ’ದ ಭಾಗವಾಗಿರುವ ಕಣಜ ಯುವ ಸಂಶೋಧನಾ ಕೇಂದ್ರವು ಸಾಮಾಜಿಕ ನ್ಯಾಯದ ದೃಷ್ಟಿಕೋನದಲ್ಲಿ ‘ಬೋಧನಾ ಕೌಶಲ್ಯ’ ಕುರಿತು ಒಂದು ದಿನದ ಕಾರ್ಯಗಾರ ಹಮ್ಮಿಕೊಂಡಿದೆ.
ಟಿಇಎಸ್ಎಫ್ – ಐಐಎಚ್ಎಸ್ ಸಂಸ್ಥೆಯ ನೆರವಿನೊಂದಿಗೆ ಕೇಂದ್ರವು ಸಂಶೋಧನೆಯೊಂದನ್ನು ಮಾಡಿದೆ. ಅದಕ್ಕೆ ಸಂಬಂಧಿಸಿದಂತೆ ‘ಯುವಜನ ಕಾರ್ಯಕರ್ತರ ತರಬೇತಿ ಕೈಪಿಡಿ’ಯನ್ನು ಬಿಡುಗಡೆ ಮಾಡುವ ಉದ್ದೇಶದಿಂದ ಒಂದು ದಿನದ ‘ಫ್ಯಾಕಲ್ಟಿ ಡೆವಲಪ್ಮೆಂಟ್’ ಕಾರ್ಯಾಗಾರವನ್ನು ಆಯೋಜಿಸಿದೆ.
ಸಂವಾದ ಮತ್ತು ಹ್ಯುಮಾನಿಟೀಸ್ ಮತ್ತು ಸೋಶಿಯಲ್ ಸೈನ್ಸಸ್ ಡಿಪಾರ್ಟ್ ಮೆಂಟ್, ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಸಹಯೋಗದಲ್ಲಿ ಕಾರ್ಯಾಗಾರ ನಡೆಯಲಿದೆ. ಮೇ 5ರಂದು ಬೆಳಗ್ಗೆ 9 ಗಂಟೆಯಿಂದ ಸಂಜೆ 5 ಗಂಟೆವರೆಗೆ ಮಣಿಪಾಲ್ ಯೂನಿವರ್ಸಿಟಿಯ ಯಲಹಂಕ ಕ್ಯಾಂಪಸ್‌ನಲ್ಲಿ ಕಾರ್ಯಗಾರ ನಡೆಯಲಿದೆ ಎಂದು ಕೇಂದ್ರವು ತಿಳಿಸಿದೆ.
ಯುವಜನರೊಟ್ಟಿಗೆ ಕೆಲಸ ಮಾಡುತ್ತಿರುವ ಸಂಸ್ಥೆಗಳ ಕಾರ್ಯಕರ್ತರು, ಬೋಧನಾ ಸಿಬ್ಬಂದಿ, ಸಂಶೋಧನಕಾರರು ಈ ಕಾರ್ಯಾಗಾರದಲ್ಲಿ ಭಾಗವಹಿಸಬಹುದು. ತಳಸಮುದಾಯಗಳ ಭಾಗಾರ್ಥಿಗಳಿಗೆ ಯಾವುದೇ ಶುಲ್ಕವಿಲ್ಲ, ಉಚಿತ ಪ್ರವೇಶ ನೀಡಲಾಗುತ್ತದೆ ಎಂದು ಕೇಂದ್ರ ಹೇಳಿದೆ.
ಆಸಕ್ತರು https://forms.gle/xdBduXJsjUzSftmg7 ಈ ‘ಗೂಗಲ್ ಫಾರ್ಮ್’ ಮೂಲಕ ಅರ್ಜಿ ಸಲ್ಲಿಸಬಹುದು. ಹೆಚ್ಚಿನ ಮಾಹಿತಿಗೆ 9964601753, 9880620890 ಅಥವಾ [email protected] ಮೂಲಕ ಸಂಪರ್ಕಿಸಬಹುದು.
ಈ ಸುದ್ದಿ ಓದಿದ್ದೀರಾ? ಆಶ್ರಮಕ್ಕೆ ಬೆಂಕಿ ಪ್ರಕರಣ; ಆರ್‌ಎಸ್‌ಎಸ್‌ ಕಾರ್ಯಕರ್ತ, ಬಿಜೆಪಿ ನಾಯಕನ ಬಂಧನ
“ಕಣಜ ಯುವ ಸಂಶೋಧನಾ ಕೇಂದ್ರದಿಂದ ಮಾಡಲಾಗಿರುವ ಸಂಶೋಧನೆಗಳು ಯುವಜನರ ಸುತ್ತ ಸಾಕಷ್ಟು ಒಳನೋಟಗಳನ್ನು ನೀಡುವಂತಹ ಅಂಶಗಳನ್ನು ಒಳಗೊಂಡಿದೆ. ತಳಸಮುದಾಯಗಳ ಯುವಜನರ ಇವತ್ತಿನ ಸ್ಥಿತಿಗತಿಗಳನ್ನು ಅರ್ಥಮಾಡಿಕೊಳ್ಳಲು ಈ ಸಂಶೋಧನೆಗಳು ಸಹಕರಿಸುತ್ತವೆ” ಎಂದು ತಿಳಿಸಿದೆ.
ಕಾರ್ಯಗಾರದಲ್ಲಿ ಸಂಪನ್ಮೂಲ ವ್ಯಕ್ತಿಗಳಾಗಿ ‘ಲೈಫ್ ಸ್ಕಿಲ್ಸ್’ ಸಂಶೋಧಕಿ ಡಾ. ಮೈತ್ರೇಯಿ ಆರ್, ಸಂವಾದದ ಸಂಸ್ಥಾಪಕಿ ಅನಿತಾ ರತ್ನಂ ಹಾಗೂ ಬೆಂಗಳೂರಿನ ಮಣಿಪಾಲ್ ಉನ್ನತ ಶಿಕ್ಷಣ ವಿಶ್ವವಿದ್ಯಾಲಯದಲ್ಲಿ ಇಂಗ್ಲಿಷ್ ಭೋದಕಿ ಸುಮತಿ ನಾಗೇಶ್ ಅವರು ಭಾಗವಹಿಸಲಿದ್ದಾರೆ.
