ಇಷ್ಟು ದಿನ ಬೈಕ್‌ ಸವಾರರಿಗೆ ಮಾತ್ರ ಹೆಲ್ಮೆಟ್ ಕಡ್ಡಾಯ ಎಂದುಕೊಂಡಿದ್ದವರಿಗೆ ಇದೀಗ ಎ.ಐ. ಕ್ಯಾಮೆರಾ ಹೊಸ ನಿಯಮವೊಂದನ್ನು ಪರಿಚಯಿಸಿದೆ!
- Advertisement -
ಬೆಳಗಾವಿ ಜಿಲ್ಲೆಯ ಅಥಣಿ ಅಥಣಿ ಪಟ್ಟಣದ ಅಂಬೇಡ್ಕರ್ ವೃತ್ತದಲ್ಲಿ ಕಾರೊಂದು ಸಂಚರಿಸಿದ ದೃಶ್ಯವನ್ನು ಎ.ಐ. ಕ್ಯಾಮೆರಾ ಸೆರೆಹಿಡಿದಿದೆ. ಬಳಿಕ ಕಾರಿನ ಮಾಲೀಕ ಹಾಗೂ ಚಾಲಕ ಸುಭಾಷ್ ಬೋಜನೆ ಅವರ ವಾಟ್ಸ್‌ಆ್ಯಪ್‌ಗೆ ₹500 ದಂಡದ ನೋಟಿಸ್‌ ಬಂದಿದೆ. ಕಾರಣ ಕೇಳಿದರೆ ‘ನೋ ಹೆಲ್ಮೆಟ್’!
ಕಾರು ಓಡಿಸಿದ ತಪ್ಪಿಗಿಂತ ಹೆಲ್ಮಟ್ ಹಾಕದೆ ಕಾರು ಓಡಿಸಿದ ತಪ್ಪು ದೊಡ್ಡದಾಗಿದೆ ಎಂಬಂತೆ ನೋಟಿಸ್‌ ಬಂದಿರುವುದು ಸುಭಾಷ್ ಬೋಜನೆ ಅವರನ್ನು ತಬ್ಬಿಬ್ಬುಗೊಳಿಸಿದೆ.
ಹೀಗಾಗಿ ಅವರು ಪೊಲೀಸರಿಗೇ ಒಂದು ರೀತಿಯಲ್ಲಿ ಉತ್ತರ ನೀಡಿದ್ದಾರೆ. ‘ಹೆಲ್ಮೆಟ್ ಬೇಕಾ? ಹಾಗಾದರೆ ಹಾಕಿಕೊಂಡೇ ಕಾರು ಓಡಿಸುತ್ತೇನೆ!’ ಎಂದು ಹೆಲ್ಮೆಟ್ ಧರಿಸಿಕೊಂಡೇ ಇಡೀ ದಿನ ಕಾರು ಚಾಲನೆ ಮಾಡಿದ್ದಾರೆ.
