ಬಸವಕಲ್ಯಾಣ ನಗರದ ಶರಣ ಮಡಿವಾಳ ಮಾಚಿದೇವರ ಕುಂಡವನ್ನು ಸಮಗ್ರವಾಗಿ ಅಭಿವೃದ್ಧಿಪಡಿಸಿ, ಅಗತ್ಯ ಮೂಲಸೌಕರ್ಯಗಳನ್ನು ಸಮರ್ಪಕವಾಗಿ ನಿರ್ವಹಿಸುವಂತೆ ಒತ್ತಾಯಿಸಿ ಸಾಮಾಜಿಕ ಸೇವಕ ಲೋಕೇಶ್ ಮೊಳಕೆರೆ ಅವರು ತಹಸೀಲ್ದಾರ್ ಶಾಂತಗೌಡ ಬಿರಾದಾರ್ ಅವರಿಗೆ ಮನವಿ ಸಲ್ಲಿಸಿದರು.
ಬಸವಕಲ್ಯಾಣ ಅಭಿವೃದ್ಧಿ ಮಂಡಳಿಯ ಅಧೀನದಲ್ಲಿರುವ ಶಿವಶರಣ ಮಡಿವಾಳ ಮಾಚಿದೇವರ ಕುಂಡದ ಸುತ್ತಲಿನ ರಕ್ಷಣಾ ಕವಚದ ಅರ್ಧ ಭಾಗ ಶಿಥಿಲಗೊಂಡಿದ್ದು, ಕೂಡಲೇ ದುರಸ್ತಿ ಮಾಡಬೇಕಿದೆ. ಅಲ್ಲದೆ, ಕುಂಡದ ಸುತ್ತ ಅಳವಡಿಸಿರುವ ಸೋಲಾರ್ ದೀಪಗಳು ಹಾಗೂ ವಚನ ಗೀತೆಗಳ ಪ್ರಸಾರಕ್ಕಾಗಿ ಅಳವಡಿಸಿರುವ ಸ್ಪೀಕರ್ಗಳು ಕಾರ್ಯನಿರ್ವಹಿಸುತ್ತಿಲ್ಲ ಎಂದು ಮನವಿಯಲ್ಲಿ ತಿಳಿಸಲಾಗಿದೆ.
ರಕ್ಷಣಾ ಕವಚವನ್ನು ದುರಸ್ತಿ ಮಾಡುವುದು, ಕೆಟ್ಟುಹೋಗಿರುವ ಸೋಲಾರ್ ದೀಪಗಳು ಮತ್ತು ಸ್ಪೀಕರ್ಗಳನ್ನು ಸರಿಪಡಿಸಿ ಪುನಃ ಕಾರ್ಯಗತಗೊಳಿಸುವುದು, ಕುಂಡದ ಸುತ್ತಲೂ ಬಣ್ಣ ಹಚ್ಚಿ ಸ್ವಚ್ಛತೆ ಕೈಗೊಳ್ಳುವಂತೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ಸೂಚಿಸಿ ಅಗತ್ಯ ಕ್ರಮ ಕೈಗೊಳ್ಳಬೇಕು ಎಂದು ಲೋಕೇಶ್ ಮೊಳಕೆರೆ ಒತ್ತಾಯಿಸಿದರು.
ಇದನ್ನೂ ಓದಿ : ಎಸ್ಐಆರ್ | ಭಾಲ್ಕಿ ಕ್ಷೇತ್ರದಲ್ಲಿ ಮುಸ್ಲಿಮರ ಮತ ಅಳಿಸುವ ಯತ್ನ, ನೂರಾರು ಅರ್ಜಿ ಪತ್ತೆ?
ಈ ಸಂದರ್ಭದಲ್ಲಿ ಪ್ರವೀಣ್ ಬಿರಾದಾರ್, ಮನೋಜ್ ಹಾಗೂ ಸಾಗರ್ ದಂಡೋತಿ ಉಪಸ್ಥಿತರಿದ್ದರು.
