“ಆಲ್ ಇಂಡಿಯಾ ಬಂಜಾರ ಸೇವಾ ಸಂಘ ಏಕೈಕ ಗಟ್ಟಿಯಾದ ಸಂಘಟನೆ ಇದಾಗಿದೆ. ಇದರ ಜೊತೆ ಕೈ ಜೋಡಿಸಿ, ಗದಗ ಜಿಲ್ಲೆಯನ್ನು ರಾಜ್ಯಕ್ಕೆ ಮಾದರಿ ಜಿಲ್ಲೆಯಾಗಿ ಮಾಡಲಾಗುವುದು. ಬಂಜಾರ ಸಮುದಾಯ ಒಗ್ಗಟಾದರೆ ನಮ್ಮ ಹಕ್ಕು ಪಡೆಯಲು ಸಾಧ್ಯ” ಎಂದು ಸಂಘದ ರಾಜ್ಯಾಧ್ಯಕ್ಷ ವಿಜಯ ಜಾಧವ್ ಹೇಳಿದರು.
ಗದಗ ಪಟ್ಟಣದ ಆಲ್ ಇಂಡಿಯಾ ಬಂಜಾರ ಸೇವಾ ಸಂಘ ಜಿಲ್ಲಾ ಘಟಕದ ಅಧ್ಯಕ್ಷರ ಹಾಗೂ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮದಲ್ಲಿ ಸೇವಾಲಾಲ ಮಹಾರಾಜ ಹಾಗೂ ಡಾ. ಬಾಬಾಸಾಹೇಬ ಅಂಬೇಡ್ಕರ್ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ನಂತರ ಅವರು ಮಾತನಾಡಿದರು.
“ಇಡೀ ರಾಜಾಧ್ಯಂತ ಪ್ರತಿ ಜಿಲ್ಲೆಗೂ ಸುತ್ತಿ ಸಮಾಜದ ಆಗು ಹೋಗುಗಳ ಸಮಸ್ಯೆಗೆ ಧ್ವನಿಯಾಗಿ ಕೆಲಸ ಮಾಡುತ್ತಿರುವ ಏಕೈಕ ಸಂಘಟನೆ ಆಲ್ ಇಂಡಿಯಾ ಬಂಜಾರ ಸೇವಾ ಸಂಘ” ಎಂದು ಅವರು ಆಶಿಸಿದರು.
ಯುವ ಘಟಕ ರಾಜ್ಯಾಧ್ಯಕ್ಷ ಸುನೀಲ್ ನಾಯ್ಕ ಮಾತನಾಡಿ, “ಭಾರತ ದೇಶದಲ್ಲಿ 73 ವರ್ಷಗಳಿಂದ ನಿರಂತರವಾಗಿ ಸಾಗಿಬರುತ್ತಿರು ಏಕೈಕ ಬಂಜಾರ ಸಂಘಟನೆ. ಯುವತ್ತಿನ ಆಧುನಿಕ ಯುಗದಲ್ಲಿ ಭಾರತ ದೇಶದಲ್ಲಿ ಯುವಕರ ಶಕ್ತಿ ಅತೀ ಮುಖ್ಯವಾಗಿದೆ. ಅದಕ್ಕಾಗಿ ಈ ಸಂಘಟನೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಯುವಕರ ಸಂಘಟನೆ, ಬಲಾಢ್ಯ ಸಂಘಟನೆ ಆಗಬೇಕು” ಎಂದು ಹೇಳಿದರು.
ನೂತನ ಅಧ್ಯಕ್ಷ ಸೋಮಪ್ಪ ಲಮಾಣಿ ಮಾತನಾಡಿ, “ಇಂದು ನನ್ನ ಜೀವನದ ಅತ್ಯಂತ ಜವಾಬ್ದಾರಿಯುತ ದಿನ. ನನಗೆ ಗದಗ ಜಿಲ್ಲಾ ಆಲ್ ಇಂಡಿಯಾ ಬಂಜಾರ ಸೇವಾ ಸಂಘದ ನೂತನ ಸಂಘಟನೆಯ ಜಿಲ್ಲಾಧ್ಯಕ್ಷನಾಗಿ ಅಧಿಕಾರ ಸ್ವೀಕರಿಸಲು ನನಗೆ ಹೆಮ್ಮೆ ಮತ್ತು ವಿನಮ್ರತೆಯ ಭಾವ ಒಟ್ಟಿಗೆ ಮೂಡುತ್ತಿದೆ” ಎಂದರು.
ಗೋವಾ ರಾಜ್ಯಧ ರಾಜ್ಯಾಧ್ಯಕ್ಷ ಸುರೇಶ ರಜಪೂತ, ಕರ್ನಾಟಕ ರಾಜ್ಯ ಪ್ರಧಾನ ಕಾರ್ಯದರ್ಶಿ ಚಂದ್ರು ಜಾಧವ, ವಿಜಯಪುರ ಜಿಲ್ಲಾ ಕಾರ್ಯಾಧ್ಯಕ್ಷರು ಶಿವಾನಂದ ಲಮಾಣಿ, ಕೊಪ್ಪಳ ಜಿಲ್ಲಾಧ್ಯಕ್ಷ ಲಕ್ಷ್ಮಣ ನಾಯಕ ಮಾತನಾಡಿದರು.
ಕಾರ್ಯಕ್ರಮದಲ್ಲಿ ಡಾ. ಬಿ ಎಸ್ ರಾಠೋಡ, ಡಾ. ಗುಂಡಪ್ಪ ನಾಯಕ ನಿರೂಪನೆ ಮಾಡಿದರು, ಸುರೇಶ ಮಹಾರಾಜ ಪ್ರಾಸ್ತಾವಿಕವಾಗಿ ಮಾತನಾಡಿದವರು, ಮೋತಿಲಾಲ ಮಾಳಗಿಮನಿ, ಗೋಪಾಲ ಜಾಧವ, ಬಾಲಚಂದ್ರ ತುಳಸಿಮನಿ, ಠಾಕೂರ ಜಾಧವ, ಅನಿಲ, ಕೃಷ್ಣಾ, ಈಶ್ವರ ನಾಯಕ,ಸಮಸ್ತ ಗದಗ ಜಿಲ್ಲೆಯ ಪ್ರತಿಯೊಂದು ತಾಂಡಾದ ನಾಯಕ ಮುಖಂಡರು ಉಪಸ್ಥಿತರಿದ್ದರು. ಸೇವಾಲಾಲ ಗೀತೆ ಹಾಡುವ ಮೂಲಕ ಕಾರ್ಯಕ್ರಮ ಚಾಲನೆ ನೀಡಿದರು.
