“ಕಬ್ಬಿಗೆ ದರ ನಿಗದಿ ಆಗುವ ತನಕ ಕಾರ್ಖಾನೆಗಳನ್ನು ಆರಂಭಿಸಬಾರದು” ಎಂದು ರೈತ ಮುಖಂಡರು ಸಭೆಯ ನಂತರ ಆಗ್ರಹಿಸಿದರು.
ಹಾವೇರಿ ಜಿಲ್ಲೆಯ ಸಂಗೂರ್ ಶುಗರ್ ಕಾರ್ಖಾನೆಯಲ್ಲಿ, ಕಾರ್ಖಾನೆ ಆರಂಭಿಸಿವ ಕುರಿತು “ಕಬ್ಬು ಬೆಳೆಗಾರರ ಸಭೆ ನಡೆಸಿದ ಸಭೆ ವಿಫಲವಾಗಿದ್ದು, ರೈತರನ್ನು ಕಡೆಗಣಿಸಿ, ಪ್ಯಾಕ್ಟರಿ ಉದ್ದಾರ ಮಾಡುವುದಕ್ಕಾಗಿ ಹುನ್ನಾರ ನಡೆಸಿದ್ದಾರೆ. ರೈತರ ಅನುಮತಿ ಇಲ್ಲದೇ ಕಬ್ಬು ಮಾಲೀಕರು ಕಾರ್ಖಾನೆಗಳನ್ನು ಆರಂಭಿಸುವಂತಿಲ್ಲ. ಜಿಲ್ಲೆಯ ರೈತರು ಕಬ್ಬಿಗೆ ದರ ನಿಗದಿ ಆಗುವವರೆಗೂ ಕಬ್ಬನ್ನು ಕಟಾವು ಮಾಡಬಾರದು” ಎಂದು ರೈತ ಮುಖಂಡರು ಹೇಳಿದರು.
“ಕಾರ್ಖಾನೆಯವರು ರಿಕವರಿಯಲ್ಲಿ ರೈತರಿಗೆ ಮೋಸ ಮಾಡಿದ್ದಾರೆ, ಮಾಡುತ್ತಿದ್ದಾರೆ. ಬೇರೆ ಜಿಲ್ಲೆಗೂ ನಮ್ಮ ಜಿಲ್ಲೆಯ ಕಬ್ಬಿಗೂ ಒಂದೇ ಬೆಲೆ ಇಲ್ಲ. ರೈತರಿಗೆ ತಾರತಮ್ಯ ಮಾಡುತ್ತಿದ್ದು, ಅನ್ಯಾಯ ಮಾಡುತ್ತಿದ್ದಾರೆ. ಬೆಳಗಾವಿ ಕಬ್ಬಿಗೆ ₹3300 ಕೊಡ್ತಿದ್ದಾರೆ. ಆದರೆ ಇಲ್ಲಿಯ ರೈತರಿಗೆ ಅನ್ಯಾಯ ಆಗುತ್ತಿದ್ದು, ಇಲ್ಲಿಯೂ ಅದೇ ದರವನ್ನು ನಿಗದಿ ಮಾಡಬೇಕು” ಎಂದು ರೈತ ಮುಖಂಡರು ಒತ್ತಾಯಿಸಿದರು.
ಕೇಂದ್ರ ಸರಕಾರ ನಿಯೋಗ ಕರೆದಿದ್ದು, ಸಭೆಯಲ್ಲಿ ಏನು ನಿರ್ಧಾರ ಆಗುತ್ತದೆಯೋ ಆಗಲಿ. ಕಾಯುತ್ತೇವೆ. ಉತ್ತರ ಕರ್ನಾಟಕದಲ್ಲಿ ಸಧ್ಯ ಏನು ಬೆಲೆ ಇದೆಯೋ ಆ ಬೆಲೆಯನ್ನು ಇಲ್ಲಿಯೂ ಕೊಡಬೇಕು” ಎಂದು ರೈತರು ಆಗ್ರಹಿಸಿದರು.
ಈ ಸಂಧರ್ಭದಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಜಿಲ್ಲಾಧ್ಯಕ್ಷ ಅನಿಲ ಡೊಳ್ಳಿನ, ಚನ್ನಬಸಪ್ಪ ಹಾವನಗಿ, ಜಗದೀಶ ಪಾಟೀಲ್ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.
