ಕರುನಾಡ ಕನ್ನಡ ಸಾಹಿತ್ಯ ಸಾಂಸ್ಕೃತಿ ಬಳಗದ ವತಿಯಿಂದ ಇದೇ ಮೇ 25ಕ್ಕೆ ರಾಜ್ಯಮಟ್ಟದ ಎರಡನೇ ಸಾಹಿತ್ಯ ಸಮ್ಮೇಳನವನ್ನು ಹಾವೇರಿ ಜಿಲ್ಲೆಯಲ್ಲಿ ಹಮ್ಮಿಕೊಂಡಿದ್ದು, ಅದರ ಪ್ರಯುಕ್ತ ಹಾವೇರಿ ಜಿಲ್ಲೆಯ ಸಾಹಿತಿಗಳು ಲೇಖಕರು, ಬರಹಗಾರರು, ವಾಗ್ಮಿಗಳು, ಚಿಂತಕರು, ಕನ್ನಡ ಅಭಿಮಾನಿಗಳು ಹಾಗೂ ಸಾಹಿತ್ಯ ಆಸಕ್ತರಿಗೆ ಸಮ್ಮೇಳನದ ಆಮಂತ್ರಣ ಪತ್ರಿಕೆ ಪ್ರದರ್ಶಿಸುವ ಮೂಲಕ ಬರಲು ಪತ್ರಿಕಾಗೋಷ್ಠಿಯಲ್ಲಿ ವಿನಂತಿಸಲಾಯಿತು.
ಹಾವೇರಿ ಪಟ್ಟಣದ ಪತ್ರಿಕಾ ಭವನದಲ್ಲಿ ಪತ್ರಕಾ ಗೊಷ್ಠಿ ಉದ್ದೇಶಿಸಿ ರಾಜ್ಯಾಧ್ಯಕ್ಷರು ಎಸ್ ಡಿ ಮುಡೆಣ್ಣವರ ಮಾತನಾಡುತ್ತಾ, “ಇಂದು ಕನ್ನಡ ನಾಡು ನುಡಿಯ ಉಳಿಸುವ ಬಹುದೊಡ್ಡ ಜವಾಬ್ದಾರಿ ಕರ್ನಾಟಕದಲ್ಲಿ ನೆಲೆಸಿರುವ ಪ್ರತಿಯೊಬ್ಬರು ಮಾಡಬೇಕಾದ ಆದ್ಯ ಕರ್ತವ್ಯ ಆಗಿದೆ. ಇದೇ ರೀತಿ ಕರುನಾಡ ಕನ್ನಡ ಸಾಹಿತ್ಯ ಹಾಗೂ ಸಾಂಸ್ಕೃತಿಕ ಬಳಗ ಸುಮಾರು 10 ವರ್ಷಗಳಿಂದ ಈ ರಾಜ್ಯದಲ್ಲಿ ವಿವಿಧ ಜಿಲ್ಲೆಗಳಲ್ಲಿ ಕಾರ್ಯಕ್ರಮ ಮಾಡುತ್ತಾ, ಕನ್ನಡ ಉಳಿವಿಗಾಗಿ ಸದಾ ಶ್ರಮಿಸುತ್ತಿದೆ” ಎಂದರು.
“ರಾಜ್ಯಮಟ್ಟದ ಎರಡನೇ ಸಾಹಿತ್ಯ ಸಮ್ಮೇಳನವನ್ನು ಹಮ್ಮಿಕೊಂಡಿದ್ದು, ತಾವೆಲ್ಲರೂ ಆಗಮಿಸಿ ಈ ಸಮ್ಮೇಳನ ಯಶಸ್ಸಿಗೊಳಿಸುವ ಬಹುದೊಡ್ಡ ಜವಾಬ್ದಾರಿ ನಮ್ಮ ನಿಮ್ಮದಾಗಿದೆ” ಎಂದು ಹೇಳಿದರು.
“ಇದೇ ತಿಂಗಳು ಮೇ 25 ರಂದು ಹಾವೇರಿಯ ಡಾ. ಬಿ. ಆರ್ ಅಂಬೇಡ್ಕರ್ ಸಭಾಭವನದಲ್ಲಿ ರಾಜ್ಯಮಟ್ಟದ ಎರಡನೇ ಸಾಹಿತ್ಯ ಸಮ್ಮೇಳನವನ್ನು ಹಮ್ಮಿಕೊಂಡಿದ್ದು, ಧಾರವಾಡ ಜಿಲ್ಲೆಯ ಕನ್ನಡ ಅಭಿಮಾನಿಗಳು ಸಾಹಿತಿಗಳು ಹಿರಿಯರು ಲೇಖಕರು ಬರಹಗಾರರು ಮುಂತಾದ ವಿವಿಧ ಸಾಹಿತ್ಯ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡ ಸಾಹಿತ್ಯ ಅನುಭವಿಗಳನ್ನು ಈ ಸಭೆ ಮೂಲಕ ಆಗಮಿಸಬೇಕಾಗಿ ವಿ ರಾಜ್ಯಾಧ್ಯಕ್ಷರು ಎಸ್. ಡಿ ಮುಡೆಣ್ಣವರ ವಿನಂತಿಸಿದರು.
ಈ ಸಮ್ಮೇಳನದಲ್ಲಿ ಉದ್ಘಾಟನೆ ವಿಚಾರಗೋಷ್ಠಿ ಕವಿಗೋಷ್ಠಿ, ಸಮಾರೋಪ ಸಮಾರಂಭ ಮತ್ತು ರಾಜ್ಯದ ಸಾಧಕರಿಗೆ ಕರುನಾಡ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು. ರಾಜ್ಯದ ವಿವಿಧ ಜಿಲ್ಲೆಗಳಿಂದ ಸಾಹಿತಿಗಳು, ಚಿಂತಕರು ವಾಗ್ನಿಗಳು ಆಗಮಿಸುತ್ತಿದ್ದು, ತಾವು ಕೂಡ ಈ ಸಮ್ಮೇಳನಕ್ಕೆ ಆಗಮಿಸಿ ಸಮ್ಮೇಳವನ್ನು ಯಶಸ್ಸಿಗೊಳಿಸಲು ತಮ್ಮಲ್ಲಿ ವಿನಯ ಪೂರ್ವಕವಾಗಿ ವಿನಂತಿಸಿಕೊಳ್ಳುತ್ತೇವೆ” ಎಂದರು.
ಈ ಸಂದರ್ಭದಲ್ಲಿ ಶ್ರೀ ಎಸ್. ಫಕ್ಕಿರಪ್ಪ, ರಾಜ್ಯ ಸಂಘಟನಾ ಸಂಚಾಲಕರು, ಮುಂಡಗೋಡ, ಎಸ್. ಎಲ್. ಕಾಡದೇವರಮಠ, ಚಂಪಾ ಹುಣಸಿಕಟ್ಟಿ, ಮಂಜುಳಾ ಅಕ್ಕಿ, ಉಡಚಪ್ಪ ಮಾಳಗಿ, ಸಂಜಯಗಾಂಧಿ ಸಂಜೀವಣ್ಣವರ, ನಾಗರಾಜ ಎಚ್, ಮುತ್ತುರಾಜ ಮುಡೆಣ್ಣವರ, ವಿನಯ ಬಿ, ಮಾಳಗಿ, ರಾಜ್ಯ ಪ್ರಧಾನ ಕಾರ್ಯದರ್ಶಿಗಳು ರಾಘವೇಂದ್ರ ದೊಡ್ಡಮನಿ ಗದಗ ಜಿಲ್ಲಾಧ್ಯಕ್ಷರು ಕುಮಾರ್ ಎಸ್ ತಳವಾರ್ ಹಾಗೂ ದ್ಯಾಮಣ್ಣ. ಬಳಗಾನೂರ, ಮಂಜಪ್ಪ ಮರೊಳ್ ಮಾಲತೇಶ್ ಯಲ್ಲಾಪುರ್, ಜಗದೀಶ್ ಹರಿಜನ, ಸಿಡಿ ಹನುಮಂತಪ್ಪ, ಮಂಜು ದೊಡ್ಡ ಮರಿಯಮ್ಮನವರ, ಬಸವಣ್ಣಪ್ಪ, ಹನುಮಂತಪ್ಪ, ಮಹೇಶಪ್ಪ ಹರಿಜನ್ ಮಾರ್ತಾಂಡ ಹರಿಜನ ಮುಂತಾದವರು ಹಾಜರಿದ್ದರು
