ಕೊಡಗು ಜಿಲ್ಲೆಯಲ್ಲಿ ಶುಕ್ರವಾರ ಬೆಳಗ್ಗೆ 8.30ಕ್ಕೆ ಕೊನೆಗೊಂಡಂತೆ ಕಳೆದ 24 ಗಂಟೆಗಳ ಅವಧಿಯಲ್ಲಿ ಸರಾಸರಿ 24.66 ಮಿ.ಮೀ. ಮಳೆಯಾಗಿದೆ. ಕಳೆದ ವರ್ಷದ ಇದೇ ದಿನ 49.44 ಮಿ.ಮೀ. ಮಳೆಯಾಗಿತ್ತು. ಈ ವರ್ಷದ ಜನವರಿಯಿಂದ ಇದುವರೆಗೆ ಜಿಲ್ಲೆಯಲ್ಲಿ 405.58 ಮಿ.ಮೀ. ಮಳೆಯಾಗಿದ್ದು, ಕಳೆದ ವರ್ಷದ ಇದೇ ಅವಧಿಯಲ್ಲಿ 1486.74 ಮಿ.ಮೀ. ಮಳೆ ದಾಖಲಾಗಿತ್ತು.
ತಾಲ್ಲೂಕುವಾರು ಮಳೆಯ ವಿವರದ ಪ್ರಕಾರ, ಸೋಮವಾರಪೇಟೆ ತಾಲ್ಲೂಕಿನಲ್ಲಿ ಅತಿ ಹೆಚ್ಚು 63.35 ಮಿ.ಮೀ. ಮಳೆಯಾಗಿದೆ. ಮಡಿಕೇರಿ ತಾಲ್ಲೂಕಿನಲ್ಲಿ 24.22 ಮಿ.ಮೀ., ಪೊನ್ನಂಪೇಟೆ ತಾಲ್ಲೂಕಿನಲ್ಲಿ 20.74 ಮಿ.ಮೀ., ವಿರಾಜಪೇಟೆ ತಾಲ್ಲೂಕಿನಲ್ಲಿ 7.80 ಮಿ.ಮೀ. ಹಾಗೂ ಕುಶಾಲನಗರ ತಾಲ್ಲೂಕಿನಲ್ಲಿ 7.20 ಮಿ.ಮೀ. ಮಳೆಯಾಗಿದೆ.
ಜನವರಿಯಿಂದ ಇದುವರೆಗೆ ಮಡಿಕೇರಿ ತಾಲ್ಲೂಕಿನಲ್ಲಿ 619.27 ಮಿ.ಮೀ., ವಿರಾಜಪೇಟೆ 432.69 ಮಿ.ಮೀ., ಪೊನ್ನಂಪೇಟೆ 344.11 ಮಿ.ಮೀ., ಸೋಮವಾರಪೇಟೆ 426.01 ಮಿ.ಮೀ. ಹಾಗೂ ಕುಶಾಲನಗರದಲ್ಲಿ 205.69 ಮಿ.ಮೀ. ಮಳೆ ದಾಖಲಾಗಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಈ ಬಾರಿ ಎಲ್ಲ ತಾಲ್ಲೂಕುಗಳಲ್ಲೂ ಮಳೆಯ ಪ್ರಮಾಣ ಗಣನೀಯವಾಗಿ ಕಡಿಮೆಯಾಗಿದೆ.
ಹೋಬಳಿವಾರು ಮಳೆಯ ವಿವರದಲ್ಲಿ ಸಂಪಾಜೆ 36 ಮಿ.ಮೀ., ಭಾಗಮಂಡಲ 32.20 ಮಿ.ಮೀ., ಪೊನ್ನಂಪೇಟೆ 25 ಮಿ.ಮೀ., ಶ್ರೀಮಂಗಲ 23.60 ಮಿ.ಮೀ., ಹುದಿಕೇರಿ 20.30 ಮಿ.ಮೀ., ಮಡಿಕೇರಿ 18.50 ಮಿ.ಮೀ., ಸೋಮವಾರಪೇಟೆ 15.20 ಮಿ.ಮೀ., ಶನಿವಾರಸಂತೆ 15 ಮಿ.ಮೀ., ಬಾಳೆಲೆ 14.07 ಮಿ.ಮೀ., ಸುಂಟಿಕೊಪ್ಪ 12 ಮಿ.ಮೀ., ಕೊಡ್ಲಿಪೇಟೆ 11.20 ಮಿ.ಮೀ., ನಾಪೋಕ್ಲು 10.20 ಮಿ.ಮೀ., ಅಮ್ಮತ್ತಿ 8 ಮಿ.ಮೀ., ವಿರಾಜಪೇಟೆ 7.60 ಮಿ.ಮೀ. ಹಾಗೂ ಕುಶಾಲನಗರದಲ್ಲಿ 2.40 ಮಿ.ಮೀ. ಮಳೆಯಾಗಿದೆ.
ಇದೇ ವೇಳೆ, ಹಾರಂಗಿ ಜಲಾಶಯದ ಗರಿಷ್ಠ ನೀರಿನ ಮಟ್ಟ 2,859 ಅಡಿಗಳಾಗಿದ್ದು, ಪ್ರಸ್ತುತ ನೀರಿನ ಮಟ್ಟ 2,830.58 ಅಡಿ ಇದೆ. ಕಳೆದ ವರ್ಷದ ಇದೇ ದಿನ ಜಲಾಶಯದಲ್ಲಿ 2,852.98 ಅಡಿ ನೀರು ಸಂಗ್ರಹವಾಗಿತ್ತು.
ಈ ಸುದ್ದಿ ಓದಿದ್ದೀರಾ?ಕೊಡಗು ಜಿಲ್ಲೆಯಲ್ಲಿ 207 ಪ್ರಕರಣಗಳು ಬಾಕಿ: 80 ಪ್ರಕರಣಗಳ ತ್ವರಿತ ಇತ್ಯರ್ಥಕ್ಕೆ ಕ್ರಮ-ಉಪ ಲೋಕಾಯುಕ್ತ ಕೆ.ಎನ್. ಫಣೀಂದ್ರ
ಹಾರಂಗಿ ಪ್ರದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 1.80 ಮಿ.ಮೀ. ಮಳೆಯಾಗಿದ್ದು, ಜಲಾಶಯಕ್ಕೆ 1,113 ಕ್ಯುಸೆಕ್ ನೀರು ಒಳಹರಿವು ದಾಖಲಾಗಿದೆ. ಜಲಾಶಯದಿಂದ ನದಿಗೆ 180 ಕ್ಯುಸೆಕ್ ನೀರನ್ನು ಹೊರಬಿಡಲಾಗುತ್ತಿದೆ. ಕಳೆದ ವರ್ಷದ ಇದೇ ದಿನ 7,582 ಕ್ಯುಸೆಕ್ ನೀರು ಒಳಹರಿವು ಹಾಗೂ 6,604 ಕ್ಯುಸೆಕ್ ನೀರು ಹೊರಹರಿವು ದಾಖಲಾಗಿತ್ತು.
