ತುಮಕೂರು | ಮನುಕುಲದ ಉಳಿವಿಗೆ 70:30 ಆರ್ಥಿಕತೆ ಮುಖ್ಯ; ಹೆಗ್ಗೋಡು ಪ್ರಸನ್ನ ಪ್ರತಿಪಾದನೆ

Date:

ಜಗತ್ತಿನಲ್ಲಿ ಯಾಂತ್ರೀಕರಣದ ವಿಷಮ ಪರಿಸ್ಥಿತಿ ನಿರ್ಮಾಣವಾಗಿದೆ. ಇಂತಹ ರಾಕ್ಷಸೀಯ ಸಮಸ್ಯೆ ನಿರ್ಮೂಲಗೆ 70:30 ಅನುಪಾತದ ಆರ್ಥಿಕತೆಯನ್ನು ಪ್ರತಿಪಾದಿಸಬೇಕು. ಇನ್ನೂ ನೂರು ವರ್ಷಗಳಲ್ಲಿ ನಾಶವಾಗಲಿರುವ ಮನುಕುಲವನ್ನು ಉಳಿಸಿಕೊಳ್ಳಲು ಈ ಕ್ರಮ ತುರ್ತಾಗಿದೆ ಎಂದು ದೇಶಿ ಚಳವಳಿ ರೂವಾರಿ ಹೆಗ್ಗೋಡು ಪ್ರಸನ್ನ ತಿಳಿಸಿದ್ದಾರೆ.

- Advertisement -

ತುಮಕೂರಿನಲ್ಲಿ ನಡೆದ ‘ಬಾಪೂ ಕೆ ಲೋಗ್’ ಎಂಬ ರಾಷ್ಟ್ರೀಯ ವೇದಿಕೆಯ ರೂಪುರೇಷೆಗಳ ಕುರಿತ ಸಮಾಲೋಚನಾ ಸಭೆಯಲ್ಲಿ ಅವರು ಮಾತನಾಡಿದರು. “ತಾಪಮಾನ ಏರಿಕೆ, ಲಾಭಗಳಿಗಾಗಿ ನಡೆಯುತ್ತಿರುವ ಯುದ್ಧಗಳಿಂದ ಧಾರ್ಮಿಕ ತಿಕ್ಕಾಟದಂತಹ ಅನಾಹುತಗಳು ಘಟಿಸುತ್ತಿವೆ. ಅಸಮಾನತೆ, ಸಾಮಾಜಿಕ ಸಂಘರ್ಷ, ಯುದ್ಧಕೋರತನ ಭಯೋತ್ಪಾದಕ ಗುಂಪುಗಳಿಂದ ಶಾಂತಿಯು ಭಗ್ನವಾಗಿದೆ. ಈ ಪ್ರಳಯ ತಡೆಯುವ ನಿಟ್ಟಿನಲ್ಲಿ ಗಾಂಧಿ ಚಿಂತನೆ ಪರಿಹಾರ ನೀಡಲಿದೆ” ಎಂದರು.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಗಾಂಧೀಜಿ ತತ್ವಗಳ ಪ್ರಸ್ತುತತೆ: ಸಮಾನತೆಯ ಸಮಾಜಕ್ಕೆ ಶ್ರಮದ ಘನತೆಯೇ...

ಸರ್ವಜನರ ಹಿತ, ಎಲ್ಲ ಕೆಲಸಗಳಿಗೂ ಸಮಾನ ಗೌರವ ಮತ್ತು ಶಾರೀರಿಕ ಶ್ರಮದ ಘನತೆ-ಗಾಂಧೀಜಿ ಪ್ರತಿಪಾದಿಸಿದ ಈ ಮೂರು ಮೌಲ್ಯಗಳು ಇಂದಿನ ಅಸಮಾನತೆಯ ಸಮಾಜದಲ್ಲಿ ಹೆಚ್ಚು ಪ್ರಸ್ತುತವಾಗಿವೆ. ಆದರೆ ಅವುಗಳನ್ನು ವೈಯಕ್ತಿಕ ಬದುಕು, ಸಾಮಾಜಿಕ...

ಜಿಡಿಪಿ ಅಂಕಿಅಂಶಗಳ ಆಚೆಗಿನ ವಾಸ್ತವ: ಭಾರತದ ಆರ್ಥಿಕ ಸವಾಲುಗಳ...

ಜಾಗತಿಕ ಆರ್ಥಿಕತೆಯು ಭೌಗೋಳಿಕ-ರಾಜಕೀಯ ಸಂಘರ್ಷಗಳು ಮತ್ತು ತಂತ್ರಜ್ಞಾನದ ಕ್ಷಿಪ್ರ ಬದಲಾವಣೆಗಳ ನಡುವೆ ತೊಳಲಾಡುತ್ತಿರುವ ಹೊತ್ತಿನಲ್ಲಿ, ಭಾರತದ ಆರ್ಥಿಕತೆಯ ನಿಜವಾದ ಸ್ಥಿತಿಗತಿ ಏನು? ನಾವು ಸಾಗುತ್ತಿರುವ ಹಾದಿ ನಮ್ಮನ್ನು ಅಭಿವೃದ್ಧಿ ಹೊಂದಿದ ರಾಷ್ಟ್ರವನ್ನಾಗಿಸಬಲ್ಲದೇ? ಈ...

ಇಸ್ರೇಲ್ ಪ್ರಧಾನಿ ಪಟ್ಟಕ್ಕೇರಲು ಗಾಡಿ ಐಸೆನ್ಕೋಟ್ ಮಾಡಿಕೊಳ್ಳಬೇಕಾದ ಪ್ರಮುಖ...

ಇಸ್ರೇಲ್‌ನ ಚುನಾವಣೆ ಮುಗಿದ್ದು, ಅತಂತ್ರ ಪರಿಸ್ಥಿತಿ ಇದೆ. ಹೊಸ ಸರ್ಕಾರ ರಚನೆಗೆ ಮಾಜಿ ಸೇನಾ ಮುಖ್ಯಸ್ಥ, ನ್ಯಾಷನಲ್ ಯೂನಿಟಿ ಪಕ್ಷದ ನಾಯಕ ಗಾಡಿ ಐಸೆನ್ಕೋಟ್ ಅವರನ್ನು ಅಧ್ಯಕ್ಷರು ಆಹ್ವಾನಿಸಿದ್ದಾರೆ. ಆದರೆ, ಅವರ ಪಕ್ಷವು...

:ಯಾಂತ್ರೀಕರಣ ರಾಕ್ಷಸೀಯ ಸಮಸ್ಯೆಯಾಗಿದ್ದು, ಮತ್ತೊಂದು ದೈತ್ಯ ಸಮಸ್ಯೆಯನ್ನು ಹುಟ್ಟುಹಾಕುತ್ತಿದೆ. ವಸ್ತುಗಳ ಉತ್ಪಾದನೆಯಲ್ಲಿ ಯಂತ್ರಗಳ ಬಳಕೆ ಕಡಿಮೆಯಿರಬೇಕು. ಮಾನವ ಸಂಪನ್ಮೂಲದ ಸದ್ಬಳಕೆಯಾಗಬೇಕು. ಇದನ್ನೇ ಬಸವಾದಿ ಶರಣರು ಹೇಳಿದರು ಮತ್ತು ಅವರು ಕಾಯಕದಲ್ಲೇ ಕೈಲಾಸ ಕಂಡರು. ಕಾಯಕ ಪ್ರಣೀತ ಬದುಕು ಮಾತ್ರ ಧಾರ್ಮಿಕ ಬದುಕಾಗಲು ಸಾಧ್ಯ. ಕಾರ್ಮಿಕರಿದ್ದಲ್ಲಿ ದೇವರಿಗೆ ಮನ್ನಣೆ ದೊರೆಯುತ್ತದೆ” ಎಂದು ನುಡಿದರು.

“ಶೇ.30ಕ್ಕಿಂತ ಹೆಚ್ಚು ಶ್ರಮಾಧಾರಿತ ಕೆಲಸ ನಾಶವಾಗಬಾರದು. ಇದರಿಂದ ಕೆಲಸ ನಾಶವಾಗುವುದಲ್ಲದೆ ಧರ್ಮವೂ ನಾಮಾವಶೇಷವಾಗುತ್ತದೆ. ಬಡವರು ಮತ್ತಷ್ಟು ಬಡವರಾಗುತ್ತಾ ಸಾಗುತ್ತಾರೆ. ಪವಿತ್ರ ಆರ್ಥಿಕತೆಯ ಭಾಗವಾಗಿ 70:30 ಅನುಪಾತದ ಆರ್ಥಿಕತೆಯು ಮಾನವ ಶ್ರಮವನ್ನು ಹೆಚ್ಚಿಸುವುದು ಮತ್ತು ಯಂತ್ರಗಳ ಬಳಕೆ ಕಡಿಮೆ ಮಾಡುವ ಮೂಲಕ ಮನುಕುಲದ ಶ್ರೇಯೋಭಿವೃದ್ಧಿಯನ್ನು ಬಯಸುತ್ತದೆ” ಎಂದರು.

“ಬಡವರು, ಪ್ರೀತಿ, ಪ್ರೇಮದ ಬಗ್ಗೆ ಮಾತನಾಡುವವರು ಇಂದು ದೈವ ವಿರೋಧಿಗಳಾಗಿಯೂ, ಅಂಬಾನಿ ಅದಾನಿಯಿಂದ ಹಣ ಪಡೆದು ಮಂದಿರ ಕಟ್ಟಿಸಿದವರು ದೈವ ಭಕ್ತರಾಗಿಯೂ ಕಾಣುತ್ತಾರೆ. ಈಗಿನ ಪರಿಸ್ಥಿತಿಯಲ್ಲಿ ಯಾರನ್ನೂ ಬೈಯುವ ಅಗತ್ಯವಿಲ್ಲ. ವ್ಯವಸ್ಥೆಯನ್ನು ಸರಿಪಡಿಸುವುದಷ್ಟೇ ಮುಖ್ಯವಾಗಿದೆ. ಯುದ್ಧ ಸಾಮಗ್ರಿ, ಯಂತ್ರಗಳ ಮಾರಾಟದ ಹಿಂದೆ ವ್ಯಾಪಾರದ ಉದ್ದೇಶವಿದೆ. ವ್ಯಾಪಾರದ ಹಿಂದೆ ಯುದ್ಧಗಳು ಅಡಗಿವೆ. ಈ ಅಜೆಂಡಾಗಳಿಗೆ ಬಡವರು ಬಲಿಯಾಗುತ್ತಿದ್ದಾರೆ. ಇವುಗಳಿಗೆ ಪರ್ಯಾಯವಾಗಿ ಯಾವುದೇ ಕ್ಷೇತ್ರದಲ್ಲಿ ರಚನಾತ್ಮಕ ಚಳವಳಿಗಳನ್ನು ಕಟ್ಟುವುದೇ ಬಾಪೂ ಕೆ ಲೋಗ್ ಗುರಿ” ಎಂದು ತಿಳಿಸಿದರು.

ನಿಕೇತ್ ರಾಜ್ ಮೌರ್ಯ ಮಾತನಾಡಿ, “ಮಹಾತ್ಮಗಾಂಧಿ ಎನ್ನುವುದು ಸಮಾಜವನ್ನು ಎಚ್ಚರಿಸುವ ಶಕ್ತಿ. ಭಾರತದಂತಹ ದೇಶಕ್ಕೆ ಸಮೂಹ ಉತ್ಪಾದನೆ ಬೇಕಿಲ್ಲ. ಸಮೂಹದಿಂದ ಉತ್ಪಾದನೆಯಾಗುವಂತೆ ಮಾಡುವುದೇ ನಮ್ಮ ತತ್ವವಾಗಬೇಕು. ಗುಡಿ ಕೈಗಾರಿಕೆಗಳತ್ತ ಹೆಜ್ಜೆ ಹಾಕುವುದರಿಂದ ಜಾಗತಿಕ ಪರಿಣಾಮ ಕಡಿಮೆಯಾಗಲಿದೆ” ಎಂದರು.

ಗಾಂಧಿವಾದಿ ಸಿ.ಯತಿರಾಜು ಮಾತನಾಡಿ, “ತಂತ್ರಜ್ಞಾನದ ನಾಗಾಲೋಟದಲ್ಲಿ ಶ್ರಮ ಸಂಸ್ಕೃತಿ ನಾಶವಾಗುವುದೇನೋ ಎಂಬ ಆತಂಕ ಎದುರಾಗಿದೆ. ಮಿತಿ ಮೀರಿದ ತಂತ್ರಜ್ಞಾನದಿಂದ ಅಸಮಾನತೆ ಹೆಚ್ಚುತ್ತಿದೆ. ಕೆಲವೇ ಕಂಪನಿಗಳು ಜಗತ್ತನ್ನ ಸುತ್ತುವರೆದಿವೆ. ಇಂತಹ ಬಿಕ್ಕಟ್ಟಿನಲ್ಲಿ ಗಾಂಧಿವಾದವನ್ನು ಪೂರಕವಾಗಿ ಬಳಸಿಕೊಳ್ಳಬಹು”ದು ಎಂದರು.

ಸಭೆಯಲ್ಲಿ ಚಿಂತಕ ಪ್ರೊ.ಕೆ.ದೊರೈರಾಜು, ಜನ ಸಂಗ್ರಾಮ ಪರಿಷತ್‌ನ ಪಂಡಿತ್ ಜವಾಹರ್, ವಿಜ್ಞಾನಿ ದಿನೇಶ್. ಟಿ.ಬಿ., ಸ್ಲಂ ಜನಾಂದೋಲನದ ನರಸಿಂಹ ಮೂರ್ತಿ, ಸಹಜ ಕೃಷಿಕ ರವೀಶ್ ಮತ್ತಿತರರಿದ್ದರು.

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಹಾಸನ | ಕಾಡಾನೆ ದಾಳಿ: ಕಾರ್ಮಿಕ ಸಾವು; ಗ್ರಾಮಸ್ಥರ ಆಕ್ರೋಶ 

ಬೇಲೂರು ತಾಲೂಕಿನಲ್ಲಿ ಕಾಡಾನೆ ದಾಳಿಗೆ ಮತ್ತೊಬ್ಬ ವ್ಯಕ್ತಿ ಸಾವನಪ್ಪಿರುವ ಘಟನೆ ನಡೆದಿದೆ....

ಹಾವೇರಿ | ಟ್ರಾಕ್ಟರ್ ಬೈಕ್ ನಡುವೆ ಅಪಘಾತ; ಬೈಕ್ ಸವಾರ ಸ್ಥಳದಲ್ಲೇ ಸಾವು

ಟ್ರಾಕ್ಟರ್ ಹಾಗೂ ಬೈಕ್ ನಡುವೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಬೈಕ್ ಸವಾರ...

ಹಾಸನ | ಕಾಡಾನೆ ದಾಳಿಗೆ ಕಾರ್ಮಿಕ ಸಾವು 

ಬೇಲೂರು ತಾಲೂಕಿನಲ್ಲಿ ಕಾಡಾನೆ ದಾಳಿಗೆ ಮತ್ತೊಬ್ಬ ವ್ಯಕ್ತಿ ಸಾವನಪ್ಪಿರುವ ಘಟನೆ ನಡೆದಿದೆ. ಕಾಡಾನೆ...

ದಾವಣಗೆರೆ | ಮಕ್ಕಳು ದೇಶದ ಭವಿಷ್ಯ, ಸಮಾಜದ ಆಶಾಕಿರಣ: ಎಲ್.ಎಚ್. ಅರುಣ್‌ ಕುಮಾ‌ರ್

ಮಕ್ಕಳು ದೇಶದ ಭವಿಷ್ಯ, ಸಮಾಜದ ಆಶಾಕಿರಣ ಇಂದಿನ ಮಕ್ಕಳು ಹೇಗಿರುತ್ತಾರೋ ನಾಳೆ...