ಕರೆನ್ಸಿಯು ಜಾಗತಿಕ ಮಾರುಕಟ್ಟೆಯ ಜೀವನಾಡಿ ಎಂದು ಪರಿಗಣಿಸಲಾಗುತ್ತದೆ ಹಾಗೂ ದೇಶದ ಆರ್ಥಿಕ ಚೈತನ್ಯವನ್ನು ಪ್ರತಿಬಿಂಬಿಸುತ್ತದೆ. ಕರೆನ್ಸಿ ಶಕ್ತಿಯು ದೇಶದ ಸ್ಥಿರತೆಗೆ ಹಾಗೂ ದೃಢವಾದ ಆರ್ಥಿಕ ಸುಸ್ಥಿತಿಗೆ ಸಾಕ್ಷಿಯಾಗಿದೆ. ಕರೆನ್ಸಿಯು ಏರಿಕೆ ಕಂಡಂತೆ ಆರ್ಥಿಕತೆಗೆ ಆತ್ಮವಿಶ್ವಾಸ ತುಂಬುವುದು, ಬಂಡವಾಳಗಳನ್ನು ಆಕರ್ಷಿಸುವುದು ಹಾಗೂ ಅಂತಾರಾಷ್ಟ್ರೀಯ ಬಾಂಧವ್ಯವನ್ನು ಗಟ್ಟಿಗೊಳಿಸುತ್ತದೆ.
ಪ್ರಬಲ ಕರೆನ್ಸಿಯು ದೇಶಗಳ ಆರ್ಥಿಕ ಸವಾಲುಗಳನ್ನು ಎದುರಿಸಲು ಅಧಿಕಾರ ನೀಡುತ್ತದೆ ಹಾಗೂ ಜಾಗತಿಕ ಆರ್ಥಿಕ ಅಂತರ್ಸಂಪರ್ಕಕ್ಕೆ ತನ್ನ ಸ್ಥಾನವನ್ನು ಬಲಪಡಿಸುತ್ತದೆ. ಅಮೆರಿಕವು ವಿಶ್ವದ 180 ಕರೆನ್ಸಿಗಳನ್ನು ಕಾನೂನುಬದ್ಧವಾಗಿರುವುದಾಗಿ ಅಧಿಕೃತವಾಗಿ ಗುರುತಿಸಿದೆ. ಇದರಲ್ಲಿ ಕೆಲವು ಕರೆನ್ಸಿಯು ಜನಪ್ರಿಯತೆ ಹೊಂದಿದ್ದು, ವಿಶ್ವದಾದ್ಯಂತ ಉಪಯೋಗಿಸಲಾಗುತ್ತದೆ.
ಕರೆನ್ಸಿ ಸಾಮರ್ಥ್ಯವು ಪೂರೈಕೆ ಮತ್ತು ಬೇಡಿಕೆಯ ಸೂಕ್ಷ್ಮ ಓಲಾಟವಾಗಿದ್ದು, ಬಡ್ಡಿ ದರಗಳು ಮತ್ತು ಹಣದುಬ್ಬರದಿಂದ ಭೌಗೋಳಿಕ ರಾಜಕೀಯ ಸ್ಥಿರತೆಯವರೆಗಿನ ಅಂಶಗಳಿಂದ ಪ್ರಭಾವಿತವಾಗಿರುತ್ತದೆ.
ದೃಢವಾದ ಕರೆನ್ಸಿಯು ದೇಶದ ಕೊಳ್ಳುವ ಶಕ್ತಿಯನ್ನು ಹೆಚ್ಚಿಸುವುದಲ್ಲದೆ ವಿಶ್ವದ ವೇದಿಕೆಯಲ್ಲಿ ಅದರ ವಿಶ್ವಾಸಾರ್ಹತೆಯನ್ನು ಒತ್ತಿ ಹೇಳುತ್ತದೆ. ಹೂಡಿಕೆದಾರರು ದೃಢವಾಗಿ ನಿಂತಿರುವ ಕರೆನ್ಸಿಗಳಲ್ಲಿ ಆಶ್ರಯ ಪಡೆಯುತ್ತಾರೆ, ಇದು ವಿಶ್ವಾದ್ಯಂತ ಹಣಕಾಸು ಮಾರುಕಟ್ಟೆಗಳನ್ನು ರೂಪಿಸುವ ಏರಿಳಿತದ ಪರಿಣಾಮವನ್ನು ಸೃಷ್ಟಿಸುತ್ತದೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಬಾಕಿ ಖಟ್ಲೆಗಳ ಭಾರದಡಿ ಕುಸಿದಿರುವ ನ್ಯಾಯಾಂಗ ಮತ್ತು ಸಿನಿಕ ಸಾರ್ವಜನಿಕರು
ಫೋರ್ಬ್ಸ್ ದೇಶಗಳ ಪ್ರಾಮುಖ್ಯತೆಗೆ ಕಾರಣವಾಗುವ ಅಂಶಗಳ ಜೊತೆಗೆ ವಿಶ್ವದ ಪ್ರಬಲ 10 ಕರೆನ್ಸಿ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಮೊದಲ ಪಟ್ಟಿಯಲ್ಲಿ ಕುವೈತ್ ದಿನಾರ್ ಸ್ಥಾನ ಪಡೆದಿದೆ ಎಂದು ಫೋರ್ಬ್ಸ್ ಹೇಳಿದೆ. ಒಂದು ಕುವೈತ್ ದಿನಾರ್ ಭಾರತೀಯ ರೂಪಾಯಿಯ 270.23ಗೆ ಸಮ. ಮುಂದಿನದು ಬಹ್ರೇನ್ ದಿನಾರ್, ಇದರ ಮೌಲ್ಯ 220.4 ರೂಪಾಯಿ.
ಮೂರನೇ ಸ್ಥಾನದಲ್ಲಿ ಒಮಾನಿ ರಿಯಾಲ್ (ರೂ. 215.84), 4ನೇ ಸ್ಥಾನ ಜೋರ್ಡಾನ್ ದಿನಾರ್ (ರೂ. 117.10), ಐದನೇ ಸ್ಥಾನ ಜಿಬ್ರಾಲ್ಟರ್ ಪೌಂಡ್ (ರೂ. 105.52), ಆರನೇ ಸ್ಥಾನ ಬ್ರಿಟಿಷ್ ಪೌಂಡ್ (ರೂ. 105.547), ಏಳನೇ ಸ್ಥಾನ ಕೇಯ್‌ಮಂಡ್ ಐಸ್‌ಲ್ಯಾಂಡ್ ಡಾಲರ್(ರೂ. 99.76), ಸ್ವಿಸ್ ಫ್ರಾಂಕ್ (ರೂ. 97.54) ಮತ್ತು ಯುರೋ (ರೂ. 90.80) ಎಂಟು ಮತ್ತು 9ನೇ ಸ್ಥಾನ ಪಡೆದಿದೆ.
ಹತ್ತರ ಪಟ್ಟಿಯ ಕೊನೆಯ ಸ್ಥಾನದಲ್ಲಿ ಅಮೆರಿಕದ ಡಾಲರ್ ಸ್ಥಾನ ಪಡೆದಿದೆ. ಇದರ ಮೌಲ್ಯ ಒಂದು ಡಾಲರ್‌ಗೆ ರೂ. 83.10 ಇದೆ. ಅಮೆರಿಕ ಡಾಲರ್ ಜಾಗತಿಕವಾಗಿ ಹೆಚ್ಚು ಪ್ರಸಾರವಾಗುವ ಕರೆನ್ಸಿಯಾಗಿದೆ. ಅಲ್ಲದೆ ಪ್ರಾಥಮಿಕ ಮೀಸಲು ಕರೆನ್ಸಿಯಾಗಿ ಸ್ಥಾನವನ್ನು ಹೊಂದಿದೆ ಎಂದು ಫೋರ್ಬ್ಸ್ ಹೇಳಿದೆ.
ಅಂತಾರಾಷ್ಟ್ರೀಯ ಹಣಕಾಸು ನಿಧಿಯ ವೆಬ್‌ಸೈಟ್‌ನಲ್ಲಿ ಪ್ರಕಟವಾದ ಬುಧವಾರದ ವಿನಿಮಯ ದರದ ಪ್ರಕಾರ, ಭಾರತದ ರೂಪಾಯಿ 15 ನೇ ಸ್ಥಾನದಲ್ಲಿದೆ. ಪ್ರತಿ ಅಮೆರಿಕ ಡಾಲರ್‌ಗೆ ಭಾರತೀಯ ರೂಪಾಯಿ 82.9 ಮೌಲ್ಯವನ್ನು ಹೊಂದಿದೆ.
ಮೊದಲ ಸ್ಥಾನವನ್ನು ಹೊಂದಿರುವ ಕುವೈತ್ ದಿನಾರ್, 1960 ರಲ್ಲಿ ಪರಿಚಯಿಸಲ್ಪಟ್ಟ ಸಮಯದಿಂದ ಸತತವಾಗಿ ವಿಶ್ವದ ಅತ್ಯಂತ ಬೆಲೆಬಾಳುವ ಕರೆನ್ಸಿಯಾಗಿ ಸ್ಥಾನ ಪಡೆದಿದೆ. ಕುವೈತ್‌ನ ಆರ್ಥಿಕ ಸ್ಥಿರತೆ, ಅದರ ತೈಲ ನಿಕ್ಷೇಪಗಳು ಹಾಗೂ ತೆರಿಗೆ ವ್ಯವಸ್ಥೆಯು ಕರೆನ್ಸಿಯ ಯಶಸ್ಸಿನ ಹಿಂದಿನ ಕಾರಣವಾಗಿದೆ.
