ಬಿಜೆಪಿ ಸರ್ಕಾರ ಬೀಳುವ ಭಯ; ಮಣಿಪುರದಲ್ಲಿ ರಾಷ್ಟ್ರಪತಿ ಶಾಸನ ಹೇರಿದ ಮೋದಿ

Date:

ಹಿಂಸೆ ದ್ವೇಷದ ದಾವಾನಲದಲ್ಲಿ ‘ಬೂದಿ’ಯಾಗುತ್ತಿರುವ ಮಣಿಪುರದಿಂದ ಭೀಭತ್ಸ ಪೈಶಾಚಿಕ ಕೃತ್ಯಗಳು ಅಲೆ ಅಲೆಯಾಗಿ ಮೇಲೆ ತೇಲತೊಡಗಿವೆ. ಹತ್ಯೆಗಳು, ಅಮಾಯಕ ಹೆಣ್ಣುಮಕ್ಕಳ ಮೇಲೆ ಅತ್ಯಾಚಾರಗಳು, ಬೆತ್ತಲೆ ಮೆರವಣಿಗೆಗಳು ನಾಗರಿಕ ಸಮಾಜವನ್ನು ನತಮಸ್ತಕಗೊಳಿಸಿವೆ.

- Advertisement -

ಮಣಿಪುರದ ಮುಖ್ಯಮಂತ್ರಿ ಎನ್.ಬೀರೇನ್ ಸಿಂಗ್ ಕಡೆಗೂ ರಾಜೀನಾಮೆ ನೀಡಿದ ನಂತರ ಬಿಜೆಪಿ ಹೊಸ ಮುಖ್ಯಮಂತ್ರಿಗಾಗಿ ಹುಡುಕುತ್ತಲಿತ್ತು. ಮಣಿಪುರ ವಿಧಾನಸಭೆಯಲ್ಲಿ ಬಿಜೆಪಿ ಪೂರ್ಣ ಬಹುಮತ ಹೊಂದಿದೆ. ಆದರೂ ಸರ್ಕಾರ ಉರುಳುವ ಹೆದರಿಕೆಯ ಕಾರಣ ರಾಷ್ಟ್ರಪತಿ ಆಡಳಿತ ಹೇರಲಾಗಿದೆ. ಡಬಲ್ ಎಂಜಿನ ಸರ್ಕಾರ ಮತ್ತು ಮೋದಿ ಬಿಗಿ ನೇತೃತ್ವದ ನಾಯಕ ಎಂಬ ವರ್ಚಸ್ಸು ಮೊದಲ ಬಾರಿಗೆ ಮಣ್ಣುಪಾಲಾಗಿದೆ.

ರಾಷ್ಟ್ರಪತಿ ಆಡಳಿತ ಹೇರುವ ಅನುಚ್ಛೇದ 356ರ ದುರುಪಯೋಗ ಆಗಿದೆ. ಕಾಂಗ್ರೆಸ್ ವಿರುದ್ಧ ಮಾಡುತ್ತಿದ್ದ ಈ ಆರೋಪ ಇದೀಗ ಮೋದಿ ವಿರುದ್ಧವೇ ತಿರುಗಿದೆ. ದೇಶಹಿತ ಸರ್ವಪ್ರಥಮ ಎನ್ನುವ ಮೋದಿಯವರ ನಿಜ ಬಣ್ಣ ಬಯಲಾಗಿದೆ. ಎರಡು ವರ್ಷಗಳ ಕಾಲ ಮಣಿಪುರವನ್ನು ಜನಾಂಗೀಯ ದ್ವೇಷದಲ್ಲಿ ಹೊತ್ತಿ ಉರಿಸಿದ ಬೀರೇನ್ ಸಿಂಗ್ ಇದೇ ಒಂಬತ್ತರಂದು ಅಧಿಕಾರದಿಂದ ಕೆಳಗಿಳಿದರು. ಅವರ ರಾಜೀನಾಮೆ ಪಡೆಯಲಾಯಿತು. ತರುವಾಯ ಎಲ್ಲರಿಗೂ ಸಮ್ಮತವೆನಿಸುವ ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಆರಿಸುವ ಕಸರತ್ತನ್ನು ಬಿಜೆಪಿ ಆರಂಭಿಸಿತ್ತು.

ಆದರೆ ಹೊಸ ಮುಖ್ಯಮಂತ್ರಿಯ ಕುರಿತು ಒಮ್ಮತ ರೂಪಿಸುವಲ್ಲಿ ಬಿಜೆಪಿ ವರಿಷ್ಠರು ವಿಫಲವಾದರು. ಮೈತೇಯಿಗಳು ಕುಕಿ ನೇತೃತ್ವವನ್ನು, ಕುಕಿಗಳು ಮೈತೇಯಿ ನೇತೃತ್ವವನ್ನು ಒಪ್ಪದೆ ಹೋದರು. ಎರಡೂ ಬಣಗಳ ವಿಶ್ವಾಸ ಗಳಿಸಬಲ್ಲ ಅಭ್ಯರ್ಥಿ ದೊರೆಯಲಿಲ್ಲ. ರಾಷ್ಟ್ರಪತಿ ಶಾಸನ ಅನಿವಾರ್ಯ ಆಯಿತು.

ಈ ರಾಜ್ಯದಲ್ಲಿ ಜನಾಂಗೀಯ ಸಂಘರ್ಷ ಸಿಡಿದು (2003ರ ಮೇ) ಹೆಚ್ಚು ಕಡಿಮೆ ಎರಡು ವರ್ಷಗಳಾಗುತ್ತಿದೆ. 250ಕ್ಕೂ ಹೆಚ್ಚು ಮಂದಿ ಈ ಘರ್ಷಣೆಯಲ್ಲಿ ಸತ್ತಿದ್ದಾರೆ. ವ್ಯಾಪಕ ಹಿಂಸಾಚಾರದ ಕಾರಣ ಮೈತೇಯಿ ಮತ್ತು ಕುಕಿ ಜನಾಂಗಗಳ ಸಾವಿರಾರು ಜನ ನಿರಾಶ್ರಿತರಾಗಿದ್ದಾರೆ.

ಮಯನ್ಮಾರ್ ಎಂಬ ಭಾರತದ ನೆರೆಹೊರೆಯ ದೇಶದ ಸರಹದ್ದಿನಲ್ಲಿರುವ ಮಣಿಪುರಕ್ಕೆ ಜನಾಂಗೀಯ ಹಿಂಸೆ ಹೊಸತೇನೂ ಅಲ್ಲ. ಮೂವತ್ತಮೂರು ಬುಡಕಟ್ಟುಗಳಿರುವ ಮಣಿಪುರದ್ದು ಬಲು ದಟ್ಟ ವೈವಿಧ್ಯ. ಅಷ್ಟೇ ಒಡೆದು ಹಂಚಿ ಹೋಗಿರುವ ಜನಬಾಹುಳ್ಯ. ನಿಜವಾದ ಮಣ್ಣಿನ ಮಕ್ಕಳು ನಾವೇ ಎಂಬ ಸೆಣೆಸಾಟದಲ್ಲಿ ಮೈತೇಯಿ-ಕುಕಿ-ನಾಗಾ ಸಮುದಾಯಗಳು ಪರಸ್ಪರರ ವಿರುದ್ಧ ತುಪಾಕಿಗಳನ್ನು ಎತ್ತಿಕೊಂಡು ಬಹುಕಾಲವಾಯಿತು.

ಮೈತೇಯಿಗಳು ವೈಷ್ಣವ ಸಂಪ್ರದಾಯದ ಹಿಂದೂಗಳು. ಕೇಂದ್ರೀಯ ಕಣಿವೆ ಪ್ರದೇಶ ಅವರ ವಸತಿಸೀಮೆ. ಮಣಿಪುರದ ಜನಸಂಖ್ಯೆಯಲ್ಲಿ ಮೈತೇಯಿಗಳ ಪ್ರಮಾಣ ಶೇ.53ರಷ್ಟು. ಈ ಸಮುದಾಯದಲ್ಲಿ ಹಿಂದೂ ಅಸ್ಮಿತೆಯನ್ನು ಬಡಿದೆಬ್ಬಿಸುವ ಕೆಲಸ ಬಹುಕಾಲದಿಂದ ನಡೆದಿದೆ. ಈ ದುಷ್ಕೃತ್ಯವು ಮಣಿಪುರವನ್ನು ಬಲಿ ತೆಗೆದುಕೊಂಡಿದೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಸಂವಿಧಾನದ ಒಂಬತ್ತನೇ ಅನುಸೂಚಿ: ಉದ್ದೇಶ, ಕಾಯ್ದೆಗಳ ಸೇರ್ಪಡೆ ಮತ್ತು...

ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡದವರ ಮೀಸಲಾತಿ ಕೋಟಾ ಹೆಚ್ಚಿಸಿ ರಾಜ್ಯ ರೂಪಿಸಿದ ಕಾಯ್ದೆಯನ್ನು ಉಚ್ಚ ನ್ಯಾಯಾಲಯ ರದ್ದುಗೊಳಿಸಿರುವುದನ್ನು, ಪರ್ಯಾಯ ಕಂಡುಕೊಳ್ಳದೆ, ರಕ್ಷಿಸಿಕೊಳ್ಳುವ ಉದ್ದೇಶದಿಂದ ಅನುಸೂಚಿ 9ಕ್ಕೆ ಸೇರಿಸಲು ಕೇಂದ್ರ ಸರ್ಕಾರಕ್ಕೆ ರವಾನಿಸಿದೆ....

ಭತ್ತಕ್ಕೆ ಬೆಲೆಯಿಲ್ಲ, ಅಕ್ಕಿ ದರ ಇಳಿಯುತ್ತಲೇ ಇಲ್ಲ!

ಮುಂಗಾರು ಹಂಗಾಮಿನಲ್ಲಿ ದೇಶಾದ್ಯಂತ ಭತ್ತ ಬಿತ್ತನೆ ಪ್ರದೇಶದಲ್ಲಿ ಗಣನೀಯ ಇಳಿಕೆಯಾಗಿದೆ. ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯದ ಅಂಕಿಅಂಶಗಳ ಪ್ರಕಾರ, 2025-26ನೇ ಸಾಲಿನಲ್ಲಿ 449.18 ಲಕ್ಷ ಹೆಕ್ಟೇರ್‌ಗಳಷ್ಟಿದ್ದ ಭತ್ತ ಬಿತ್ತನೆ ಪ್ರದೇಶ,...

ಸಾಮಾಜಿಕ ಜಾಲತಾಣದಲ್ಲಿ Belonging ಆತ್ಮಕಥನ ಬಿಡುಗಡೆ ಸಮಾರಂಭದ ಪಟಗಳದೇ...

ಒಬ್ಬ ತಾಯಿಯ ಬದುಕಿನ ಪುಟಗಳು ಪುಸ್ತಕವಾಗಿ ಹೊರಬಂದ ದಿನ, ಮಕ್ಕಳ ಕಣ್ಣಲ್ಲಿ ಹೆಮ್ಮೆ ಮತ್ತು ವಾತ್ಸಲ್ಯ ಒಟ್ಟಿಗೆ ತುಂಬಿಕೊಂಡಿತ್ತು. ತಾಯಿಯ ಮಾತುಗಳನ್ನು ತದೇಕಚಿತ್ತದಿಂದ ಆಲಿಸುತ್ತಿದ್ದ ರಾಹುಲ್ ಗಾಂಧಿ, ತನ್ನ ಬದುಕಿನ ಅಮೋಘ ಕ್ಷಣಗಳನ್ನು...
manipur 20
ಬೀರೇನ್‌ ಸಿಂಗ್‌ ಸರ್ಕಾರ ರಾಜೀನಾಮೆ ಸಲ್ಲಿಕೆ

ಹಿಂಸೆ ದ್ವೇಷದ ದಾವಾನಲದಲ್ಲಿ ‘ಬೂದಿ’ಯಾಗುತ್ತಿರುವ ಮಣಿಪುರದಿಂದ ಭೀಭತ್ಸ ಪೈಶಾಚಿಕ ಕೃತ್ಯಗಳು ಅಲೆ ಅಲೆಯಾಗಿ ಮೇಲೆ ತೇಲತೊಡಗಿವೆ. ಹತ್ಯೆಗಳು, ಅಮಾಯಕ ಹೆಣ್ಣುಮಕ್ಕಳ ಮೇಲೆ ಅತ್ಯಾಚಾರಗಳು, ಬೆತ್ತಲೆ ಮೆರವಣಿಗೆಗಳು ನಾಗರಿಕ ಸಮಾಜವನ್ನು ನತಮಸ್ತಕಗೊಳಿಸಿವೆ.

ಮಣಿಪುರ ವಿಧಾನಸಭೆಯ ಸದಸ್ಯ ಬಲ 60. ಸರಳಬಹುಮತಕ್ಕೆ 31 ಶಾಸಕರು ಬೇಕು. ಬಿಜೆಪಿಯ ಬಳಿ 37 ಶಾಸಕರಿದ್ದಾರೆ. ಮಿತ್ರಪಕ್ಷಗಳ 11 ಮಂದಿ ಸದಸ್ಯರೂ ಇದ್ದಾರೆ. ಇಷ್ಟೆಲ್ಲ ಬೆಂಬಲದ ಬೆಟ್ಟವೇ ತನ್ನ ಬೆನ್ನಿಗಿದೆ, ಇನ್ನೂ ಮೂರು ವರ್ಷಗಳಷ್ಟು ಅಧಿಕಾರಾವಧಿ ಬಾಕಿ ಇದೆ. ಆದರೂ ರಾಷ್ಟ್ರಪತಿ ಆಡಳಿತ ಜಾರಿಯಾದದ್ದು ದೊಡ್ಡ ವಿಡಂಬನೆಯೇ ಸರಿ.

ಕಳೆದ ಹತ್ತು ವರ್ಷಗಳಿಗೂ ಹೆಚ್ಚಿನ ಮೋದಿ ಆಡಳಿತದಲ್ಲಿ ಬಿಜೆಪಿಗೆ ಬಹುಮತವಿದ್ದ ರಾಜ್ಯದಲ್ಲೂ ರಾಷ್ಟ್ರಪತಿ ಆಡಳಿತ ಹೇರಿರುವ ಮೊದಲ ನಿದರ್ಶನವಿದು. ಮಣಿಪುರದಲ್ಲಿ ಕಾನೂನು-ಸುವ್ಯವಸ್ಥೆ ಮುರಿದು ಬಿದ್ದಿದೆ ಎಂದು ಸುಪ್ರೀಮ್ ಕೋರ್ಟು ಟೀಕೆ ಟಿಪ್ಪಣಿ ಮಾಡಿದಾಗಲೇ ಮುಖ್ಯಮಂತ್ರಿಯನ್ನು ಬದಲಿಸಬೇಕಿತ್ತು. ಆದರೆ ದೇಶದಲ್ಲಿ ಮೂಡಿದ್ದ ಸಾರ್ವಜನಿಕ ಒತ್ತಡಕ್ಕೆ ಯಾಕೆ ಬಗ್ಗಬೇಕು ಎಂಬ ಹಠಮಾರಿತನ ಮತ್ತು ದುರಹಂಕಾರ ದೇಶ ಆಳುವವರನ್ನು ಆವರಿಸಿಕೊಂಡಿತ್ತು.

ಮಣಿಪುರ ವಿಧಾನಸಭೆಯ ಅಧಿವೇಶನ ಕಳೆದ ಬಾರಿ ನಡೆದದ್ದು 2024ರ ಆಗಸ್ಟ್ ನಲ್ಲಿ. ಅಂದಿನಿಂದ ಆರು ತಿಂಗಳ ಒಳಗಾಗಿ ಮತ್ತೊಂದು ಅಧಿವೇಶನ ಕರೆಯಲೇಬೇಕಿತ್ತು. ಸಂವಿಧಾನದ 174 (1) ಅನುಚ್ಛೇದದ ಪ್ರಕಾರ ಎರಡು ವಿಧಾನಸಭೆ ಅಧಿವೇಶನಗಳ ನಡುವಣ ಅಂತರ ಆರು ತಿಂಗಳಿಗಿಂತ ಹೆಚ್ಚು ಕಾಲ ಲಂಬಿಸುವಂತಿಲ್ಲ. 2025ರ ಫೆಬ್ರವರಿ 10ರಿಂದ ಅಧಿವೇಶನ ಆರಂಭ ಆಗಬೇಕಿತ್ತು. ಆದರೆ ಆರಂಭ ಆಗುವ ಮುನ್ನವೇ ಅದನ್ನು ಅಮಾನ್ಯವೆಂದು ಘೋಷಿಸಿದ್ದರು ರಾಜ್ಯಪಾಲ ಭಲ್ಲಾ. ಈ ಅಧಿವೇಶನದಲ್ಲಿ ಬೀರೇನ್ ಸಿಂಗ್ ಅವರ ವಿರುದ್ಧ ಅವಿಶ್ವಾಸ ನಿರ್ಣಯ ಮಂಡನೆಗೆ ತಯಾರಿಗಳು ಜರುಗಿದ್ದವು. ಬೀರೇನ್ ಸಿಂಗ್ ವಿರುದ್ಧ ಪಕ್ಷದೊಳಗೇ ಅಸಮಾಧಾನ ಕುದಿಯುತ್ತಿತ್ತು. 2024ರ ಅಕ್ಟೋಬರ್ ನಲ್ಲಿಯೇ 19 ಮಂದಿ ಬಿಜೆಪಿ ಶಾಸಕರು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೆ ಕಾಗದ ಬರೆದು ಬೀರೇನ್ ಸಿಂಗ್ ಅವರನ್ನು ಮುಖ್ಯಮಂತ್ರಿ ಪದವಿಯಿಂದ ಕೆಳಗಿಳಿಸುವಂತೆ ಒತ್ತಾಯ ಮಾಡಿದ್ದರು.

ಇದನ್ನೂ ಓದಿ ಈ ದಿನ ಸಂಪಾದಕೀಯ | ಹೆಣ್ಣಿನ ಮೇಲೆ ಅಮಾನುಷ ಲೈಂಗಿಕ ಕ್ರೌರ್ಯಕ್ಕೆ ವಿವಾಹವು ಪರವಾನಗಿಯೇ?

ವಿಧಾನಸಭಾ ಅಧಿವೇಶನ ನಡೆಯಗೊಟ್ಟಿದ್ದಲ್ಲಿ ಪ್ರತಿಪಕ್ಷ ಅವಿಶ್ವಾಸ ನಿರ್ಣಯ ಮಂಡಿಸುವುದು ಖಚಿತವಿತ್ತು. ಬಿಜೆಪಿಯ ಹಲವು ಮಂದಿ ಶಾಸಕರು ಪಾರ್ಟಿಯ ‘ವ್ಹಿಪ್’ ಉಲ್ಲಂಘಿಸಿ ಮತದಾನ ಮಾಡುವ ಸೂಚನೆಯನ್ನು ಪಕ್ಷದ ವರಿಷ್ಠರು ಮುಂದಾಗಿಯೇ ಗ್ರಹಿಸಿದ್ದರು. ತನ್ನ ಸರ್ಕಾರ ಉರುಳುವ ಇಂತಹ ಅವಹೇಳನದಿಂದ ಮುಜುಗರದಿಂದ ಪಾರಾಗಬೇಕಿತ್ತು.

ಮತ್ತೊಂದು ಕಾರಣವೂ ಇತ್ತು. ಪ್ರಧಾನಮಂತ್ರಿ ನರೇಂದ್ರ ಮೋದಿ ಟ್ರಂಪ್ ಭೇಟಿಗೆಂದು ಅಮೆರಿಕೆಗೆ ತೆರಳಬೇಕಿತ್ತು. ಅಲ್ಲಿ ಮಣಿಪುರ ಹೊತ್ತಿ ಉರಿದಿರುವ ಕುರಿತು, ಕ್ರೈಸ್ತ ಮತೀಯರ ಮೇಲಿನ ಆಕ್ರಮಣಗಳು ಹಲ್ಲೆಗಳು ಅತ್ಯಾಚಾರಗಳ ಕುರಿತು ಪ್ರಶ್ನೆಗಳು ಏಳುವ ನಿರೀಕ್ಷೆಯಿತ್ತು. ಈ ತರಾತುರಿಯೂ  ಬೀರೇನ್ ಸಿಂಗ್ ನಿರ್ಗಮನಕ್ಕೆ ಕಾರಣವಾಗಿತ್ತು. ರಾಷ್ಟ್ರಪತಿ ಆಡಳಿತ ಹೇರಿಕೆಯ ನಂತರವೂ ಮಣಿಪುರದ ಹಾಲಿ ಹಣೆಬರೆಹ ಬದಲಾಗುವುದು ಕಠಿಣ. ಯಾಕೆಂದರೆ ಈಗಾಗಲೆ ಮಣಿಪುರ ಸರ್ಕಾರವನ್ನು ಕೇಂದ್ರವೇ ನಡೆಸುತ್ತಲಿತ್ತು.

WhatsApp Image 2025 11 17 at 4.03.10 PM
ಡಿ ಉಮಾಪತಿ
+ posts

ಹಿರಿಯ ಪತ್ರಕರ್ತರು

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಡಿ ಉಮಾಪತಿ
ಡಿ ಉಮಾಪತಿ
ಹಿರಿಯ ಪತ್ರಕರ್ತರು

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ವಚನ ಕಲ್ಯಾಣ | ಇವ ನಮ್ಮವನೆಂದೆನಿಸಯ್ಯಾ….

ಇವನಾರವ, ಇವನಾರವ, ಇವನಾರವನೆಂದೆನಿಸದಿರಯ್ಯಾ. ಇವ ನಮ್ಮವ, ಇವ ನಮ್ಮವ, ಇವ ನಮ್ಮವನೆಂದೆನಿಸಯ್ಯಾ....

ವಚನ ಕಲ್ಯಾಣ | ಏಳ್ನೂರೆಪ್ಪತ್ತು ಅಮರಗಣಂಗಳ ಶ್ರೀಪಾದಕ್ಕೆ ಶರಣೆಂದು ಬದುಕಿದೆನು ಕಾಣಾ!

ಎನಗೆ ಗುರುಸ್ಥಲವ ತೋರಿದಾತ ಸಂಗನ ಬಸವಣ್ಣನು. ಎನಗೆ ಲಿಂಗಸ್ಥಲದ ತೋರಿದಾತ ಚನ್ನಬಸವಣ್ಣನು....

ವಚನ ಕಲ್ಯಾಣ | ಮರ್ತ್ಯಲೋಕದ ಮಹಾಮನೆ ಶೂನ್ಯವಾಯಿತ್ತಲ್ಲಾ ಬಸವಣ್ಣಾ…

ಬಸವಣ್ಣಾ, ನೀವು ಮರ್ತ್ಯಕ್ಕೆ ಬಂದು ನಿಂದಡೆ ಭಕ್ತಿಯ ಬೆಳವಿಗೆ ದೆಸೆದೆಸೆಗಲ್ಲಾ ಪಸರಿಸಿತ್ತಲ್ಲಾ!...

ವಚನ ಕಲ್ಯಾಣ | ಭಕ್ತಂಗೆ ಸುಖವೂ ಸರಿ, ದುಃಖವೂ ಸರಿ..

ಭಕ್ತಂಗೆ ಸುಖವೂ ಸರಿ, ದುಃಖವೂ ಸರಿ, ಉರಿ ಸಿರಿ ಉಭಯವೂ ಸರಿ...