ನಿಮಗೆ ಅಗತ್ಯವಿರುವ ತೈಲವನ್ನು ನೀವೇ ತಂದುಕೊಳ್ಳಿ ಎಂದು ಅನ್ಯ ರಾಷ್ಟ್ರಗಳಿಗೆ ಟ್ರಂಪ್‌ ಸೂಚನೆ ನಿಡಿದ್ದಾರೆ. ಕೆಲವು ರಾಷ್ಟ್ರಗಳು ತಮಗಾಗಿ ತಾವು ಹೋರಾಡುವುದನ್ನು ಕಲಿಯಬೇಕು. ಅಮೆರಿಕ ಆ ರಾಷ್ಟ್ರಗಳಿಗೆ ಸಲಹೆ ನೀಡಲು ಹೋಗದು, ಸಹಕಾರವೂ ನೀಡದು. ಮೈತ್ರಿ ರಾಷ್ಟ್ರಗಳು ಅಮೆರಿಕವನ್ನು ಏಕಾಂಗಿ ಮಾಡಿದ ಹಾಗೆ ಅಮೆರಿಕ ಕೂಡ ಕೆಲ ದೇಶಗಳನ್ನು ಈ ಹೋರಾಟದಲ್ಲಿ ಏಕಾಂಗಿಯಾಗಿಸಲಿದೆ ಎಂದಿದ್ದಾರೆ.
ಇರಾನ್ ಜೊತೆಗಿನ ಅಮೆರಿಕ ಸಂಘರ್ಷದಲ್ಲಿ ಭಾಗಿಯಾಗದ ತನ್ನ ಮೈತ್ರಿ ಕೂಟದಲ್ಲಿನ ದೇಶಗಳಿಗೆ ಎಚ್ಚರಿಸಿರುವ ಟ್ರಂಪ್‌ , ಇರಾನ್‌ನೊಡನೆ ಅಮೆರಿಕ ಯುದ್ಧಕ್ಕಿಳಿದಾಗ ನೆರವಿಗೆ ಬಾರದ ದೇಶಗಳಿಗೆ ಅಮೆರಿಕ ಯಾವುದೇ ಸಹಕಾರ ನೀಡುವುದಿಲ್ಲ. ನೀವು ನಿಮಗೆ ಬೇಕಾದ ತೈಲವನ್ನು ಸ್ವತಃ ಹಾರ್ಮುಜ್ ಜಲಸಂಧಿಯ ಮೂಲಕ ತಂದುಕೊಳ್ಳಿ ಎಂದಿದ್ದಾರೆ.
ಇದನ್ನು ಓದಿ>>ಯುದ್ಧ ನಿಲ್ಲಲ್ಲ, ಹಾರ್ಮುಜ್ ತೆರೆಯಲ್ಲ: ಟ್ರಂಪ್‌ಗೆ ಇರಾನ್ ಸಡ್ಡು
ಟ್ರುತ್‌ ಸೋಷಿಯಲ್‌ ಎಂಬ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿರುವ ಅಮೆರಿಕ ಅಧ್ಯಕ್ಷ, ತಟಸ್ಥ ರಾಷ್ಟ್ರಗಳ ಮೇಲಿನ ತಮ್ಮ ಜಿಜ್ಞಾಸೆಯನ್ನು ಬಹಿರಂಗವಾಗಿ ಬರೆದುಕೊಂಡಿದ್ದಾರೆ.
ಕೆಲವು ರಾಷ್ಟ್ರಗಳಿಗೆ ಬೇರೆ ಯಾವುದೇ ಆಯ್ಕೆ ಇಲ್ಲ, ಒಂದೋ ಅಮೆರಿಕದಿಂದ ತೈಲ ಖರೀದಿ ಮಾಡಬೇಕು. ಅಮೆರಿಕದ ಬಳಿ ಬೇಕಾದಷ್ಟು ತೈಲ ದಾಸ್ತಾವೇಜು ಇದೆ. ಇಲ್ಲವೇ ಇರಾನ್ ನಿರ್ಬಂಧಿಸಿರುವ ಹಾರ್ಮುಜ್ ಮಾರ್ಗದಿಂದ ತೈಲ ಆಮದು ಮಾಡಿಕೊಳ್ಳಬೇಕು ಎಂದಿದ್ದಾರೆ.
ಇರಾನ್‌ನ ಮೇಲೆ ಅಸಮಧಾನ ಹೊರಹಾಕಿರುವ ಟ್ರಂಪ್‌ ಇರಾನ್ ಹಾರ್ಮುಜ್ ಜಲಮಾರ್ಗವನ್ನು ಮುಕ್ತಗೊಳಿಸದಿದ್ದರೆ ಕಠಿಣ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದೆ.
ಟ್ರಂಪ್‌ನ ಆವೇಶದ ಮಾತುಗಳಿಗೆ ಪ್ರತಿಕ್ರಿಯಿಸಿರುವ ಇರಾನ್ ವಿದೇಶಾಂಗ ಸಚಿವ ಅಗರಾಚಿ, ಟೆಹರಾನ್‌ ಅಮೆರಿಕವನ್ನು ಮಾತ್ರ ಗುರಿಯಾಗಿಸಿದೆ. ಅಮೆರಿಕಗೆ ಇರಾನ್ ಸೇರಿದಂತೆ ಯಾವ ಅರಬ್‌ ರಾಷ್ಟ್ರಗಳ ಮೇಲೂ ಕಿಂಚಿತ್ತೂ ಗೌರವವಿಲ್ಲ. ಅಮೆರಿಕದ ರಕ್ಷಣೆಗೆ ಯಾರೂ ಬರಲಾರರು ಎಂದಿದ್ದಾರೆ.
