ಈ ಯುದ್ದ ತನ್ನದಲ್ಲ ಎಂದು ಬ್ರಿಟನ್‌ ಹೇಳಿಕೆ ನೀಡಿದೆ. ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಅಮೆರಿಕ ಹಾಗೂ ಇಸ್ರೇಲ್‌ ಜಂಟಿಯಾಗಿ ಕೈಗೊಂಡ ಯುದ್ಧಕ್ಕೆ ಬಹುತೇಕ ರಾಷ್ಟ್ರಗಳು ವಿರೋಧ ವ್ಯಕ್ತಪಡಿಸಿವೆ. ಯುಕೆ ಈ ಯುದ್ದದಲ್ಲಿ ತಾನು ಪಾಲುಗೊಳ್ಳುವುದಿಲ್ಲ ಎಂದು ಅಮೆರಿಕಗೆ ಸ್ಪಷ್ಟ ಅಸಹಾಕಾರ ಸೂಚಿಸಿದೆ.
ಹಾರ್ಮುಜ್‌ ಜಲ ಮಾರ್ಗವನ್ನು ಮುಕ್ತವಾಗಿಸಲು ಅಮೆರಿಕ ಇತರ ರಾಷ್ಟ್ರಗಳ ಸಹಕಾರ ಬಯಸಿತ್ತು. ನಿಮಗೆ ಬೇಕಾದ ತೈಲವನ್ನು ನೀವೇ ಹಾರ್ಮುಜ್‌ನಿಂದ ತಂದುಕೊಳ್ಳಿ. ಇಲ್ಲವೇ ಅಮೆರಿಕದಿಂದ ಕೊಳ್ಳಿರಿ ಎಂದು ತನ್ನ ಮೈತ್ರಿ ರಾಷ್ಟ್ರಗಳಿಗೆ ಸಂದೇಶ ನೀಡಿದ್ದ ಟ್ರಂಪ್‌ ಪರೋಕ್ಷವಾಗಿ ಅಮೆರಿಕದ ಈ ಯುದ್ದಕ್ಕೆ ಅನ್ಯ ರಾಷ್ಟ್ರಗಳು ಧುಮುಕದ ಕುರಿತ ಅಸಮಾಧಾನ ಹೊರಹಾಕಿದ್ದರು.
ಯುನೈಟೆಡ್‌ ಕಿಂಗ್‌ಡಮ್‌ ಪ್ರಧಾನಿ ಕೈರ್‌ ಸ್ಟಾಮರ್‌ ಬ್ರಿಟನ್‌ ಮಧ್ಯಪ್ರಾಚ್ಯ ಯುದ್ಧದಲ್ಲಿ ಪಾಲ್ಗೊಳ್ಳುವುದಿಲ್ಲ, ಈ ಯುದ್ಧ ನಮ್ಮ ದೇಶದ ಹಿತಾಶಕ್ತಿಗೆ ಅನುಗುಣವಾಗಿಲ್ಲ ಎಂದು ಹೇಳಿದ್ದಾರೆ.
ಜಾಗತಿಕ ಇಂಧನ ಪೂರೈಕೆಯಲ್ಲಿ ಸಂಭವಿಸಿರುವ ವ್ಯತ್ಯಯದ ಕುರಿತು ಚರ್ಚಿಸಲು ಬ್ರಿಟನ್‌ 35 ದೇಶಗಳ ಸಭೆಯನ್ನು ಕರೆಯಲಿದೆ. ಹಾರ್ಮುಜ್‌ ಜಲಮಾರ್ಗದ ಮೂಲಕ ನಡೆಯುತ್ತಿದ್ದ ವಾಣಿಜ್ಯ ವಹಿವಾಟುಗಳು ಪುನರಾರಂಭದ ಕುರಿತು ಈ ಸಭೆಯಲ್ಲಿ ಚರ್ಚಿಸಲಾಗುತ್ತದೆ ಎಂದಿದ್ದಾರೆ.
ಪ್ರಸ್ತುತ ಸಭೆಯಲ್ಲಿ ರಾಜತಾಂತ್ರಿಕ ಹಾಗೂ ರಾಜಕೀಯ ತತ್ವಗಳ ಮೂಲಕ ಸಮುದ್ರಯಾನದ ಸುರಕ್ಷತೆ, ಹಾಗೂ ಸಮುದ್ರಯಾನಿಗಳ ರಕ್ಷಣೆ ಸೇರಿದಂತೆ, ವಶಪಡಿಸಲಾದ ವಾಣಿಜ್ಯ ಹಡಗುಗಳ ಹಿಂದಿರುಗುವಿಕೆಯ ಕುರಿತು ಈ ಸಭೆಯಲ್ಲಿ ಚರ್ಚಿಸಲಾಗುತ್ತದೆ ಎಂದಿದ್ದಾರೆ.
ಯಾವ ಒತ್ತಯಾಗಳಿಗು ಮಣಿದು ಯುದ್ಧಕ್ಕೆ ಕೈ ಜೋಡಿಸುವುದಿಲ್ಲ, ರಾಷ್ಟ್ರದ ಹಿತಾಸಕ್ತಿಯ ವಿರುದ್ಧ ನಾನು ನಡೆಯುವುದಿಲ್ಲ ಎಂದಿರುವ ಸ್ಟಾಮರ್‌ ನಾನು ಬ್ರಿಟನ್ನಿನ ಆಸಕ್ತಿಗಳ ಮೇರೆಗೆ ಕಾರ್ಯ ನಿರ್ವಹಿಸುವ ಮಾತಿಗೆ ಬದ್ದನಾಗಿದ್ದೇನೆ ಎಂದು ಮಾಧ್ಯಮದ ಮುಂದೆ ಹೇಳಿಕೆ ನೀಡಿದ್ದಾರೆ.
ರಾಜತಾಂತ್ರಿಕ ನೀತಿಗಳ ಮೂಲಕ ಜಾಗತಿಕ ವಲಯದ ವ್ಯಾಪಾರಕ್ಕೆ ಎದುರಾಗಿರುವ ಸಂದಿಗ್ಧವನ್ನು ಪರಿಹರಿಸುವ ಪ್ರಯತ್ನದಲ್ಲಿ ಬ್ರಿಟನ್‌ ನಿರತವಾಗಿದೆ ಎಂದಿದ್ದಾರೆ.
ನ್ಯಾಟೊ ಒಕ್ಕೂಟದ ಕುರಿತ ಅದೊಂದು ಕಾಗದದ ಹುಲಿ ಎಂಬ ಟ್ರಂಪ್‌ ಟೀಕೆಗೆ ಉತ್ತರಿಸಿದ ಬ್ರಿಟನ್‌ ಪ್ರಧಾನಿ, ನ್ಯಾಟೊ ಜಗತ್ತು ಕಂಡ ಶಕ್ತಿಶಾಲಿ ಹಾಗೂ ಬದ್ಧತೆಯ ಮಿಲಿಟರಿ ಒಕ್ಕೂಟ. ಬ್ರಿಟನ್‌ ನ್ಯಾಟೊದ ನಿಯಮಗಳನ್ನು ಅನುಸರಿಸಲಿದೆ ಎಂದಿದ್ದಾರೆ.
