ಹಿಮ ಯುಗದ ಕಂದು ತೋಳಗಳ ಸಂತತಿ ಭೂಮಿಯ ಮೊದಲ ಶ್ವಾನ ಸಂತತಿ. ಇವು ಮನುಷ್ಯ ವಾಸಸ್ಥಳಗಳ ಬಳಿ ಬಂದು ತಂಗುತ್ತಿದ್ದವು. ದಿನಕಳೆದಂತೆ ಅವನ ಬೇಟೆಯ ಅಳಿದುಳಿದ ಭಾಗವನ್ನು ಇವುಗಳಿಗೆ ಕೊಟ್ಟು ನಿಧಾನವಾಗಿ ಈ ತೋಳ ರೂಪದ ನಾಯಿಗಳನ್ನು ಪಳಗಿಸಿಕೊಂಡ ಹಿಮಯುಗದ ಮಾನವ, ಬೇಟೆಗೆ ಈ ನಾಯಿಗಳನ್ನು ಕರೆದೊಯ್ಯುತ್ತಿದ್ದ. ಕಾಲಕಳೆದಂತೆ ಈ ವ್ಯಾಘ್ರಗಳು ಅವನ ಸಹಕರ್ಮಿಗಳಾಗಿ, ಸಾಕುಪ್ರಾಣಿಗಳಾಗಿ ಮಾರ್ಪಟ್ಟವು.
ವಿಜ್ಞಾನ ಪ್ರತಿದಿನ ಒಂದಿಲ್ಲೊಂದು ವಿಸ್ಮಯವನ್ನ ನಮಗೆ ಉಣಬಡಿಸುತ್ತಲೇ ಇದೆ. ಈಗ ಇಂತಹದ್ದೇ ಒಂದು ಸಂಶೋಧನೆಯು ಮನುಷ್ಯ ಮತ್ತು ನಾಯಿಯ ನಡುವಿನ ಸ್ನೇಹಕ್ಕೆ15000 ವರುಷಗಳ ಇತಿಹಾಸವಿದೆ ಎಂಬ ವಿಷಯವನ್ನು ಬಹಿರಂಗಗೊಳಿಸಿದೆ.
ಸೊಮರೆಸ್ಟ್‌ ಎಂಬ ಗುಹೆಯಲ್ಲಿ ದೊರೆತ ದವಡೆ ಮೂಳೆ ಶ್ವಾನದೊಂದಿಗಿನ ಮನುಷ್ಯನ ಸ್ನೇಹದ ಕುರಿತ ಇತಿಹಾಸವನ್ನು ತಿದ್ದಿ ಬರೆಯಲು ಕಾರಣವಾಗಿದೆ. ಡಿಎನ್‌ಎ ಪರೀಕ್ಷೆ ಸುಮಾರು 15000 ವರ್ಷ ಹಿಂದೆಯೇ ನಾಯಿ ಮನುಷ್ಯನ ಒಡನಾಡಿಯಾಗಿತ್ತು ಎಂಬುದನ್ನು ತಿಳಿಸಿದೆ. ಬೆಕ್ಕು ಇನ್ನಿತರೆ ಸಾಕು ಪ್ರಾಣಿಗಳಿಗಿಂತ ಮುಂಚೆಯೇ ನಾಯಿ ಮನುಷ್ಯನ ಮನ ಮನೆಯನ್ನು ಸೇರಿತ್ತು ಎಂದು ಈ ಸಂಶೋಧನೆಯಿಂದ ತಿಳಿದಿದೆ.
ನಾಯಿಗಳು ಶಿಲಾಯುಗ ಮಾನವನಿಗೆ ತುಂಬಾ ಹತ್ತಿರದ ಒಡನಾಟವಿದ್ದು, ʼಸಣ್ಣದೊಂದು ಮೂಳೆಯ ತುಣುಕು ಮಾನವ ಹಾಗು ಶ್ವಾನಗಳ ನಡುವೆ ಬೆಳೆದಿದ್ದ ಆತ್ಮೀಯತೆಯ ಕತೆಯನ್ನು ನಮ್ಮ ಮುಂದೆ ತೆರೆದಿಡಲು ಸಹಾಯ ಮಾಡಿದೆʼ ಎಂದು ಪ್ರಾಕೃತಿಕ ಇತಿಹಾಸ ಸಂಗ್ರಹಾಲಯದ ವಿಜ್ಞಾನಿ ವಿಲಿಯಂ ಮಾರ್ಶ್‌ ಸಂತಸ ವ್ಯಕ್ತಪಡಿಸಿದರು.
ಹಿಮ ಯುಗದ ಕಂದು ತೋಳಗಳ ಪೂರ್ವಜರು ಭೂಮಿಯ ಮೊದಲ ಶ್ವಾನ ಸಂತತಿ, ಇವು ಮನುಷ್ಯ ವಾಸಸ್ಥಳಗಳ ಬಳಿ ಬಂದು ತಂಗುತ್ತಿದ್ದವು ದಿನಕಳೆದಂತೆ ಅವನ ಬೇಟೆಯ ಅಳಿದುಳಿದ ಭಾಗವನ್ನು ಇವುಗಳಿಗೆ ಕೊಟ್ಟು ನಿಧಾನವಾಗಿ ಈ ತೋಳ ರೂಪದ ನಾಯಿಗಳನ್ನು ಪಳಗಿಸಿಕೊಂಡ ಹಿಮಯುಗದ ಮಾನವ ಬೇಟೆಗೆ ಈ ನಾಯಿಗಳನ್ನು ಕರೆದೊಯ್ಯುತ್ತಿದ್ದ. ಕಾಲಕಳೆದಂತೆ ಈ ವ್ಯಾಘ್ರಗಳು ಅವನ ಸಹಕರ್ಮಿಗಳಾಗಿ, ಸಾಕುಪ್ರಾಣಿಗಳಾಗಿ ಮಾರ್ಪಟ್ಟವು.
ಶತಮಾನಗಳ ತಳಿ ರೂಪಾಂತರದ ನಂತರ ಮಡಿಲಲ್ಲಿ ಸಣ್ಣ ಮಗುವಾಗಿ ಮಲಗುವ ನಾಯಿಗಳಿಂದ ಹಿಡಿದು ದೈತ್ಯ ಕಾವಲುನಾಯಿಗಳ ತನಕ ಹಲವು ತಳಿಗಳನ್ನು ನಾವಿಂದು ಕಾಣಬಹುದು. ಡಾಕ್ಟರ್‌ ಸೆಲಿನಾ ಬ್ರೇಸ್‌ ಅಭಿಪ್ರಾಯದಂತೆ ನಮ್ಮ ಶ್ವಾನ ಪೂರ್ವಿಕರು ನಮ್ಮ ಪೂರ್ವಜರ ಜೊತೆಗೆ ಬೆಟ್ಟ ಗುಡ್ಡ ಅಲೆಯುತ್ತಾ ತನ್ನ ಯಜಮಾನ ತಿನ್ನುವ ಆಹಾರವನ್ನೇ ತಾನು ತಿಂದಿದೆ. ಇದು ನಾಯಿಗಳೊಡನೆ ಮನುಷನಿಗಿದ್ದ ಬಾಂಧವ್ಯಕ್ಕೆ ಸಾಕ್ಷಿ ಎಂದಿದ್ದಾರೆ.
15000 ವರುಷಗಳಿಂದ ಇಲ್ಲಿಯವರೆಗೂ ಬೆಳೆದುಬಂದ ಸುಧೀರ್ಘ ಸ್ನೇಹದ ಕುರಿತು ಕುತೂಹಲ ಹಾಗೂ ಅಚ್ಚರಿಯಾಗುತ್ತದೆ. ಜರ್ಮನಿ ಇಟಲಿ ಸ್ವಿಡ್ಜರ್ಲೆಂಡ್‌ನ ಕೆಲ ಗುಹೆಗಳಲ್ಲಿ ಮನುಷ್ಯನ ಸಮಾಧಿಯ ಪಕ್ಕದಲ್ಲಿ ನಾಯಿಯನ್ನು ಹೂಳಲಾಗಿದೆ ಇದು ಮನುಜ ಮತ್ತು ಶ್ವಾನಗಳ ನಡುವಿದ್ದ ಆಳವಾದ ಸಾಂಗತ್ಯಕ್ಕೆ ಸಾಕ್ಷಿ ಎನ್ನಲಾಗುತ್ತಿದೆ.
