ಶ್ರೀಮಂತರ ಈ ನಾಡಿನಲ್ಲಿ ಸಾಮಾನ್ಯ ಬಡವನು ಕೂಡ ಇಲ್ಲಿಯವರೆಗೆ ಬಾಳಿ ಬದುಕುತ್ತಿದ್ದಾನೆ ಸರಿಯಾದಂತಹ ಪರಿಜ್ಞಾನ ಇಲ್ಲದಿರುವಂತಹ ಸಂದರ್ಭಗಳಲ್ಲಿ ಪಶ್ಚಿಮಘಟ್ಟ ಸುರಕ್ಷಿತವಾಗಿರಬೇಕು. ಪಶ್ಚಿಮಘಟ್ಟಕ್ಕೆ ಯಾವುದೇ ಹಾನಿ ಮಾಡುವ ಉದ್ದೇಶವಿಲ್ಲ, ಆದರೆ ಇಂತಹ ಪ್ರದೇಶದಲ್ಲಿ 1449 ಗ್ರಾಮೀಣ ಭಾಗಗಳನ್ನು ವರದಿಯಲ್ಲಿ ಗುರುತಿಸಿದ್ದಾರೆ. ಅದರಲ್ಲೂ ಈ ಪ್ರಾಂತ್ಯದಲ್ಲಿ 137 ಹಳ್ಳಿಗಳ ಹೆಸರುಗಳನ್ನು ದಾಖಲಾಗಿದೆ, ಕಸ್ತೂರಿರಂಗನ್ ವರದಿ ಜಾರಿ ಏನಾದರೂ ಆದರೆ ಈ ಭಾಗದಲ್ಲಿ ಜೀವಸಂಕುಲ ಬದುಕಿ ಬಾಳ್ವಿಕೆಗೆ ಬಹಳಷ್ಟು ಕಷ್ಟವಾಗುವಂತಹ ಪರಿಸ್ಥಿತಿ ಇದೆ.
ಕಸ್ತೂರಿ ರಂಗನ್ ಶಿಫಾರಸುಗಳ ಬಗ್ಗೆ ಗ್ರಾಮೀಣ ಭಾಗಗಳ ಜನರಿಗೆ ಹೆಚ್ಚಿನ ತಿಳುವಳಿಕೆ ಇಲ್ಲ.
ಕೆಲವು ಜನರು ಸೇರಿ ರಚನೆ ಮಾಡಿರುವಂತಹ ನಿಬಂಧನೆಗಳಿಗೆ ಇವತ್ತು ಹೊರಡಬೇಕಾದ ಸನ್ನಿವೇಶವಾಗಿದೆ. ವರದಿ ಜಾರಿ ಮಾಡುವ ಹಂತದಲ್ಲಿ ಬಂದಿರುವಾಗ ಇದರ ಸಂಕಷ್ಟ ಹಿಂದಿರುವಂತಹ ಸಮಸ್ಯೆಯನ್ನು ಜನರಿಗೆ ಈಗ ಅರ್ಥವಾಗುತ್ತಿದೆ ಎಂದು ಬಾಳೆಹೊನ್ನೂರಿನ ರಂಭಾಪುರಿ ಸ್ವಾಮೀಜಿ ಸಮಾವೇಶದಲ್ಲಿ ತಿಳಿಸಿದರು.
ಕರ್ನಾಟಕದಲ್ಲಿ ಕಾಂಗ್ರೆಸ್ ಸರ್ಕಾರವಿದೆ, ಕೇಂದ್ರದಲ್ಲಿ ಬಿಜೆಪಿ ಸರ್ಕಾರವಿದೆ. ಆದರೆ ಸರ್ಕಾರ ಯಾವುದೇ ರೀತಿಯಲ್ಲಿ ಸರ್ಕಾರಗಳು ಇರುವುದಕ್ಕಿಂತ ಹೆಚ್ಚಾಗಿ ಮಲೆನಾಡಿನ ಪ್ರಾಂತ್ಯದ ಜನರ ನೋವುಗಳು ಏನಿದೆ ಕಸ್ತೂರಿರಂಗನ್ ವರದಿ ಜಾರಿ ಮಾಡಿದರೆ ಈ ಭಾಗದ ಜನರಿಗೆ ಏನೆಲ್ಲ ಸಮಸ್ಯೆಯಾಗುತ್ತದೆ ಎಂದು ಮುಕ್ತಗೊಳಿಸುವ ವಿಚಾರಗಳನ್ನು ಪಕ್ಷತೀತವಾಗಿ, ಜಾತ್ಯತೀತವಾಗಿ ಎಲ್ಲರೂ ಒಗ್ಗಟ್ಟಿನಿಂದ ಹೋರಾಟ ಮಾಡಬೇಕಾದ ಅನಿವಾರ್ಯ ಅಷ್ಟೇ ಹಾಗೂ ಅವಶ್ಯಕತೆಯಾಗಿದೆ.
ಇಲ್ಲಿಯವರೆಗೂ ಕಸ್ತೂರಿರಂಗನ್ ವರದಿಯನ್ನು ವಿರೋಧಿಸುತ್ತಾ ಬಂದಿದ್ದೇವೆ ಪದೇ ಪದೇ 7ನೇ ಬಾರಿಗೆ ಅಧಿಸೂಚನೆ ಹೊರಡಿಸಿರುವುದನ್ನು ಮಲೆನಾಡಿನ ಜನರಿಗೆ ಆತಂಕವನ್ನು ಉಂಟುಮಾಡಿದೆ. ಕೃಷಿ, ತೋಟಗಾರಿಕ ಬೆಳೆಗಳಿಗಾಗಿರಬಹುದು ಯಾವುದೇ ಕೆಲಸಕ್ಕಾಗಿರಬಹುದು ಅಭಿವೃದ್ಧಿ ಕಾರ್ಯಕ್ಕಾಗಿರಬಹುದು ಈ ವರದಿ ಜಾರಿಯಾದರೆ ಇಲ್ಲದಕ್ಕೂ ನಿರ್ಬಂಧವಾಗುತ್ತದೆ ಎಂದು ರಂಭಾಪುರಿ ಸ್ವಾಮೀಜಿ ಸಮಾವೇಶದಲ್ಲಿ ತಿಳಿಸಿದರು.
ಇದನ್ನೂ ಓದಿದ್ದೀರಾ?ಕಸ್ತೂರಿರಂಗನ್ ವರದಿ: ಕೇಂದ್ರ ಸರ್ಕಾರ ವಜಾ ಗೊಳಿಸದಿದ್ದರೆ ಪರಿಣಾಮ ಎದುರಿಸಬೇಕಾಗುತ್ತದೆ; ಮಲೆನಾಡಿನ ಜನತೆ
ಈ ಭಾಗದವರು ಸರ್ಕಾರದಲ್ಲಿ ಅಧಿಕಾರದಲ್ಲಿದ್ದಿದ್ದರೆ (ಮಂತ್ರಿಯಾಗಿದ್ದರೆ )ಅವರಿಗೆ ಈ ಸಮಸ್ಯೆಗಳನ್ನು ಹೇಳಿ ಪರಿಹಾರ ಮಾಡಿಕೊಳ್ಳುವುದಕ್ಕೆ ಸಾಧ್ಯವಾಗುತ್ತಿತ್ತು. ಅಂತಹ ಅವಕಾಶಗಳಿಲ್ಲದೆ ಬೇರೆ ಬೇರೆಯವರು ನಮ್ಮ ಜಿಲ್ಲೆಗಳಿಗೆ ಇಲ್ಲಿನ ಉಸ್ತುವಾರಿ ನೋಡಿಕುಳ್ಳುತ್ತಿದ್ದಾರೆ. ಇದು ಬಹಳಷ್ಟು ವರ್ಷಗಳಿಂದ ನಡೆದುಕೊಂಡು ಬರೋದನ್ನ ನೋಡುತ್ತಿದ್ದೇವೆ. ಎಲ್ಲರಿಗೂ ಹೇಳುವುದು ಇಷ್ಟೇ ಪಕ್ಷತೀತ ಜಾತ್ಯತೀತವಾಗಿ ಒಗ್ಗಟ್ಟಾಗಿ ಹೋರಾಟವನ್ನು ಮುನ್ನಡೆಸಬೇಕಿದೆ. ಮಲೆನಾಡಿನ ಜನರು ಈ ಕುರಿತು ಎಲ್ಲರೂ ಗಟ್ಟಿ ದ್ವನಿಯನ್ನು ಎತ್ತಿ ಹೋರಾಟ ಮಾಡಬೇಕಿದೆ. ನಿಮ್ಮ ಹೋರಾಟಕ್ಕೆ ನಾವು ಕೂಡ ಒಬ್ಬರಾಗಿ ಬರುತ್ತೇವೆ ಎಂದು ರಂಭಾಪುರಿ ಸ್ವಾಮೀಜಿ ಸಮಾವೇಶದಲ್ಲಿ ತಿಳಿಸಿದರು.
