“ರೋಶನಿ ಸೇವಾ ಸಂಸ್ಥೆಯ ವಿನೂತನ ಕಾರ್ಯಕ್ರಮವಾಗಿದ್ದು, ಮನೆಯಲ್ಲಿ ಇರುವ ವಿಧವಾ ಮಹಿಳೆಯರು, ಹದಿನೈದು ವರ್ಷದ ಒಳಗೆ ಇರುವ ಮಕ್ಕಳ ತಾಯಂದಿರು, ಅಂಗವಿಕಲ ಮಕ್ಕಳ ತಾಯಂದಿರಿಗೆ ಹಾಗೂ ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳಿಗೆ ಆರ್ಥಿಕ ಸದೃಡ ಮಾಡಲು, ತಮಗೆ ಸಹಾಯ ಮಾಡುತ್ತಿದ್ದು, ಸ್ವ ಉದ್ಯೋಗದಿಂದ ಬದುಕು ಕಟ್ಟಿಕೊಳ್ಳಲು ಹೊಲಿಗೆ ತರಬೇತಿ ಅನುಕುಲವಾಗಿದೆ” ಎಂದು ಮಹಿಳೆಯರಿಗೆ ರೋಶನಿ ಸೇವಾ ಸಂಸ್ಥೆಯ ನಿರ್ಧೇಶಕರು ಸಿಸ್ಟರ್ ಅನಿತಾ ಡಿಸೋಜಾ ಹೇಳಿದರು.
ಹಾವೇರಿ ಜಿಲ್ಲೆಯ ಹಾನಗಲ್ ಪಟ್ಟಣದ ರೋಶನಿ ಸೇವಾ ಸಂಸ್ಥೆ ಸಭಾಂಗಣದಲ್ಲಿ ಮಹಿಳೆಯರಿಗೆ ಹೊಲಿಗೆ ತರಬೇತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
“ಈ ಹೊಲಿಗೆ ಯಂತ್ರ ತರಬೇತಿಗೆ ಇಪ್ಪತೈದು ಜನರನ್ನು ಆಯ್ಕೆ ಮಾಡಿಕೊಂಡು ಒಬ್ಬರಿಗೆ ಒಬ್ಬರು ದಾನಿಗಳನ್ನು ಹುಡುಕಿ, ಅವರಿಂದ ನಿಮಗೆ ಆರ್ಥಿಕ ನೆರವು ಆಯೋಜಿಸಲಾಗಿದೆ. ಆರ್ಥಿಕ ಸಹಾಯ ತೆಗೆದುಕೊಂಡ ಪ್ರತಿಯೊಬ್ಬ ಮಹಿಳೆಯು ಯಾವುದೇ ಕಾರಣಕ್ಕೂ ದುರಪಯೋಗ ಮಾಡಿಸಬಾರದು. ಹೊಲಿಗೆ ತರಬೇತಿ ಪಡೆದು, ಬಟ್ಟೆ ಹೊಲಿಯಲು ಕಲಿಯಬೇಕು. ಈ ಮೂಲಕ ನಿಜವು ಆರ್ಥಿಕ ಸಬಲರಾಗಬೇಕು. ಜೊತೆಗೆ ನಿಮ್ಮ ಮಕ್ಕಳಿಗೆ ಉತ್ತಮ ಶಿಕ್ಷಣ ಕೊಡಬೇಕು. ನೀವು ಯಾರ ಹಂಗಿನಲ್ಲಿಯೂ ಇರಬಾರದು ಎಂಬುದು ನಮ್ಮ ಆಶಯ” ಎಂದು ಹೇಳಿದರು.
ಪ್ರಗತಿಪರ ಚಿಂತಕರು ಅಶೋಕ ದಾಸರ ಮಾತನಾಡಿ, “ಸರಕಾರ ಮಾಡದ ಕೆಲಸವನ್ನು ರೋಷನಿ ಟ್ರಸ್ಟ ಮಾಡುತ್ತಿದೆ. ಈ ಸಂಸ್ಥೆಯ ಮೂಲಕ ಸಾಕಷ್ಟು ಕೆಲಸಗಳನ್ನು ಮಾಡುತ್ತಿದ್ದಾರೆ. ಬಡವರ ಪರವಾಗಿ, ಅಲ್ಪ ಸಂಖ್ಯಾತರು, ಹಿಂದುಳಿದ ವರ್ಗದವರ ಪರವಾಗಿ ಕೆಲಸ ಮಾಡಿಕೊಂಡು ಬಂದಿದೆ. ಅವರು ನೀಡುವ ಆರ್ಥಿಕ ಸಹಾಯವನ್ನು ಪಡೆದು, ಸ್ವ ಉದ್ಯೋಗ ಕಲಿತು, ಸ್ವಾವಲಂಬಿಗಳಾಗಿ ಬದುಕಬೇಕು” ಎಂದು ಹೇಳಿದರು.
ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿದ್ದ ಆಶಾ ಕಠಾರಿ, ಪವಿತ್ರ ಕುಂದೂರು ಅವರು ಮಹಿಳೆಯರಿಗೆ ಹೊಲಿಗೆ ಯಂತ್ರದ ಮೂಲಕ ಸ್ವಾವಲಂಬಿಗಳಾಗಿ ಹೇಗೆ ಬದುಕು ಕಟ್ಟಿಕೊಳ್ಳಬಹುದು ಎಂಬುದರ ಕುರಿತು ಮಾತನಾಡಿದರು.
ವೇದಿಕೆಯಲ್ಲಿ ಜನ ವೇದಿಕೆ ಮುಖಂಡರು ಬಸವರಾಜ ಕೊತಂಬ್ರಿ, ಶರಣಪ್ಪ ಎಚ್ ಸಂಗನಾಳ ಹಾಗೂ ವೇದಿಕೆ ಮುಂಭಾಗದಲ್ಲಿ ಮಹಿಳೆಯರು ಇದ್ದರು. ಕಲ್ಲಪ್ಪ ನಾಯ್ಕರ್ ನಿರೂಪಣೆ ಮಾಡಿದರು.
