ಹುಬ್ಬಳ್ಳಿಯ ಬ್ರಹ್ಮಗಿರಿ ಕಾಲೋನಿಯಲ್ಲಿ ವೃದ್ಧೆಯೊಬ್ಬರ ಶವ ರಕ್ತದ ಮಡುವಿನಲ್ಲಿ ಬಿದ್ದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದು, ಆಸ್ತಿ ವಿಚಾರಕ್ಕೆ ಹೆತ್ತ ಮಗನಿಂದಲೇ ಕೊಲೆ ಆಗಿರುವ ಶಂಕೆ ವ್ಯಕ್ತವಾಗುತ್ತಿದೆ.
ಮೃತ ವೃದ್ದೆ ನಿಂಗವ್ವ ಮುಳಗುಂದ (75) ಅವರನ್ನು ಘಟನೆ ನಡೆದ ರಾತ್ರಿ ಮಗ ಅಶೋಕ ಮುಳಗುಂದ ತಾಯಿಯನ್ನು ಮನೆಯೊಳಗೇ ಇರಿಸಿ ಬಾಗಿಲಿಗೆ ಬೀಗ ಹಾಕಿ ಹೋಗಿದ್ದಾನೆ. ನಿಂಗವ್ವ ತಮ್ಮ ಹೆಣ್ಣು ಮಕ್ಕಳಿಗೆ ಮೈಮೇಲಿನ ಬಂಗಾರ ನೀಡಿದ್ದರ ವಿಚಾರಕ್ಕೆ ಕೋಪಗೊಂಡ ಮಗ ಹಲ್ಲೆ ಮಾಡಿರಬಹುದೆಂಬ ಆರೋಪ ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿದೆ.
ಈ ಕುರಿತು ಮೃತ ನಿಂಗವ್ವನ ಪತಿಯ ಮೇಲೂ ಸಂಶಯ ವ್ಯಕ್ತವಾಗುತ್ತಿದ್ದು, ಅನುಮಾನಿತರಾದ ಮಗ ಮತ್ತು ಪತಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಆಸ್ತಿ ವಿವಾದವೇ ಹತ್ಯೆಗೆ ಕಾರಣವಾಗಿರಬಹುದು ಎಂದು ಪ್ರಾಥಮಿಕ ಶಂಕೆ ವ್ಯಕ್ತವಾಗುತ್ತಿದೆ.
ಇದನ್ನೂ ಓದಿ ಧಾರವಾಡ | ಪ್ರತಿ ಟನ್ ಕಬ್ಬು ಬೆಳೆಗೆ 4800ರೂ. ಬೆಲೆ ನಿಗದಿ ಮಾಡಲು ಆಗ್ರಹ
ಪ್ರಕರಣದ ಬಗ್ಗೆ ಪೊಲೀಸರು ತನಿಖೆ ನಡೆಸಿದ್ದು, ವಿದ್ಯಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
