ತಮ್ಮ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ಕರ್ನಾಟಕ ರಕ್ಷಣಾ ವೇದಿಕೆಯ ಕೂಡಲಸಂಗಮ ಘಟಕದ ವತಿಯಿಂದ ಪ್ರತಿಭಟನೆ ಮಾಡಲಾಯಿತು.
ಕೃಷ್ಣಾ, ಮಲಪ್ರಭಾ, ಘಟಪ್ರಭಾ ಪುಣ್ಯ ನದಿಗಳ ಸಂಗಮದ ಸುಕ್ಷೇತ್ರವಾಗಿರುವ ವಿಶ್ವಗುರು ಬಸವಣ್ಣನವರ ಐಕ್ಯಸ್ಥಳ ಸುಕ್ಷೇತ್ರ ಕೂಡಲಸಂಗಮದ ಅಭಿವೃದ್ಧಿಗಾಗಿ ಕಾರಣೀಭೂತರಾದ ಮಾಜಿ ಮುಖ್ಯಮಂತ್ರಿ ದಿ. ಜೆ.ಎಚ್ ಪಟೇಲರವರ ಮೂರ್ತಿಯನ್ನು ಪ್ರತಿಷ್ಠಾಪನೆ ಮಾಡುವಂತೆ ಹಾಗೂ ಮೂರ್ತಿಗೆ ಯಾವುದೇ ರೀತಿಯ ನೈಸರ್ಗಿಕ ಸಂಚಾರ ರೂಪದಿಂದ ಧಕ್ಕೆಯಾಗದಂತೆ ವೃತ್ತವನ್ನು ಅಗಲೀಕರಣ ಮಾಡುವಂತೆ ಕರವೇ ಆಗ್ರಹಿಸಿತು.
ಈ ಸಂದರ್ಭದಲ್ಲಿ ಕರವೇ ಜಿಲ್ಲಾಧ್ಯಕ್ಷ ಬಸವರಾಜ ಧರ್ಮಂತಿ ಮಾತನಾಡಿ, ಈಗಾಗಲೇ ಪ್ರತಿಷ್ಠಾಪನೆಯಾಗಿರುವ ಮೂರ್ತಿಯು ದಿ. ಜೆ.ಎಚ್ ಪಟೇಲರವರನ್ನು ಹೋಲಿಕೆಯಾಗುವುದಿಲ್ಲ. ಆದ್ದರಿಂದ ರಾಜ್ಯ ಸರ್ಕಾರ, ಜಿಲ್ಲಾಡಳಿತ ಹಾಗೂ ಕೂಡಲಸಂಗಮ ಅಭಿವೃದ್ಧಿ ಪ್ರಾಧಿಕಾರ ತಕ್ಷಣವೇ ಕಾರ್ಯಪ್ರವೃತ್ತರಾಗಿ ಮೂರ್ತಿ ಪ್ರತಿಷ್ಠಾಪನೆ ಹಾಗೂ ವೃತ್ತ ಆಗಲಿಕರಣ ಶೀಘ್ರದಲ್ಲಿ ಮೂರ್ತಿ ಪ್ರತಿಷ್ಠಾಪನೆ ಮತ್ತು ವೃತ್ತ ಅಗಲೀಕರಣ ಮಾಡಲು ಕ್ರಮ ತೆಗೆದುಕೊಳ್ಳದಿದ್ದರೆ ಕರ್ನಾಟಕ ರಕ್ಷಣಾ ವೇದಿಕೆ ವತಿಯಿಂದ ಉಗ್ರರೂಪದ ಬೃಹತ್ ಪ್ರತಿಭಟನೆಗಳನ್ನು ಮಾಡಲಾಗುತ್ತದೆ ಎಂದು ಸರ್ಕಾರಕ್ಕೆ ಎಚ್ಚರಿಸಿದರು.
ಜೆ.ಎಚ್ ಪಟೇಲರ ಜನ್ಮ ದಿನಾಂಕವಾದ ಆಕ್ಟೋಬರ್ 1ನೇ ತಾರೀಖು 2024ರೊಳಗಾಗಿ ಬದಲಾವಣೆ ಮಾಡಲು ಗಡುವು ನೀಡಲಾಗುವುದು. ಈ ಬಗ್ಗೆ ಕ್ರಮ ಕೈಗೊಳ್ಳದಿದ್ದಲ್ಲಿ ಮುಂಬರುವ ದಿನಗಳಲ್ಲಿ ತೀವ್ರ ಹೋರಾಟವನ್ನು ಎದುರಿಸಬೇಕಾದ ಪರಿಸ್ಥಿತಿ ಬರುತ್ತದೆ ಎಂದರು.
ಈ ಸಂದರ್ಭದಲ್ಲಿ ರಾಜೇಶ್ವರಿ ಹಿರೇಮಠ್, ಸವಿತಾ ಹಿರೇಮಠ್, ಸಂಗಮೇಶ ಅಂಬಿಗೇರ, ರೋಹಿತ್ ಬಾರೆಕರ, ಮಹಾಂತೇಶ ಒಂಕಲಕುಂಟಿ,ಜಾಹಿರ್ ಸಂಗಮಕರ, ಗಣೇಶ ನಾಯಕ, ಹಸನ್ ಕಲಕಬಂಡಿ, ಪ್ರವೀಣ ವಾಲಿಕಾರ, ಮಂಜು ವಡ್ಡರ, ಸೋಹಿಲಾ ಸುತರಾ, ರವಿ ಕೊಪ್ಪದ, ಸಂಜಯಗೌಡ ಗೌಡರ, ಶ್ರವಣ್ ಹಿರೇಮಠ್, ಶರಣು ಹಾದಿಮನಿ, ಧಶರಥ ವಡ್ಡರ, ಸಂಗಮೇಶ ಗೌಡರ, ಸಂಗಮೇಶ ಬೈಲಕೊರ, ಸದ್ದಾಂ ಕಲಾಲ, ಸಂಗಮೇಶ ಗೌತಗಿ, ಅಲ್ತಾಫ್ ಹಳ್ಳೋರ್ ಇತರರು ಉಪಸ್ಥಿತರಿದ್ದರು.
